التدريب الصيفي في شركة السينما

صباح الخير

توني قاعد من النوم

والراس مصدع والموود لكم عليه شويه

عاد تصدقون انا ملاحظ ان اذا انعفس موودي يصير بخاطري اكتب بوست

والله ومااخليها بخاطري على طول اكتب

وبعد ما اخلص البوست وانزله احس براحه

لووووول محد يلومني فيك يا ديكاتي

اي ربعي شخباركم بعد

اليوم بحطلكم صور فترة الشهر الي في اشتغلتها قي السينما

لعل البعض يتسائل شنو اكون داخل السينما وشنو اكو هالصوب واشلون يسوون جذي

والي عنده اسئله يقولي وانشالله بجاوب عليه

لوووووووول والله ترا انا ما راح اطب بشي ولكن بقول الي شفته

المهم

وايد صور والله

جاري تحميل الصور (هذي الكلمه منقوله من البوست الي طاف ) احمم

مممم نبلش من المطبخ ولا الأفلام

لوووووول انا اقول خل نخلص من المطبخ احسن

اوكي اول شي فاجئني والي ما توقعت يكون جذي

الي اهي مكينة البيبسي

ما كنت حاط في بالي انهم يخلطون كل شي بنفس الوقت ويدش على المكينه الي نشوفها احنا جدامنا

الحين بالصور راح تشوفون

اهني عندنا النكهات الي اهي البيبسي والميرندا والديو

طبعا نشوف لون الهوز على لون النكهه

طبعا البيبسي حده يخرع لونه اسود حده


وطبعا ينخلط مع الغاز والماي والسكر اعتقد ويدش بالمكينه وتصب على طول

انا من شفت لون البيبسي جذي

صرت اشرب سبرابت او سفن اب اكثر

احس عقدني لونه

وبعدين عندنا الناتشوز

طبعا الناتشوز من شركة كتكو بس ما يسوونه الا حق السينما فقط

واهني اهم شي بالسينما الي اهوه

البوب كورن ( النفيش) طبعا مثل ما تشوفون يتعاملون بالخياش


ادري الكل يسأل الكراميل من وين اييبونه

والله طول الشهرو انا احاول اوصل حق هالشي ولكن ما قدرت

بس لما كنت ادش اراقب كنت اشوفهم اشلون يسوونه

الكراميل يكون بودره ويحطون على زيت شويه ويحطون داخل مكان خاص بالجدر

ويخلونه يطبخ و ينخلط مع النفيش

لووول طبعا منو يقول قزرتها على النفيش ههههه

بعدين نوصل حق المجسمات واللوحات ملوت الأفلام


هاللوحات توصل لنا مفككه والعمال يركبونها

اهي كلها مصنوعه من كراتين

وعلى ما تركبها جنك قاعد تحل لغز علشان تكملها كلها



وبالأخير الأفلام

طبعا الجدول مال السينما ينزل كل اربعاء بليل

يعني الخميس تكون الأفلام يديده

وبشهر رمضان يحطون افلام القديمه والي ما نزلوها بنفس وقتها

لإن رمضان فترة ميته بالنسبه للسينما

الأفلام توصل على شكل بكرة

طبعا قفل ومسكره عدل

واهني نحطهم في غرفة العرض


لوووول وايد احيان كان عبالي الفلم يكون دي في دي

لووووول بس الحين تأكدت ان شغل بكرات

واهني المكينه الي تشغل الفلم


تشوفون ان العرض يكون عن طريقه عدسه تكبر الصوره علشان تناسب شاشة العرض الي بالقاعه

