خربشات ديكاتي

اهلين وسهلين ومرحبتين وكيكتين

على طاري الكيك يبيله كيك والله السكر مش ولا بد مو عاجبني

لازم نرفعه علشان يرتفع معاه المزاج وهووووووبا ديكاتي متشرقد مع ابرة انسولين

:)

شخباركم عساكم بخير

ادري ادري الجو مضيق خلقكم ومخرب الويك ايند بس يا جماعه تحملوا كلها جم يوم واتييكم الرطوبه الصح

الرطوبه الي تخلي الواحد جنه قاعد بسونا

واذكركم

احم احم مو جني اليوم اول واحد متحللطم على الجو

وهذي صوره للجو امس بليل


وهات يا حساسية وهات يا صداع وهات يا عيون حمرا وهات يا خشم منتفخ وهات يا ادويه

:)

صاحي لهم ديكاتي

طبعا كعادتي الخربوطيه ماكو موضوع معين خربشات من اهني واهناك

اول شي معاذ صاحبنا كان متهدد علي يبي ينزل بوست متروس اشاعات عني ولكن هيهات

هي هي هي كل هذا علشان نسيت مسباحه بإيدي ومشيت

والله والله نسيت مو متعمد لوول مو مثل بعض الناس يمسك الشي ويرجع البيت ويحلله ويمكن يرجعه ويمكن لا

احم احم انا غير الناس يوووبا

فالمسباح رديته وكانت العواقب سليمه جدا

ومعاذ ترا شيطان (ما عليه معاذ بطب فيك على الخفيف)اليوم راجعين على الدائري الخامس

وفي جيب سعودي دايس ومطفي الليتات المهم ولا جدامنا تفتيش

معاذ طلع اغراضه حق الشرطي ولما بغينا نمشي قاله ترا في سعودي راعي جيب دايس ومطفي الليتات بغى يذبحنا

فتنت علييييييييه

وطبعا صار تعميم عليه والله يعينه

:)

المهم الله يعينكم البوست طويل شوي اليوم بس من زمان مو مسولف

الحين هبة البلاك بيري صارت حتى بالجوائز والسحوبات الصيفيه

والله ما صارت
يعني وين التناسق والتناغم طراد جت سكي وبلاك بيري

وبعدين نظرا لأن ايام الصيفي بايخه والدراسه ابيخ بعد

معناته تقزر بالكافيه او مكان عام

ولما تاخذ قسط من الراحه تقعد تبدع شوي يمين وشوي يسار وهذي النتيجه

هي هي هي حركات مو

انزين

الحين شنو عندي امممممممممممم

اي اي

شوفوا هالصوره

شرايكم خوش مو

اي احم احم

وضوح ماكو احلى منه والمنظر عجيب

طبعا هذا بالخيران ومصور بتلفون سامسونج

والله يطلع منه ولا شررايكم

---------------------------------------

تبون تعرفون ديكاتي شعنده غاااااط عن الساحه الفنيه هاليومين

لووووووووووووول

ترا شي بسيط

يعني مو سالفة

بس انا مستمتع

لووول واخيرا

ادري تو الناس والناس من زمان شروها

اي بس انا توني اخذها

وكعادة اي شاب كويتي منطقي ومعتدل ومتوسط وما إلى ذلك

هاللعبتين لزووم الجو


تؤتؤتؤتؤتؤ

المشكله ان مو بس جذي

هههههههههههاي لا تضحكون اوكي


لووووووووووول اي طايحلة ويي

wii

شغل عدل يا جماعه بس يبيلها شوية لياقه ومزاج

بس ترا صج تونس خوش لعبه

وهننا ينتهي الموجز الديكاتي

واخواني البلوقريه اذا لم اكن ارد عندكم فهذا لا يعني اني ما ادري عنكم

تصصبحون على خير

وجمعه مباركه عليكم

أحداث اليوم الكبير

تحديث تحديث

انا بالموضوع السابق ذكرت ان الدكتور يتناول الجانب السلبي من المدونين

انا ما قصدت ان اهوه مو عاجبة المدونات ولكن لإن الطرح كان سلبي اول مر او مرتين ذكر فيهم المدونين

حسيت ان الطلبة خذوا فكره سلبييه

ولكن ايضا اهوه يشيد بالمدونات وحركاتها بالمجتمع الكويتي

وبصراحه اانا امس بغيت اعدل الموضوع لإني حسيت اني شوي شطيت عن الفكره الي المفروض اوصلها

