جان يقطعون الخط!!

صباح الخير

تقعد من النوم تجيك على التلفون ماكو ولا مسج ولا مكالمه ولا مسنجر

شي غريب

قلت يمكن الاوادم نايمين

كملت النومه وقعدت مره ثانيه

اشوف الشبكه شغاله على
GSM

ممممم قلنا يالله يمكن الشبكه معلقه

قعدت خلاص ادق على الربع مو راضي يضبط

طفيت التلفون وشلت الباطريه و شلت الخط وركبته مره ثانيه

ماكو فايده

ادق على 107 خدمة عملاء زين جان

جان يصدمني بالحقيقه المره

حقيقه ما سمعتها ولا مره بحياتي

لا لا لا تقول ما ابي اسمع

لووووووول انشالله مو مسلسل برمضان يا ديكاتي

جان يقول خطك مقطوع

يهب ليش ليش المفروض تكافؤوني

انا من اول ماا خذيت خطي ولا مره انقطع

بس قلعتي

اي نعم الغلط مني

لإن في شهر ما تكلمت فقلت ماله داعي ادفع ما تسوى

لما صار الشهر الي بعده ولا يندبل المبلغ وهذي النهايه

اي خو من اول يا اخي سنع وضعك

لا والبعصه ان ماكو خط ثاني والبيت كلهم مسافرين

والفلوس حده حده

بس انشالله باجر تفرج

الحلو بالبلاك بيري ان حتى لو الخط مقطوع

تقدر تسستعمل الخدمات الي فيه عن طريق الوايرلس

يعني الحين شغال المسنجر والتويتر والبي بي ام ماكو مشاكل

وحيالله ديكاتي لوووووووووول

يدتي عرفة ان حفيدها مدون

تعرفون لما الواحد يقعد من النوم وعطشان حده

والسبب ان متغدي ذذاك المربين

يبووووووووووووووي

لووول ترا رحت النادي الصبح

انا ما ادري هل المدربين حاطين علي ولا اهما نظامهم جذي

كل ما اروح جهاز يا اشوف حاط ايده على ظهري يقولي اسمت ظهرك

ولا ارفع ريولك ولا افرد ايدك

لووول انا مقدر بس الوقفه على الراس مو شي

والحين ما اقول الا اعطنا كأسا من الماء يا هذا

ههههههههههههه

الا ما قتلكم يدتي شنو خاشتلي

لوول الله يحفظها اليده

طبعا خالي اهوه قايلها هذا انا

THNX 2 ALL

لو مو انتوا يا قرائي جان ديكاتي ما صار

من اللانهائية و ما بعدها

شخباري بز يطير مال توي ستوري
-----------------------------------------
UPDATE

والله اعتقد انها جريدة الدار بس ما ادري اي عدد لإن اليده الله يحفظها شايلتها من زمان

خاص لطلبة قسم الإعلام - جامعة اللكويت

قام نائب رئيس رابطة الآداب بعمل استفتاء لطلبة قسم الإعلام ببشأن تحديد مسار التخصص

والموضوع كامل راح تلقونه على جريدة الوطن

اضغظ هنا

الموضوع بإختصار

احنا كطلبة اعلام لما نتخرج يسجلون بالشهاده طالب قسم اعلام فقط

مع العلم ان احنا بالقسم عندنا شعب الي اهي صحافه واذاعه وتلفزيون و علاقات عامه

المفروض وللوصول لمهنيه اكبر في مجال العمل

ان كل طالب يتخرج من قسم الإعلام يتم تحديد الشعبه الي تخرج منها سواء صحافه او علاقات عامه او تلفزيون