وهذي صوره ثانيه



ومكينه ال
3d

تختلف شوي عن المكينه العاديه

في اوبشن وسوالف جذي يعني

والله كانت فتره حلوه لما داومت اهناك

تعلمت وايد اشياء وسوالف

والبوست الياي ما يندرا شنو اهوه بس نطروه ههههههههههه

نشوفكم على خير

ايقاف برنامج " مسلسلات حليمة "؟؟

الجو بارد

ومنشكح بفراشي

بالغصب اشوف الكيبورد

لوووول صباح الخير اصدقائي

صحيفة عناوين الألكترونيه نشرة خبر ايقاف برنامج الإعلامية حليمة بولند

والسبب جمالها ولبسها ودلعها

طبعا انا ما شفته ولا اتعب عيوني واسهر علشان اشوف هالبرنامج

بس الناس تتكلم وتقول

وهذا الرابط

خل نقوم نركب الأرفف الي شاريهم الوالد ابرك

وجنه الغدا عند خالي اليوم بعد

والويك اند برمضان ما ينبغى

لووول ليش احس يبيله رقيه بارده الحين

بس شنو مدى صحة الخبر هذا ؟

ما يندرا والله بس الليله يبين

بس ما اعتقد انه يوقف لإن كل سنه متعودين على حليمه وسوالفها

شمعنه هالسنه قالوا الجمهور ما نبي

لووووووووول شكله الجمهور والناس الي تبي تمنعه نصهم حريم

ههههههه يغارون منها يمكن

حلويات الكواكب (مشرووع رفع السكر) لول

مساكم الله بالخير

بداية

الي يعاني من امراض السكر ما انصحك تكمل معاي

الي يحس ان السكر وراثي ما انصحك ايضا

الي السكر عنده مكتسب من التخربط الزايد كلش ما انصحك

تدرون شلون

حتى الي ما فيهم سكر ما انصحهم

لووووول ديكاتي ليش كاتب البوست عيل ؟

اشلونكم كويسين ولا زي كل سنه

ما علينه

طبعا وايد ناس سامعه عن حلويات الكواكب الي بشرق مقابل البلوكات

يدتي وايد تسولف عنه وخالي بعد يقول ايام قبل لما يشترون منه

والعموم يقول ان حلويات الكواكب عنده اقدع فالوده ولو اني ما كليتها

ذاك اليوم قبل الفطور اسرع سريع ومشاخط بالطريج وديكاتي ماله من الشيطان طريج وصايم وقايل يالله السميع العليم

رحت حلويات الكواكب

طبعا هالحزه الي قبل الفطور كلش الشوارع فاضيه والي فيها يكونون شاخطين يبون يلحقون على الفطور

دخلت المحل يالله بسم الله

لووووول السكر ماله رائحه ولكن له طعم

بس انا لما دخلت المحل من كثر الحلويات الي فيه شميت ريحت السكر

اشلون ما ادري

ولا اشكال والوان هالحلويات


ما تدري شنو تختار شنو تحط

جان اقوله حطلي ماعون وشكل فيه من كل شي

والله ويحطلي من هالأدعم والأخضر والأحمر والأصفر وما لذ وطاب

واهني طبعا الفالوده المزعومه

واحلى طبق حلويات وسلحووو( ما ابي اعدل البدلية هذي لووول فيها دلع ) لوووووول

المهم ويطلع شكل الطبق شي عجيب يفتح النفس

واروح بيت خالي حبيبي وناكل فطورنا ونصلي ونذكر الله

ويصير حزة الحلو والعموم موجود

ونفتح الطبق الآنف ذكره

اهوه حلو نوعا ما بس الله لا يوريكم الشيره الي داخله

حتؤوولوووو يا سااااتر

طبعا وانا ابحوس بالمحل اكتشفت ان اللقيمات يحطونها بطشت فيه شييره

يعني حلوياته كلها شاربه شيره لما قايله بس

يعني حبه او ثنتين راح تكون كافيه للقضاء على معدل السكر الطبيعي في جسم الإنسان

شكرا ديكاتي يا مدرس العلوم

وحتى ان الشيره الي فييه ما فيها نكهه مثل ما يسوونها بالبيت

شيره كلها سكر

ما يازلي وايد على كثر ما سمعت عن حلوياته

يمكن احنا جيل البنك بيري ما نتقبل حلويات الجيل القديم الي اهوه جيل حلويات الكواكب