تدرون بعد كان ماخذني الحماس شوي

ولكن الدكتور صاحي لهم

احم اهوه اليوم بالمحاضره قالي جنك طبيت فيني

قبل لا يكمل انا عرفت ان قرا الموضوع

اعتذر منك يا دكتور مره ثانيه وانشالله ما تتكرر وهذا الي تعلمناه من الأخلاقيات

لووووووول يا ويلي والله اني خوش واحد والدكتور بعد خوش واحد احم احم ترى الموضوع ما عليه بونص يا شباب

يعني مو انا ارفع بالدكتور علشان درجات بس الزين يفرض نفسه

:)

--------------------------------------------

صبااااح الخير جميعا

ادري ديكاتي شمقعدك هالحزه ما عليه شوي وانام

امس يمحاضرة مادة الإعلام كنت مسوي حلقة نقاشية علشنا نتكلم عن المدونات وأخلاثيات التدوين

طبعا كنت مستضيف 2 من المدونين بعد ما تعددت الخيارات جدامي

ولكن ما قصروا والله بيضوا الويه

طبعا اول شي كان عبدالعزيز صاحب مدونة اكزومبي ومن مؤسسين موقع الصفاة

و ثاني شي وخيتي صاحبة الطموح الحلو طموحة مملوحه

والله ما قصروا الشباب ما ادري اشلون اشكرهم او اوفي حقهم بس والله تسلمون وايد على الي سويتوا امس

كان النقاش حلو جدا والكلاس ما قصروا بعد كان عندهم دافع انهم يعرفون المدونات وطبيعتها

طبعا انا كنت منسق اكثر من ما انا مشارك

وايضا حالة التوتر الي كنت فيها كلش ما سمحت

ولكن ما قصروا الربع معاذ وسلوم هم كانوا معاي موجودين

والحمدلله جرت الأمور على خير واقتنعوا الكلاس بأن المدونين لهم كلمه بالمجتمع الكويتي

وانشالله احنا نطمح نعرف كل طبقات المجتمع شنو المدونه وشنو تأثيرها ومخرجاتها على المجتمع

وأيضا كما ظهر لي ان الدكتور مستانس من المناقشه الي صارت

واشكر اخواني المدونين مره ثانيه

:)

الحين نرجع حق سوالف ديكاتي يالله خلاص

لوووووووووووووووول

فصلت

يومها انا نظرا لحالة التوتر ما كليت

كل همي احاتي وان انشالله كل شي يمشي صح

يعني حدي تعبان بس علشان يطوف اليوم على خير

المهم خلصنا المناقشه وسولفنا مع الدكتور

وقلنا يالله مشينا يا جماعه

الله وكيلكم من باب الجامعه إلى باب الأفنيوز ما ثنيتها

تدرون شنو كانت درجة اليوع الي وصلت لها

اكلت اكل لما الستار

لووووووووووووووول

طبعا ما كان في مجال للخيارات الي جدامك ادخل

دخلنا ابل بييز

وهات يا طلبات






لووووووووول طبعا لحد يسأل عن المقبلات لإن معاذ ما خلا شي

ما بقى الا يعضني بعد

:)

نشوفكم على خير

حلقة نقاشيه حول اخلاقيات التدوين

مساكم الله بالخير

مساء الخير والورد والريحان وكل عطر يخطف على همس الليل وسط البحر بالخيران

لووول كلمة بالخيران مالها شغل بس قلت لازم اكمل القافيه

اعتذر عن المواضيع القليله بالفتره هذي ولكن هالصيفي شوي متعبني

اليوم موضوعي شوي جد

ومحتاج مساعده من المدونين

عندي مادة أخلاقيات إعلام الماده تتكلم عن الشي الأخلاقي والغير اخلاقي في الطرح الإعلامي على مختلف انواعه

الدكتور مال الماده اكثر من مره يتناول المدونين ولكن دائما يبرز الجانب السلبي

اكثر من مره تدخلت بالموضوع ولكن للأسف مو راضي يفهم الفكر الي ابي اوصله

رحتله المكتب وقعدت معاه وعرضت عليه فكره نسوي حلقة نقاشيه

انا اييب مدونين ونقعد بالكلاس ويصير نقاش مع الطلبه والدكتور علشان نطلع المدونات بالصوره الصح ونفهم الناس الي موجوده ان التدوين ليس مجرد هوايه بل هي اداة تحرك المجتمع

انا حاليا اخترت اكثر من شخص علشان اييون هذي الحلقة النقاشيه ومازلت ابحث بين الخيارات المتاحه عندي