لما يتوظف الطالب في المجال الي اهوه دارسه راح يكون هناك ابداع اكثر

ومهنيه في تطبيق العمل الإعلامي

خطوه جميله بصراحه وانا معاها

1st day in the gym

ديكاتي مو قادر يجفس ايده

لووول المدرب قعدلي خوش قعده

طلع البرجر الي كليته من عيني

يوووبوووووووي

لا المشكله وين ؟

امس متعشي من بدر البدور

صارلي فتره بس اكل 3 صمونات

امس خربتها طاقلي 3 كباب و 1 شورما


و اليوم رايح بيت يدتي وطاقه هالمرق والدياي وهات يا ديكاتي

لا وختمتها بقلاص لبن يخرب بيته شنو يفر الراس

لا صج صج خدرت منه يا سااااتر

لا وكانوا حاطينه بالفريزر يعني شبه مثلج يا سلاااااام

وبعدها اييك ذاك الحلو

يعني انا طول ما انا بالخراب الي كنت فيه ما اكلت كيكه كلها ككاو

يوم الي سجلت بالنادي وقلت خلاص من اليوم التزم

قووووم يا حظي يا ديكاتي واكل قطعه ارفعت السكر بالعلالي

انزين انا بس بعرف هل هذي حوبة اني سجلت بالنادي ولا حالة نفسيه غير معروفه

انا خابر لكل فعل ردة فعل

انا سجلت في نادي معناته انا راح اكل اكثر من قبل لوووول شنو هالمنطق

ديكاتي انت مو صج

لووول بعد ما اكلت خلاص جان اتحسف

اخيييييييييه تحسفت بعد شنو ياخووووويا

عاد قلت خل اروح النادي احرق الي كليته

رجعت البيت بدلت

والجو غبار مو صج وهذي الميزه انك مشترك في نادي علشان ما يأثر عليك الجو

رحت انكرفت ساعه وشي وهذا انا متشرقد بغرفتي

ولنا مع النادي بقيه

ديكاتي شنو عندك؟

صباح الخير عليكووم جمييعا

جمعه مباركه عليكم استغلوها بالذكر والصلاة والدعاء

من قعدت وانا فيني صداع خفيف يمكن المكيف كان بارد شوي البارحه

من قعدت و الوالد الله يحفظه سألني 3 مرات شنو عندك باجر

قبل ايام زمان لما كان الشخص يقول شنو عندك؟

كنت استانس لإن فيها طلعه حتى لو شغل بس المهم اطلع

اما هالايام صارت كلمة شنو عندك تساوي تكديش ومشاوير مالها اول

لوول قمت اكره هالسؤال

قول الي تبيه على طول لا تطول شنو عندك والساعه جم محاضراتك ومتى يخلص دوامك

ولما تخلص شنو عندك وين بتروح

خلاص كبرت على هالأسئلة ومليت منها بشكل اصح

الكلمه اتييب الغامت

---------------------------------------

المفروض اني اليوم اروح النادي

ولكن قلت بعد الغدا كل شي يبين

والله يا ديكاتي حاس انك بتخورها

ولكن انشالله خير

ما يندرا يدتي شو طابخه اليوم

ههههههه بالله انت مال نادي نكفى

gym with the perfect deal

مو لما اقولكم مسوي رجيم ما تصدقون

الحين راح تصدقوني عاد

هي هي هي

اليوم اول ما قمت من النوم قلت دام اني في تطور هالفتره وقاعد اعدل وايد اشياء

فقلت من الواجب ان تكون لياقتي وجسمي واحد من هذه الاشياء

المهم

والله وقعدت وقلت خلاص اليوم لازم اسجل بنادي صحي

المواصفات المطلوبه

1-نادي ذو مستوى لا بأس به

2- قريب يم البيت

3- يفضل 24 ساعه

4- السعر المناسب

طبعا وصلت حق ناديين معروفين

الي اهما بلاتينوم

و نادي راس السالمية

اول شي رحت راس السالميه

اشتراك الشهر ب35 دك

دخلت خذيت جوله سريعه

طبعا راس السالميه اليديد

المهم

خذيت جوله سريعه لا بأس فيه يعني تقسيمته حلو

حمام السباحه مو كبير ما عجبني

السونا والشور مكانهم ممتاز وشي مرتب

بس مشكلته ان من الساعه 7 الصبح لما 1 بعد منتصف الليل

قلت خل اروح بلاتينوم دام ان يمي

رحت طبعا الي بشارع المطاعم

دخلت استقبال جيد

صالات الرياضه في اكثر من وحده مع تواجد مدربين على الأقل في كل صاله

حمام السباحه مو صج

يعني هناك مميزات وسلبيات بالمكانين الي رحتلهم

بس اخترت بلاتينوم

عطوني 5 اسابيع ب35

والنادي 24 ساعه ما عدا يوم الجمعه يسكر من الساعه 1 الفير لما 2 الظهر

مكانه بشارع المطاعم ممكن تكون مشكله خصوصا معاي انا

اطلع من النادي من هالتعب واالحاله وحارق سعرات حراريه وتحت يمي عصاير توت مشمش

وشارع المطاعم بكبره يمي

ولكن الإراده تأبى هذا وانشالله منها للأعلى يا ديكاتي

وبالنسبه حق النادي اذا ما عجبني راح اروح راس السالميه الشهر الي بعده

بس قولوا انشالله التزم عاد وما اوقف من اول اسبوع

Dubai mall aquarium damage شرخ في اكواريوم دبي مول

في مجمع دبي مول بالإمارات

الإكواريوم تعرض لشرخ نتج عنه تدفق المياه بشكل خطير

وتم اغلاق بعض المرافق والممرات بالمجمع للسيطره على الوضع

مراسلكم ديكاتي من الصالة بالبيت واهووه يطالع تلفزيون

kuwait national dayعيدي يا كويت

هذي كويتنا الغاليه اذا احنا قمنا فيها واحتفلنا بعيادها منو يحتفل

الله يديم عزج يا كويت

الكويت اليوم تحتفل بالاعياد الوطنيه

وكل كويتي اليوم له الفخر والعز بأن انتمائه إلى الكويت

وكما يقول البي بي ام

an old man once said:
there are two types of people:-
1-kuwaitis
2-people that wish they were kuwaitis

