الفرق بين الراس والكور

لووول الصورة تضحكني بس المهم

اليوم صارت حالت ذهول بالنسبه حق ديكاتي لإني اكتشفت ان اخوي الصغير طلع مفكر

مممم قلتولي اشلون؟ نعم نعم

اليوم قعد الأخ من النوم والويه متفخ ماله خلق جان ايي يقعد يمي طلع جنطته وفرغ الي فيها كله

طبعا نصها كتب ودفاتر والباجي اقلام وما ادري شنو وحلاو

اقوله وين مقلمتك يقول اخر حصه مالي خلق افتح المقلمه علشان ارجع اغراضي فأقطهم بالجنطه واطلع

قتله ماشالله عليك

قعدت اقرا الجريده واهوه قاعد يمي يبي يدرس يعني

ويسولف شوي ويدرس شوي بعدين جان يقولي آخ يا كوري(الكور هذا المسمى الثاني حق الرأس)يعورني احسه مصدع

قتله روح ابلعلك بندوله ولا شي جان يقول لا ما ابي قتله كيفك

بعدين صليت المغرب (شوفوا ترا اصلي انا علشان مو تقولون مثل البوست الي طاف كل واحد يقول انت صليت ولا لأ)وقلت بروح مشوار

فقلت حق الأخ تعال معاي ونسني بالطريج قال اوكي

ركبنا السيارة جان يقولي شغل المسجل الهدوء مو شي قلناله ماشي

شغلت المسجل جان يرجع ويقولي آخ يا راسي يعورني

جان اقوله انت ما أذيتنا راسي وكوري

قالي ما ادري اشفيني اليوم الظاهر تعبان

قتله انزين شنو الفرق بين راسك وكورك لووووول

عاد اهوه كان مستعد حق الإجابه

جان يقولي شوف الكور اهوه المخ يعني لما اقولك كوري يعورني يعني ما اقدر افكر عدل

انا:نعم نعم اها يعني جذي السالفة انزين و راسك

جان يقول لا راسي يعني من الراس كله من الدماغ لما المخ لما كل شي هذا راسي

قتله اي والله زين يعني انت مقسم شغلك

يعني استنتاج ماكو منه

يعني اذا باجر واحد سألكم شنو الفرق بين الكور والراس جاوبوا مو تقولون ديكاتي ما علمنا

اي شوفوا انا استفيد من الناس وافيدكم والله اني انشر المعرفه حول العالم

:)