الشغالة وانتخابات 2008

ذاك اليوم قعدت الصبح وكان تو الناس على الدوام فقلت خل نقرا الجرايد نشوف شنو في اخبار بالبلد

رحت الصالة ما حصلت الجرايد ولا شوي تمر الشغاله تقولي الحين اييب الجرايد

قتلها زين فهمتيها واهي طايرة

المهم راحت يابتهم ويت

ولا حاطين مثل كتيب صغير في مقالة مالت واحد كاتبها عن شراء الأصوات

عاد جان تسألني هذي شنو ليش قاعد ياخذون فلوس وهم ليش كله شرطه وايد بالجرايد

مو خبركم اهي لما اتيي تحط الجرايد بجيس كبير علشان نيمعهم تتصفح الجريده تشوف صور

المهم الحين ديكاتي ياي يبي يفهمها شنو انتخابات

واسوي لها مسرحية علشان بس اشرح لها شنو انتخابات وقتلها بطريقة ما ادري اشلون اوصفها

المهم بالنهاية فهمت شنو يعني انتخابات

انزين الحين خلصنا من سالفة الإنتخابات الحين ييت ابي افهمها شنو شراء اصوات

يا ربي طلعت روحي على ما فهمت شنو يعني شراء أصوات وان حرام وما يجوز شرعا

لووول جان تسألني السؤال الصاروخي

الشغالة: انزين ديكاتي الحين انت قلت انتخابات وان الناس يبيعون اصواتهم انزين الصوت بجم سعرة؟

(طبعا اهي تقول بلهجتها المعقدة بس انا مترجمها لكم)

ديكاتي:عطيتها الصافي طبعا قتلها 4 آلاف دينار حسب ما سمعت من المصادر

المهم الحين هذي من اول ما طبت الكويت ما تعرف غير 100 دينار الحين ابي افهمها شنو يعني 4 آلاف

قتلها 100 عشر مرات هذي الف

عاد لما استوعبت قصدي ضربة فيوزاتها صارت فلتة جان تقولي يعني 500 +500 جان اقولها ايي بالضبط

لوول لا تشوفون شكلها لما عرفت الألف جم وان الصوت ب4 آلاف قامت تقط خيط وخيط اشوفها بروحها تساسر عمرها قاعده تحسب شي

من كثر الصدمه ضيعت اشوفها خذت قوطي كلنكس وحطته بالثلاجه لوول اقولها شنو حطيني بالثلاجه جان تستوعب وتقول انت من الصبح تقولي 4 آلاف اشلون ما تبيني اضيع

جان تقولي يعني انا لو اقعد 20 سنه عندكم ما اطلع هالمبلغ

جان اضحك انا وقتلها شقصدج يعني

جان تصدمني لما قالتلي انزين انا صارلي 11 سنه بالكويت ما يصير اصوت مثلكم يعني المفروض يعتبروني كويتيه

انا اهني فصلت اقولها والله انتي ماخذتها سهالا قتلها بس بالنهاية حرام ما يصير

جان تقولي اي صح حرام خلاص يعني اقنعتها ان حرام

راحت شوي جان اتيي مره ثانيه جان اقولها شوفي مكتوب بالجريدة الصوت وصل 6 آلاف جان تقولي خلاص انا ببيع صوتي حتى لو حرام

لووووول انا ضحكت عليها لما اقولها 4آلاف حرام بس 6آلاف عادي

آآآآآآآآآآآآآآآآآهههه والله تعبت من هالشغاله مو اقولكم عليها سوالف ما تصدقوني