happy national day q8

واليوم كويتنا كشخت والبست احلى زينه والوان

كويتنا بعيونا احلى بلد ومكان الواحد يرفع فيه راسه


الله يحفظ لنا كويتنا و عساها دوم بفرحه وعز

كويتنا قامت على ايد اجدادنا وراح تقوم اليوم على ايد عيالها وشبابها

كل عام وانتوا بخير

leonardo "ac milan" we started 2 hate u

بديت اكره المدرب

الحين مباراة الفريق مع فيورينتينا

خسرانين 1-0

من اول ما شفت التشكيله و انا مو مرتاح

اتمنى الشوط الثاني يكون افضل

واقول حق الأخ ليوناردو سنع فريقك احسنلك

لوووول اشفيه ديكاتي قام يهدد

والله نرفزني ماادري ليش
------------------------------------
update

لووول انا اسف طال عمرك

بس كانت تهمني مصلحة الفريق

الي يسمع عندك اسهم بالنادي

2-1

حق الميلان

Hard rock cafe kuwait

مسا الغبار والكحه والربو والحساسيه

انا مستغرب من الناس الي على هالجو ومنزلين الدرايش

ولو ان الجو كان براد يعني مو ذاك الحر بس لابد من المكيف بصراحه

اليوم رحت مع معاذ بعد ما طقينا فره عالبحر حق هارد روك كافيه نتغدا

كانت المره الاولى حقي علشان جذي ما خليت شي بخاطري صورت لما قلت بس

طبعا الكل يعرف ان هارد روك الكويت فرع واحد الي عالبحر قبل المرينا مول

اول ما فتح هالمطعم العموم عجبه التصميم ولما اليووم حلو

حتى الواحد لما يبي يصور عادة لازم يروح صوب الهارد روك

وصلنا الساعه 2 والمطعم فاضي يعني كلنا 3 طاولات

بداية التصميم من داخل روعه وايد شبابي وحلو





هذي اسطوانه تدور فوق

قعدنا صوب البحر لأن الجانب الي صوب الشارع غبار وجو كئيب جدا

طلبنا مقبلات اصابع جبن

وحياتكم شغل رمضان هذا الي حسيته والجبن كيري بعد بس جيد

السويت شيلي صوص مو صج معاها

اهني المنيو صفحة المشروبات

انا خذيت اكزوتيك مارجريتا

ومعاذذ خذا شي مو صج
لووووووول

واهني عروض الهارد روك لأيام معينه حق الي حاب يروح

طلبنا برجر بيكون

وكانت وايد حلوه ما تغث والبيكون ما يعلج وايد



طبعا المكونات تكون على جنب وانت تحطهم بالطريقه الي تبيها اضافة للكتشب والماسنرد


وللحصول على نظام غذائي متكامل لازم نحلي بعد هالوجبه الدسمه

ما يبيله اكييد براوني وصلحوووو


مممم بصراحه المطعم حلو والسعر مناسب نوعا ما

15 دك وشي

مثل اسعار المطاعم الباجي

والخدمه ممتازه حدها

اكثر من مره ايون يسألون اذا كل شي اوكي او ناقصنا شي

حتى لما وصلت البرجر يسألون اذا كانت زينه ومستويه مثل ما نبي

يستاهل تجربه ثانيه

والحلو بعد جو الأغاني الي يحطونها وايد حلو حدي استانست

طلعت من المطعم طربان حدي

starbucks kuwait

انا ما ادري شنو سالفتي مع المدونه

ادري مو عوايدي اكتب بالشكل هذا

واسمحولي اذا مليتوا ولا ديكاتي صار يقول اي شي ويمشي

من زود الي براسي مالي مكان اطلعه الا اهني

عموما

قبل شوي كنت رايح انا ومعاذ وصاحبنا ستاربكس

قاعدين وسوالف واهمه مجابلين كامراتهم وانا قاعد العب شوي واسولف شوي

يعني قعده ظريفه

كنت متغدي متأخر اليوم يعني ما كنت راح اطلب شي ثقيل

وهم لازم يكون شي بدون كافيين لإن ما ابي اخرب النومه

بالبدايه اول ما وصلت طلبت جاي اخضر بس قتله كنسل خلاص بعدين اطلب

رحت قعدت وقعدوا الشباب وطلبوا

انا قلت اقعد شوي اشوف نفسي شنو ابي

والله قمت اول شي ييت باخذ فريز بس شفت عصير الفراوله فريش وعليه ثلج يغري

خذيته ومعاه قلاص ثلج يترس العين

ولو اني احس ان بلاعيمي الحين شوي مسويه ازعاج بس انشالله خير

قالي حسابك 1.400 جان اطالع الي طلبته

قاعد اقول براسي ترا كله عصير فراوله

يعني علشان فرش مثلا

ولا بما اني انا ستاربكس معناته مهما كان هالشي لازم يكون سعره غالي

ممم دفعت وشربته وانا اضحك

اوكي العلبه كبيره مو صغيره بس حتى لو شدعوه

في فرنسا احد الأقرباء يسولف يقول ان اهناك الستاربكس عندهم سعره ارخص من اهني

وهم في امريكا السعر ارخص

بس يالله شنقول بعد

معلومه سريعه

هناك 71 فرع ستاربكس بالكويت

موزعه مابين مجمعات ومحلات مستقله لحالها

واكثر تجمع لمحلات ستاربكس هو في مجمع الأفنيوز يوجد فيه 6 افرع
---------------------------------------------------------

