عندما يكون الأب ما عنده شغل

اليوم في شي غريب ما ادري ليش

والله الوالد ضحكني صج

اليوم الله يسلمكم و مثل ما انتوا عارفين فترة امتحانات والكل بالبيت مشغول يعني الي نايم والي يطالع تلفزيون والي يدرس يعني محد فاضي

الا ابوي ما ادري شعنده يحوس من مكان لمكان يا داخل يا طالع اليوم يمكن 5 وا 6 مرات دخل عندي الغرفه

والمشكله ما عنده سالفة ما ادري اشفي يبي يتحرش ولا يبي يسولف ولا يبي يفتح موضوع ما ادري شعنده

لا و فجر راسي برقم الأخبار

دش الغرفه يقولي ما تعرف رقم الأخبار مال كونا بالتلفون قتله لا ما اعرفه

جان يقولي ما تعتقد رقمهم 104 قتله لا هذا مال الجو

جان يقول انزين يمكن113 قتله خو جرب انت تسألني ليش

جان يقولي انزين

راح شوي جان يرجع يقولي تبي رقم مال اعادة الهيكله

قتله شنو هذا جان يقولي ما ادري بس سمعت انهم يوظفون الشباب بالصيف

قتله لا ما ابي لإن عندي دوام بالصيف ومالي خلق قالي اوكي

سألته من وين طلعت الرقم جان يقولي ما ادري وانا قاعد اجرب ارقام قاعد ادور مال كونا جان يطلعون لي هذيل

المهم راح شوي جان اقول خل اقوم البس واروح عندي محاضرة المهم طلعت من البيت ما مداني حركت جان يتصل علي

يقولي ليش مخلي ليت غرفتك شغال

توني ياي بقوله ما ادري نسيت جان يقولي ادري ادري بتقولي نسيت يالله اقلب ويهك جراااااااخ(سد التلفون بويهي لوووول )

وصلت الجامعه جان يتصل مره ثانيه جان اقول وليه شنو بعد

رديت جان يقولي وين الجريده قتله ما ادري ما قريتها

بالله شايفني الخدامه ولا مندوب الراي

والله سوالف هالوالد

رجعت البيت ولا اخوي نايم بالصاله وابوي يقعده قوم قوم قوم قوم قوم قوم قوم قوم قوم قوم

والله واخوي لا تشوفون شكله ماله خلق دايخ وابوي يقوله قوم لا ويسأله ما تعرف رقم الأخبار مالت كونا

هذا كونا ما يعرفها اشلون راح يعرف رقمهم

خلص مني ومن اخوي صار دور الخدامه وكل شوي مناديها فتحي طفي نظفي ييبي شيلي حطي لووول شلخها

وبألأخير استقر حال الوالد على قناة المستقله والوطن والعربيه و هالقنوات الإخباريه

اي خو من اول شوف الأخبار بالتلفزيون يعني حلت لك بالتلفون ولا شنو

عاد امس كان عيد ميلاده الظاهر هذا التأثير طلع اليوم

الله يخليه ويطول بعمره ويخليه لنا يحن ويزن

لا بس عاد يمون الوالد يمون والله اهوه يمون اكثر خصوصا لما يطلع البوك من مخباته يا سلام

انا لما اشوفه يطلع البوك جدامي اتشقق والله وغصبا علي يمون :)

يالله يا حلوين اخليكم واروح اجابل الوالد شويه خنشوف شنو موضوعه اليوم

:) باي