خربشات أخر يوم انتخابي

مممم ما ادري اشلون ابلش الموضوع ولكن السؤال يقول

هل الدعايات والبروشورات الي يوزعها المرشح لها تأثير على صوتك ؟

يعني ما ادري هل اهوه مهم وايد ان لازم تسوي دعاية وتوزع كل هذي الأوراق والمنشورات

اهي يمكن لها اهميه ولكن بالنهايه انا احكم لما اشوفك بطريقة مباشرة لإن المنشورات فيها كلام و هو مجرد كلام

كل واحد يقدر يكتب كلام يبين فيه ان اهوه واحد واصل ومتحدث وفاهم وعنده القدره على الحوار ولكن لما تشوفه بشكل مباشر تلقاه واحد ما تنطبق عليه المواصفات الي ذكرها

وطبعا ما اصدق ان الكلام الي كتبته بالمنشورات هذا منك، طبعا اكيد عندك لجنة اعلامية اهي الي كتبت هالشي وطبعا لازم يضبطونه

ويمكن يكتبون شغلات انت ما تمتلكها كقوة الشخصية أو الردود المقنعه للناس

فيعني ماكو فايده منهم

انا كتبت هالجم سطر لإن احد المرشحين حاط على سيارتي 15 بروشور

اي ليش عاد شدعوه 15 يعني تبي تقنعني اصوت لك يبه ما ابي

----------------------------------------------------------------

اليوم طبعا الكل يدري يوم الإنتخابات الي الكل كان ينطرها ويزهب لها ويحسب لها الف حساب

طبعا الظريف بالموضوع ان اليوم وصلني اكثر من 23 مسج من هالمرشحين الي نازلين

وهالمسجات من الصبح شغالة لما الليل والله اذونا

-----------------------------------------

والله سمعت من خلال المقابلات على القنوات الكويتيه ان نتائج التصويت راح تطلع على الفير

يعني النوم زين ومن اصبح افلح :)

تصبحون على خير