الشغالة أم لسانين

الشغالة الي عندنا جنسيتها هنديه

وعليها سوالف صج صج تضحك

اهي ساعات لما نأذيها تعصب و اذا عصبت ابوي عبالها قامت تزف

عاد ذاك اليوم ابوي قالي نظف الفلتر مال الوحده قتله ماشي

يبت السلم وصعدت وبطلت الغطا وطلعت الفلاتر ولا اشوف الشغاله قتلها اخذيهم غسليهم

المهم ما قصرت راحت غسلتهم ويت

جان تقولي انا بس راح اغسل هذيل اما الوحده الثانيه انت غسلهم

لوول قتلها اوكي

ركبتهم ورحت حق الوحده الثانيه وانا قاعد اطلع الفلاتر ولا اتمر يمي الشغاله قتلها تعالي تعالي اخذيهم

جان تقولي شنو كل انا كل انا انت ما عندك ريول ما عندك لوووووووووووووووول اناغشيت من الضحك قتلها زين زين لا تزفين

المهم راحت وانا طلعت الفلاتر ولا ابوي يشوفني جان يقولي جان ناديت الشغاله تغسلهم

جان اقوله يمعود اسكت لا تسمعك ترا توها زافتني

لوول جان يضحك علي ويقولي ها زفتك ؟

لووول المهم خلصت وقعدت بالصالة ولا اخوي الهتلي قاعد ما ادري شسوي المهم الشغاله يت تبي تعدل الصالة

جان اقول حق اخوي شيل كتابك واغراضك ومخدتك قالي اوكي

عاد توه يبي يقوم جان تقوله الخدامه يالله يالله شيل مخدتك واغراضك انت كله تعفس الصالة وانا كل ساعه اعدل

لووول وهم زفته لووول ولا ابوي ايي يقولي شفيها هذي تتحلطم

وانا بعز الضحك جان اقوله زفت الهتلي اخوي

جان اقولي ما بقى الا تزفني انا بعد

بس والله مسكينه شايله البيت على راسها لووول

بس مشكلتها كله تزف خو طولي بالج احنا صج مأذينج ومطلعين روحج بس الصبر زين:)