الحين ابي انام

كنت مخطط اطالع فلم شويه او حلقه من مسلسل

بس الحين غيرت رايي

ابي اصفي ذهني عدل وانام وانا مرتاح بدون اكشن

استكانة

اليوم وانا بالمحاضره سألنا الدكتور عن معنى كلمة استكانه

الي اهي استكانة الجاي

انا قعدت افكر افكر افكر

قلت في بالي اعتقد انها حيث يسكن الجاي

اي من السكون اي ان الجاي يكون ساكن فيها

عاد وضح لنا الدكتور اصل الكلمه

يمكن وايد ناس تعرف هالمعلوومه ولكن انا توني اعرفها بصراحه

قبل كان الإنجليز محتلين الهند

وكان الهنود يشربون الجاي بالإستكانه

الأنجليز كانوا يشربون القهوه بالكوب ما عمرهم شافوا شي اسمه استكانه

فبدأو الأنجليز ياخذون استكانات كهدايا معاهم لما يرجعون ديرتهم

فلما كانوا يقولون لهم شنو هذا يقولون لهم استكانه

واهي كلمة انجليزيه متكونه من

East

Tea

can

استكان

لوول اما ربعنا اهني لازم يانثون او يذكرون

صارت عندنا استكانه

وااااااااااااااااااااااااااااحد جااااااااااااااي وفك عمرك

لوووول المشكله ان تفكيري حده كان بعيد عن هالشغله

بس يالله لا من زود ثقافتي ولا شطارتي

قبل شوي راجع من الدوام والوالد كدشني عدل

اخير استلقيت على فراشي ولابي بين ايدي

From paris with love- movie

قبل شوي رحت الفلم الآنف ذكره بالعنوان

طبعا ترافولتا غني عن التعريف

بس لما تحضر شي مثل هالفلم بسينما الكويت راح تعاني وايد

ومن هالمكان اوجه كلمة شكر حق الحبيب الي جابل سالفة التقطيع بالفلم

اقوله الله يعطيك العافيه لا والله تعبت على هالتقطيع

لووول لدرجه انا صرت مفههي وانا اطالع

ابي اعرف شنو الي صار شنو الموضوع ماني عارف

يعني بالمختصر مو شي تروحونله سينما

تقطيع هالكثر ما شفت انا

المشكله حتى قاطعين كلام مو لقطات بس

ولكن شنسوي غير نقول الحمدلله على كل حال

حان وقت النومه طفيت عالآخر

تصبحون على خير اعزائي الحضور

انشالله مو بمسرح يا ديكاتي

كل شي تحت السيطره

شعور جميل لما تحس ان متحكم بيومك

الي تخططله وتفكر فيه تسويه بدون معوقات تذكر

ولكن لازم شوية تعب

وانا لما الحين اقدر اقول اني ما زلت ممسك بزمام الامور ومسيطر على الوضع تمام

يوم لا يخلو من الأكشن الخفيف

كالعاده قاعد الساعه 7 ومحاضرتي الساعه 11

قعدت واليوعي ذباحي ويا غزال مر على خاطري يوم جيتا ما لقيتا وتلقاني

ويييييييييييييه وين رحت انا

سوري ضيعت

قعدت خذيت شور وهووبا للمطبخ

اكله سريعه خفيفه ولذيذه والكل يعرفها

الله يذكرها بالخير مرت خالي اول وحده سوتها لي لما كنت بالروضه ولما اليوم متذكرها

بيض مغطس بالتوست وفوقه عسل خفيف

وحليب دارسين بالعسل

ويا صباااااااااح الخيييييييييير

جك بوم يتصل الاخ ساد ساميل الساعه 9 ونص يبي اوديه ياخذ سيارته من الوكاله مع العلم ان محاضرتي 11

طلعت ونزلت عالخامس ولا زحمه مو صج

وقطووع قطوووع وصلتله 10 وربع ويدوب وديته ورحت الكليه اسرع سريييع

ولكن البايخه ان الدكتوره ما داومت

واليوم مستقلة الأداب مسوين الي يسمونه مهرجان او كرنفال

والله كانوا مسوين جوو حلو جدا

واهني مشروع قلطه ولا ما ادري شنو بس فيها دقدقه

صج انا ما اقعد بالسوالف هذي بس العموم مستانس

جان اصعد الدور الثالث خذيتلي صوره ونزلت
------------------------
الإيجابيه حلوه وتثري ايامكم