ويبقى الحلو الي ماله مثيل هالعثق الأصيل

وقرقيعان وقرقيعان بيت قصير ورميضان

عادت عليكم صيام كل سنه وكل عام

الله يخلي ديكاتي الله يخليي لأمه عسى البقعه ما تخمه ولا ياكل عند امه

وهيله يا رمانه هيله يا رمانه الكرشه زعلانه الكرشه زعلانه

منهو يراضياها منهو يراضيها

ماكدونالدز يراضيها ماكدونالدز يراضيها

ايواااااااااا يالله بنات حركوا راسكم يمين ويسار عاشووواا

وشباب يالله يالله عرضه معاي عطوني ايدكم اشوف

1

2

3

وحده وحده وحده

ديكاتي اكل احلى منجا

ههههههههههههه

وبالنسبه لمباراة الميلان و برشلونه

ترا مطبوخه السالفه لووووووووول

اي نعم انا اتحيز حق فريقي

هههههههه

نشوفكم على خير

وعلى قولة مذيعينا هاليومين

اتمنى كنت صوت خفيف على قلوبكم واستانستوا معاي

وهووووبا والسلامو عليكم ورحمة الله وبركاته

Fat burger-kuwait فات برجر

مساكم الله بالخير

وتقبل الله طاعتكم

بداية بارده نتيجة للمود الي اعيشه

ليش ساعات لما الواحد يقوم من النوم يحس ان كل شي يعانده

التلفون الآيبود الناس والي بالشارع

مو خوش شي

ولكن انا في صدد تغيير هذا المزاج في مدونتي وبين ربعي

هههههههههههههه

بدينا الشطانه يالله

صايمين ولا زي كل سنه ؟؟

لووول طبعا انا ادري انكم الحين في ذروة الصيام وباقي ساعتين على الفطور

ولكن حسب ما يقولون الشياطين تتربط برمضان

ولكن ديكاتي محد يربطه

مطعم فات برجر
FATBURGER



صاير بالفنطاس اذا ماني غلطان

مو خبركم ولد رميثيه والسيرفس مالي ما يوصل لما اهناك

في تجمع مطاعم اسمه

spoons

اهني بالضبط مطعم فات برجر

والآن جاري تحميل الصور ...

حشا تلفون نوكيا مو ديكاتي

تم تحميل الصور

بيني وبينكم يعني

انا تعبت وانا اشوف الصور بصراحه

نفسيا نفسيا تعبت

لوووووووول يعني طالع فيها بحطلكم شي قوي بس شكلي انا طحت معاكم

المهم

اول شي المطعم من داخل والديكورات بسيطه ومثل ما تعودنا نشوفها في مطاعم البرجر المعتادة



واهني المنيو مالهم


ومثل ما تشوفون ان وايد اشياء مو كاملة بالمنيو

ولكن بالقريب العاجل انشالله



اوكي والشي الي من زمان ما عشناه في هالنوعية من المطاعم

انك توقف بالدور وتطلب وتاخذ رقم وتروح تصبلك بيبسي وتاخذ كلنسك وكتشبك وتباسكوك معاك