ولكن اليوم الدكتور قال يبي مدونه يعني بنيه

لإن الكلاس مختلط وان لو تواجد العنصر النسائي راح يكون افضل وايد

يا جماعه الي تحس نفسها ممكن تتكلم بشكل مقنع وطرح حلو خل تراسلني

انا صج محتاج احد

الشغله ما فيها صعوبه كثر ما اهي تحدث واقناع لا اكثر

والشغلات الي راح تتناولها خفيفه وفعاله بنفس الوقت

ارجوكم رجاء الي تحس نفسها تقدر خل تقولي علشان ابي اطلع هالشي بأحسن صوره

واملي فيكم كبير يا الربع والربيعات

:)

تناتيف من يمين ويسار

صبااااااااح الخير

اليوم تناتيف من كل مكان

اول شي هالكورس الصيفي البايح ماخذ مادة حاسوب

استغفر الله شنو ماده بايخه

يعني الي درسناه بالمتوسطه يمكن اصعب من هذا

لا هذا بصوب والي معاي بصوب ثاني خو

لوووول اول يومين واحد قاعد يمي يسأل اشلون يشغلون ويطفون الكمبيوتر

وهات يا الأسئله البايخه

اشكره عمرهم ما استخدموا الكمبيوتر

بس قازره اقعد ورا ومجابل البلاك بيري وتويتر ومسنجر

واذا كلش كلش قعدت اقرا الجريده

وططبعا كل ما اشغل الجهاز لازم يطلعلي هذا

اصبح عليه كل يوم

لوووولل وفي شي ظريف بعد

الي متابعني من الصيفي الي طاف كان يدري شنو معاناتي مع الخالدية

هالكورس عندي لاب بعد بالخالدية يبووووووووووووي

بس اشوه هالمره مبنى يديد وماكو مختبرات ملوت معقدين

بس الهدوء الي فيه قاتل

انا بالممرات بروحي ماكو احد وتسمع صدى

يعني الهدوء يحسسك انك بفلم رعب والحين راح يصير شي مفاجئ يخرعك

لووووووول عادي ديكاتي خياله واسع
-------------------------------------------

ودام ما زلنا بالدوام

بالصيف بصراحه احسن مكان اوقف فيه مواقف الأدوار

والله براد وسكيورتي وباصات اتييبك وتوديك

احسن من ما ترجع السياره بعد المحاضره وانتي واقف بالشمس خصوصا بكيفان

تبطل الباب ويحوشك ذاك الواهي

:)

-----------------------------------------

امس كنت قاعد بستار بكس

المهم قلت خل اجرب اسوي خطله يديده

هي هي هي

رجاءا لا تجربونها لإن عواقبها كانت وخيمه جدا

حطيت جاي مع ثلج و نكهة فانيلا

لووووول الطعم بالبدايه اوكي

بس لما خلصته بطني قام يعورني

لووووووووول اي ليش تجرب بعمرك ما ادري

لوول

--------------------------------------

واخير ضورة حق مجمع 360

بس بالليل

اهي نوعا ما مو واضحه بس قلت احطها لكم

shouq(cat-eyez)

احم احم احم

1 2 3

الوو الوو
1 2 3


يعني اجرب المايك

لوووول

احم يسرني أن اعلن اليوم

شدعوه عليك ديكاتي

المهم

شوق كات ايز القدساويه

عرفتوووهها

اي اي القدساويه ما غيرها

رجعت بالسلامه بعد رحلة علاج ناجحه

الحمدلله على سلامتها وادعواا لها بالخير

الخبر حصري ترا حتى بو راشد ما يدري عن الموضوع

لوووووووووووووووول

عن جد فرحنا لها

:)

قرة عينكم يا اهل الكويت

لوووول

مجمع360 سينما imax

مجمع 360 على الدائري السادس

لوول نسيت اسلم اول

السلام عليكم

اشلونكم حبايبي شخباركم

لوول ديكاتي هادي اليوم لإنيي دايخ

المهم

اليوم رحت مع معاذ حق مجمع 360 بصراحه المجمع جيد
طبعا الصور الي فوق هذي ترا اهني زولية مادري شنو هالفكره الغريبه ولكن الله يعين لما يطق مطر والناس تدش والجواتي كلها طين