و لها الدور الأكبر في تصحيح مسار التفكير

1st day in college

مسا الخير

ديكاتي النعسان يكلمكم

انا امس نمت مبجر

بس شنو الي قعدني الساعه 6 ما ادري

يعني اخ ديكاتي لا انت الي تبي تتمكيج ولا تسشور شعرك شعندك قاعد؟

ما ادري شقعدني

المهم قعدت شفت حلقه من ديكستر وبعدها شور وريوق سريع وطلعت

رحت المكتبه مالت الجمعيه علشان اشتري نوت

انا بفهم شي واحد بس لا اكثر

ليش مكتبات الجمعيات مو مرتبين شغلهم وكل شي فوق بعضه

تدش المكان والله مالك نفس تشتري

ويقولون ليش تحبون تروحون تشترون من الاماكن الغاليه

ليش اروح حق الرخيص ولما ادش المكان انزعج وما ارتاح

حلاته تدش مكتبه كل نوع من النوتات محطوط فوق بعضه

بو 3 اقسام من هالنوعيه بمكان و بو4 بمكان

اما ربعنا لا تلقون مخلين بو 3 اقسام بصوب وكل النوعيات فوق بعضها

والله كلش موشي

بس والله لقيت نوت عجبني شكله مرتب وحلو

بس جنه حسيت ان بناتي ولا شرايكم

مالنا خلق ننضغط بالمحاضره

عاد في ناس اقترحوا علي اماكن ممكن احصل فيها شي مرتب وبسعر حلو

منها حولي الي مكتبة العجيري واطلس وربعهم

وقالولي مكتبة جرير

والله خيارات وايده ولكن نبي الأفضل

-----------------------------------------------

دوام اول يوم خفيف كالعاده ولكن اسمه دوام

لوول في دكتور شاك بموضوعه بس خل اتأكد اول بعدين اقولكم

-----------------------------------------------

تو وصلني اتصال من ساد سمايل

الحبيب مدخل كرين داخل مواقف الإداريه الساعه 9 ونص

يعني بعز الزحمه ومطلع سيارة اخوه

وعلى قولته الاوادم تتحلطم وحاله

اشوه اني مو موقف سيارتي هناك

ولا جان ما وصلت بيتنا ولا قدرت اطلع من الزحمه

البوابه المشرقه

لوول مشرقه بويه العدو

من باجر نبلش السوالف الي مالها داعي

شدعوه عليك الحين الدوام والجامعه ماله داعي

انا ضاربة فيوزاتي اسمحولي

الله يطوف هالجم يوم على خير علشان ابي احتفل بالاعياد الوطنية

اخيييييه عليك يا انت يا وطني

اخرتك بتقزرها نوم

انشالله الدكاتره يكونون زينين

والله يوفق الجميع

BB Battery

من جم يوم بطارية البلاك بيري كانت شوي وتخلص

المهم طنشت قلت خله لما ينطفي بروحه

عاد شوي شوي قام يطفي برامج

اول شي يطفي التويترر والمسنجر

بعدها بشوي يطفي الخط

واخر شي يطفي الجهاز بكبره

المهم صار هذا كله

رجعت البيت وحطيته على الشحن وتقريبا اخذ ثلث ساعه على الشحن علشان اقدر اشغل الخط

شحنته كامل وكل شي تمام

اليومين الي بعد هالسالفه صارت البطاريه ما تقعد معاي اكثر من 4 ساعات

يعني انا باليوم كنت اشحنه 3 او 4 مرات ولما انام يكون على الشحن

