مساء الخير
اسف على التأخير
ظروف خارجة عن السيطرة
كان عندي حالة وفاة
الله كريم
------------------------
كنت راح اقدم الموضوع بشكل احلى بس النفسية مو اوكي
ولكن
في ناس ضحكوني
انا قايل 4 اجهزة
وفي ناس حاطين الإجاية على 5 اجهزة
يمكن صار في خلل في صياغة السؤال
معلش غلطتي
حسبت ان الكل راح يلقطها عالطاير
ولكن اليايات اكثر
الفايزين حسب الترتيب الآتي
1-malak
2-علي
3-q8
4-dodoq8
5-yniya
6-anonymous
اول اجابة صحيحة كانت حق ملاك
ولكن لو اخذتها على اول واحد جاوب راح يكون ظلم حق الباجي
الفايزين راح يدشون قرعه بإختيار رقم عشوائي
من موقع
راندوم1
2
3
هووووباااا
والفايز معانا
الا ماشفتوا مباراة برشلونه
ههههههه
لا لا الفايز هو
رقم 4
نصعد فوق نشوف منو رقم 4
dodoq8
كلولولش
مبروك يبه
دودو مدونة في سماء المدونات طبعا
dodoq8والله مادري شكله كان قمة بالسهولة
ههه خصوصا انا الي كنت ميمع الأيبودات يم بعض
ولكن شكرا لمن شارك
وشكرا لمن لم يحالفه الحظ
اوكي ادري ادري ناطرين الجائزة
شوفوا من الحين اقولكم فلوس ماكو
انا بروحي ادور احد يعطيني
ولكن الجائزة راح تتماشى مع سياسة البلوق وراعي البلوق
بما اني من محبي الرشاقة وتجربة المطاعم
الفائز بالجائزة
يختار مطعم أو أكله
عندكم من فلافل وبطاط ونخي وباجيلا لما مطاعم البحر
مو تكثرون لووول ما عندنا شغل فنادق وربعه
تختار المطعم و بإمكانك ترجيح اكله أو وجبة معينه
لووول بذمتكم مو خوش جائزة
ودور اسبوع انشاء الله
اروح واجرب واصور والحياة حلوه
هههههههه
هالسالفة تضفي نوع من الترفيه على المدونه لا اكثر
ولا شرايكم؟
طبعا دودو راح انتظر اختيارج
ولا تحرقينا بالمطعم ترا الإعانه ما نزلت
وهم عندي شغله بعد
اذا حابين نكمل بالموضوع وعجبكم عطوني رايكم
واذا حاسين السالفة عادية فالتجربة والوناسه هذا اهم شي
انتظر ردودكم اعزائي وقرائي واخواني واخواتي
ومن هنا احييكم ديكاتي من على قبة فراشه
هذا والسلام عليكم ورحمة الله وبركاته