ولكن كنا نتوقع شي احسن من جذي بوايد

وهم نقدر نعذره لإن مو كلل المحلات مفتوحة

في وايد اشياء للحين ما فتحوا

المهم رحنا مرينا على السينما شفنا شعندهم

جان نحجز فلم ترانسفورمر على
imax

تذكرتها ب4 دنانير

كنا متوقعين انها نفس المركز العلمي يعطونك نظاره وجذي

ولكن دخلنا كل الوضع عادي

بس الشاشه شوي تكون غير واكبر واوضح

احنا ما حسينا بال
3D

يمكن لإن فلم ترانسفورمر مو حق هالشغله

ولكن كان لا بأس

والحين هذي ثالث مره ادخل هالفلم

حفظت حتى شنو يقولون

بعدين المواقف كبدايه زينه

في مواقف خارجية وداخلية

المواقف الداخلية اول ساعه ب100 فلس واي ساعه اضافية ب50 فلس
بشكل عام على قولت معاذ المجمع نعطيه 4 من 10 كبداية

والحين خلوني اكمل وجبتي وانشالله نشوفكمم بمواضيع يايه

للوول بسم الله يالربع ترا خوش شي شغل بيت

لوووول بس مو انا الي طابخ

اطبخ يا ديكاتي +تناتيف ومتفرقات

لووول اول شي السلام عليكم يا الربع والربيعات

لازم لووول ما ادري اشفيني بس امشي واكتب لوول

الإبتسامه في وجه المسلم صدقه

:)

انا كنت بكتب بس تناتيف بس وانا اكتب عيني طاحت على الجريده الي يمي وقريت متفرقات
فقلت اضيفها
هي هي هي

لووول طبعا اليوم وكعادتي هالفتره صحى الفكر الإبداعي عندي

وطبعا الإبداع الي عندي ما يصحى الا نتيجه لأوامر المعده وليس المخ

:)

ديكاتي يقوم الصبح واليوع ذابحه

هاااا اشلون جذي

يوعان

ويدخل ديكاتي المطبخ وكله امل وفكر مبدع وانه سيضيف طبخه إلى اعضم الطباخين بالعالم

شدعوه عليك بس

على قولة عبيدو شوعده عليك

لووووووووول

المهم جان ابطل الثلاجه وناخذ بيضتين وطماط وفلفل اخضر ونقانق

اول شي نحط البيض واهم شي على نار هاديه علشان ما يستوي بسرعه

وبعدين اول ما ياخذ شكله نحطه على جنب بالمقله ونحط يمه الطماط والفلفل الأخضر

ونرش عليهم شوية ملح وفلفل اسود وفلفل حار رشه صغيره جدا

ونحطه على جنب وانييب النقانييق ونحطهم بعد

لوووووول طبعا لإن احنا في عصر السرعه والتطور مالي خلق احط كل واحد بمقله بروحه

لووول وبالعكس احسن كل شي يم بعض علشان النكهه تكووون طيبه

واهم شي الخبز الإيراني يمك وقص على نفسك بقلاص عصير برتقال

واذا تبي السعرات الحرارية تنحرق اول بأول حط الجريده يمك واقرا الأخبار الي اتييب اليهد

وبجذي نكون خلصنا طبخة اليوم وانشالله تعجبكم ونلقاكم بالحلقه القادمه

والله يبيله اقدم برنامج حق رمضان بذمتكم مو فكره
:)

-----------------------------

ذاك اليوم رحت حق يدتي العزيزة الغاليه

وقعدنا وخربطنا واكلنا حلو وما ادري شنو

يعني طالعين فيها ناكل شي حالي ونشرب قهوه عربيه وراها

المهم خلصنا

جان يقوم ديكاتي واقول حق يدتي ها وين عدة فحص السكر

لووول وانييب العدة

ويالله يا فحص

جان نفحص السكر

ولكن الحمدلله جت في السليم

هي هي هي

-------------------------------

سوالف السلم لما اييب لنا دونت

لوووول اهم شي بو جمل

حده ظريف

-------------------------

امس رحت فلم عادل امام بوبوس

اسمه غبي

الفلم مقطع حيل حيل

ولكن فكرته لا بأس فيها

اهوه يناقش قضيه اكثر من ما اهوه كوميدي

وطبعا يبين الحال بمصر وجذي

ولكن ما انصح تروحون له اخذوه من بره احسن

وطبعا لما طلعت من الفلم المواقف فاضيه كلش ماكو احد غير سيارتي
لوووول يا سلاااام

ما ادري ليش حسيت بإطمئنان نفسي لما لإول مره اشوف مواقف الأفنيوز بالشكل هذا

ودمتم سالمين