قررت اشتري بطاريه يديده لإن مع الدوامات هالحاله ما راح تنفع معاي كلش

ولكن اشوفه من امس واليوم الوضع متعدل البطاريه رجعت إلى ادائها الطبيعي

يعني الحين مو مضطر اشتري

هههههههه اشوه اني ما شريت

اي والله هاليومين الدينار صاير عزيز على القلب والمعده لا غير

بس اتمنى ان ما يصير هالموقف مره ثانيه

ووانا اسف مستر بي بي ما راح افضي البطاريه جذي مره ثانيه

فريج صويلج

مسا الخير

تعرفون لما يصيرلكم جم يوم مو ماكلين اكل مثل الناس

يعني ما ابي شغل برجر وهالسوالف

خلاص ما قمنا نستطعم هالأكل من كثر ما ملينا منه

امس انا ومعاذ قاعد نحوس بالكويت وضواحيها بحثا عن لقمة العيش

وكنا مشتهين ناكل عيش

المهم ونروح حولي ماكو ولا مطعم مفتوح ونروح الديره هم ماكو

اخر شي ما بقى غير مطعم فريج صويلح

ولو اني كنت قاقد الأمل ان مفتوح

لإن الساعه كانت 2 وشي

والله وقلنا نروح نشوفه اذا مفتوح خير على خير واذا مو مفتوح شارع المطاعم ما يرد احد

والله رحنا ولا الحبايب قاعدين

معاذ يقول ان اهوه 24 ساعه من زمان

والله وبعد رحلة بحث شيقه وطويله وحاشنا تفتيش

وصلنا بعون الله غلى مبتغانا

وبصراحه فكرته حلوه ان يخلي مطعم يقدم عيوش لما هالوقت من الليل

انا مو داخل في بالي ان يكون 24 ساعه لإن ما اعتقد في احد راح ايي ياكل عيش الساعه 8 الصبح

ولكن ما يندرا ربعنا يسوونها

والله ويطيح الأكل
واهوه ما مداه طاح الا تمت
لوووول

ولكن تأبى المروءة والله ومعاذ يعطيك بو هذي

اقول ديكاتي جني ما شبعت يبيله كباب

لووووووول وانزل يا كباب
لووول طبعا منو يقول ما قدرت انام لما رجعت البيت

بس والله كاانت رحله شيقه

والي عنده خبر اذا كان المطعم 24 ساعه او لا خل يفيدنا

Dexter

في الأيام الماضية بدأت بمتابعة المسلسل الأكشني العجيب ديكستر

لوول في ناس لما اقولهمم ديكستر يروح بالهم على ديكستر الرسوم المتحركه

ههههه اابتسامته مو صج

المهم

المسلسل صج كله ذبح مذابح وحالة بس والله عجيب

والحلو شخصية ديكستر الي اهوه البطل وايد قويه

شخصيه هادئه وبارد يخرب بيته

بس شي متعوب عليه والله

وحتى البطل خذا جائزه بحفل توزيع جوائز جولدن قلوب

لووووووول ما ادري اذا الإسم صح او لا بس هذا اسم الجهه الي توزع جوائز حق ابطال المسلسلات

انا توني مبلش اطالعه

والموسم الاول كان بدايه حلوه

والموسم الثاني كان قوي لدرجه اني شفته كله بيومين

والحين قاعد اشوفف الثالث وباقي الرابع بعد

لا والمشكله على الدم والذبح الي فيه

الناس يستغربون لما اقولهم قاعد اكل واشوفه

لوووووووول عفيه جبد

بس بصراحه اهوه الي ماخذ وقتي هالأيام

فيني حش !!

حاليا قاعد بالكافيه مع الشباب

خلصت المباراة على خير

وقلبي انترس

يعني اهوه ما كان متروس بس الحين انترس للنخاع

قلت دام لابي معاي والنت موجود خل افش خلئي

الطاوله الي يمي قاعدين مجموعه من الشباب معاهم مذيع معروف

الحبايب كلهم اشكالهم عاديه جدا

بس المشكله ان الإسلوب الي يتكلمون فيه اسلوب جنوس شويه عليهم

كل واحد لحيه وحاله ليش جذي تتكلمون

لا و حركات الإيد مو صج

لا يعني طالع فيها ماسك زقاره وحركة ايده مالت التروف هذول

انا مشكلتي ان احس لما اشوف جذي تلووع جبدي

يعني الإنسان الي غريزته طبيعيه راح ينفر من هالشي

وايي ليش تسوي جذي

بنات على اشكال رجال

مالت عليكم وعلى الإسلوب الي عندكم

وهم طيح الله حظكم

انا بعرف هذا اشلون راح يتزوج

منو هالخبله الي راح تااخذ واحد جذي

البنت ناعمه هذا طبيعي

بس لما تتزوج وااحد ناعم وين التناسق بالموضوع

يالله الحمدلله اني كتبت الي في بالي

تمت

ac milan

تبقون كبار يا الميلان

والوعد اانشالله بأرضكم يا المان

طول عمري كنت اقول سيدورف هو البديل الناجح

والله وسويتها وتبقى كبير

حتى بالخساره هذي ولكن انا مبسووط كثير كثير

forza milaaan

good morning q8

صباحوووون عليكوووووووووم

تعرفون الحاله الي لو شنو انت تعبان بس تنام 4 ساعات وتقوم مصحصح

هاليومين هذا الي صاير معاي بس 4 ساعات واقوم

المهم

اشلونكم عساكم بخير على هالصبح

اي اي عيال الجامعات والمعاهد مقزرينها والي ربع المدارس والدوامات ماكلينها دوامات

تبون الصج عاد ودي ايي الدوام خلاص مليت

والله حياة بدون هدف قاعدين بس نفسفس فلوسنا

عاد مو خبركم صارلي يومين اقوم الصبح ويكون موودي فيني مطبخ

والله عاد امس واليوم ادش المطبخ اسويلي ريوق وهات يا ابداع

تدرون بعد النظام الغذائي يتطلب الوجبات كلمه كل يوم معناته لازم اتريق

امس كان الطبخه قديمه مسويها من قبل بس هالمره اكلت فواكه معاها

فراوله وتفاح اخضر وعليه عسل

حطيته بالفريزر على ما اكل اخلص الا يكون بارد والعسل يصير خفيف وطعم حده عجيييب

طبعا الحليب في دارسين وعسل بعد

البيض تررا مو محترق بس حاط عليه رشة زعتر

لووول يعني بسويه رول البيض جان اعفسها

اما اليوم قلت حده يبيله حلووم

قمت طلعتلي حلوم وسويته وضبطته وكل شي تحت السيطره

طبعا الصمونه المدوره اقتراح من احد الأضدقاء والله كانت حلوه

بس طبعا مالنا غنى عن الخبز مال قطعه 4

ايييي وعلشان النظام الغذائي

والسعرات الحراريه الدكتور قالي لازم اكل كورن فلكس معين

طبعا انا لأجل احافظ على جسمي قلت لازم ادفع الغالي والرخيص في سبيل الإراده وتحقيق هدفي

عاد واروح مركز سلطان واخك الرف كله

لووووووووووول انزين ليش مو ماخذ عربانه يعني

كااااااااك والله حتى وانا رايح حق الكاشير قاعد يطالعني وانا اطالعه واضحك

اشوه كنا رايحين الفير

لووووول طبعا هذا ما كان حقي كان حق عبيدو

اشكالنا عجيبه واحنا شايلين هذا كله ورايحين نحاسب

Salad Boutique

لووول

منو يقول رجع ديكاتي حق سوالفه

كل بوست لازم عن اكل

يالله شنسوي بعد هذا نصيبنا بالدنيا

طبعا الكل يدري اني ماشي بنظام غذائي منظم ورجيم قاسي

المتن يتعب يا ناس

عاد الجدول الي ماشي عليه كان من المقرر فيه اني امس اتعشى سلطة وبس

الكميه ما تهم اهم شي القيمه الغذائية

اويلااااااه عليك يا ديكاتي

اوكي المشكله اني مالي خلق اسوي سلطه و ثاني شي اهوه في سلطه بالثلاجه امي مسويتها حق غدانا اليوم

يعني لو كليتها كانت راح تشق حلجي ولوووووووووووول

عاد قاعد احوس بالبيت وواطالع مسلسل واخربط شوي

جان ايي في بالي محل سلطه قالي عنه مستر جوكلت من قبل

عاد كلمته جان يقولي كل شي وعطاني السايت و ارقامهم

والله دخلت السايت ولا شي مرتب جدا

هذا الموقع

والله وكل شي مبين فيه المنيو واالأسعار وطريقة الإتصال ومكانهم

المهم

والله قلت نحو الصحه والرشالقه لازم ما اخلف بالجدول ولازم اكل سلطه

قلت مبدئيا اختار شي معروف لإني اول مره اجرب اكل من عندهم

طلبت فتوش ولو ان كان في انواع واشكال من السلطات اضافه حق الوجبات والسندوتشات ومقبلات وحلو

يعني المحل مو حق سلطه بس

المهم اتصلت وقلت حق الإخت اني ابي فتوش قتلها شكثر يبيله على ما يوصل قالتلي ساعه

قتلها سلامتج والله جهزيلي الطلب وانا اخذه جان تقولي بعد نص ساعه

حلو الكلام

والله ونص ساعه وانطلق حق الي بالجابريه

صاير ورا نادي تشامبيون بالضبط

والله رحت المكان داخل المطعم صغير جدا 3 طاولات وبصراحه حسيته مو مريح

وبره اربع طاولات بس راهين

وطبعا ليش فلنتاين كان مضبطين المكان

الفتوش طلع 3.500 مبدئيا قلت اوكي يعني على هالسعر المفروض يكون شغلهم حلو ومضبوط

والله واعطيها عشره جان تردلي 5 والباجي كله خرده

لوووول حتى الخرده بقراطيسها

رجعت البيت وصورت العده

لا والله طلع شغلهم حلو

يعني الجيس مرتب وايد والشريطه الي عليه حركه حلوه

و المكونات داخل مرتبه والصوصات عليهم لزاق علشان ما يتحركون

لووول انا طمرت خوش مطبه بالجابريه قلت راحت السلطه بس لا والله مثبتينها بلزاق

قلت اول شي احط علبه وحده من الصووص واجرب

ولا طعمها حلو يازلي جددا

جان احط الثانيه واكل

شوي قلت لا ما ينفع جذي جان اروح اييب ملح وليمون وازيده

لووووووول اهني صار الطعم عجييييييييييييب حده

والله تجربه حلوه وما تحسفت كلش

واعتقد اني راح اطلب منه بالمرات اليايه في حال استدعى الرجيم اني اكل سلطات

--------------------------------

موقف سريع

بعد ما خلصت اكلت شلت العده بوديها المطبخ ولا على دخلة ابوي

المهم شاف الجيس بإيدي ولونه احمر واليوم عيد الحب هااااااااااا شالموضوع

جان يقولي شنو هذا

قتله تدري بعد عيد الحب ولزوم الشغل

شوي راح جان يرجع

عاد انا خليت الجيس يالمطبخ

ولا ايي الوالد يطالع شنو داخل جان يقولي الحين وعيد الحب وخاب عمرك اخر شي دازينلك سلطه

اشوفه يطلع الأغراض الي بالجيس جان اقول شفيك شتدور

يقولي ادور الكرت بشوف منو هالنحيسه الي دازتلك سلطه ومتعبه عمرها

جان اقول يعني لو في كرت مثلا بحطه بالجيس

لوووول احرجته وحياتكم