يعني الخدمه ذاتيه

والويتر بس اييبلك طلبك لما عندك



وبعدين البطاط لما تطلبة يقولك تبيه متين ولا ضعيف

وهالشي يازلي وايد والتنويع حلو

بس ديكاتي لزوم الرجيم ياخذ المتين

وانا رايح المطعم حزة السحور

معناته برجر وحده ما تكفي

دبل بورجر يا حبيبي وحطيت عليه اضافة الي اهو البيكون

البييكون مالهم يازلي والله ما ادري ليش


وبسم الله

والله بصراحه الأكل حلو جدا

يعني حدي راح اروحلة بعد مره

واللحم حلو يازلي

والحلو بعد ان ما غثني كلش

والسعر ااحلى واحلى بالنسبة حق 3 وجبات

بس تنويه صغير

بالأيام العادية المطعم يفتح ابوابه الساعه 4 العصر

وبالعافية عليكم يا رب

وسهالات باقيي ساعه ونص على الفطور وطولوا بالكم علي

انا ديكاتي حبيب الشعب لا تزعلون مني

ونشوفكم في طبق اخر

مع السلامه

سوالف مميزه برمضان

مساكم الله بالخير

وتقبل الله طاعتكم

بيني وبينكم طول اليوم نايم واقوم الساعه 3 العصر

من اهني يبلش يومي

برمضان هذا في وايد اشياء مميزه بصراحه

اولها ان ما عندنا خدامه

ههههههههههه

رحتي يا بيبي و توهقنا

مسكينا امي ما تدري تلحق على شنو ولا شنو

ولكن انا مباشرها في ابداعاتي وخفة دمي

احم احم

اول شي من اول ما يبلش يومي اصلي وبعدها اجابل التلفزيون

اول شي عندنا مسلسل اميمة في دار الايتام


طبعا بطولة فنانتنا الي كبرنا معاها

الفنانه الكبيره هدى حسين

وايد شدني المسلسل بصراحه

ما ادري ليش زوارة خميس ما يازلي وايد

يمكن لإني ما تابعته عدل

وبصراحه الإخراج اكثر من رائع

والله متميزين مخرجينا هالسنه مو بس بالمسلسل هذا

في اكثر من مسلسل عجبني شغلهم

وبعدين عندكم مسلسل كريمو

بصراحه ابداع هالمسلسل من حيث القصه و ارتباطها بالواقع

وايد عجبني شغلهم

لوووووول ولا اييكم داوود حسين لما يتحلطم بالإيراني

صح ايراني مكسر بس يالله يمشي

بس شفتوا يلدا اشلون بالستايل االإيراني ؟؟

يايبه الدور عدل

لووول اهي من عيال رميثيه جم مره شايفها عند جمعيتنا

وخلصنا من المسلسلات

ترا اليوم قرقه من وسط مطبخ بيتنا

وامي قاعد تسوي سلطه يمي

ما حسيت بتعب الصيام لما الحين

صاير اقضي مشاوير البيت الساعه 5 ونص العصر

لإن هالفتره الاوادم كلها متقوقعه بالبيوت ناطرين الفطور

فأنا اروح الجمعية واخلص بسرعه ومركز سلطان بسرعه

والشوارع فاضية

بس غلطة العمر انك تروح الخباز الإيراني

لووووووول مو من صجهم الأوادم

يمكن مبدئيا اول جم يوم من رمضان فطوري كله عند خالي

والأشياء المميزه

اول شي خالي وتقاليده السنوية

واحس لما يصير عندي بيت راح اسوي نفسه



دلة القهوه والرطب ولقيمات

والله احلى شي هذا شغل عدل

و عالسحور رقية حمره وحالية وباااااااااااااااارده


لووول امي شافت الصوره الحين وانا اكتب البوست

جان تقولي هذا شكله رقينا

قتلها اي هذا انا قصصته امس

جان تقولي حشى قنابل مو رقي

هههههه اهم شي ان لذيذ

ومن السوالف الظريفة الي شربتها جاي زعفران

حده خوش مو؟؟؟

وذاك اليوم تسحرت من ماك

احس الجو مال ماك حده خوش على الفطور

يعني الساعه 3 الفير والاودم شكثرها داخل

هههههه

البوست يعذب قبل الفطور

ولكن هذا هو الوقت المناسب


والسلام عليكم ورحمة الله وبركاته

لووول صاير مؤدب لأن ما فيني طاقه وايد

لازم اوفر طاقتي لما اخر لحظه ما قبل الفطور

تختيمة شعبانيه و بداية رمضانية مبارك عليكم الشهر

مساء الخير

الله يعودنا و اياكم كل سنه للشهر الفضيل

وشخباركم عساكم بخير؟

ها صايمين؟ ولا زي كل سنه ؟

لوووووول

موضوعي اليوم احكي فيه

ديكاتي واكشن الي يصير قبل رمضان

اول شي

اليوم كان في الخطه احطلكم مطعم يديد ومن المتوقع ان يكون ممتاز

ولكن ما صار

لإني كنت مخطط اروح اتغدا في مطعم فات برغر

ولكن بعد ما وصلنا حقه وجهزت كامرتي وكل شي

ولا يطلع الحبيب يفتح الساعه 4 العصر

اييييييي ليييييييششششششششش؟؟؟

انا اول مره اشوف مطعم جذي

هالكثر اكلك حلو الا ما تفتح الا 4 العصر

ههههههههه بس لو طلع اكلك مو شي

راح اطيح حظك في المدونه المزعومه

شدعوة مدونة مارك بس

لوووووووووول

احم ولا انا احسن منه

كااااااااااااااااااااك

حبيب مارك لا يزعل

الي يسمعك قاعد يقرا عندك بس

هههههههههههههه

عاد حاشني احباط ويأس والدنيا ما قامت تشيلني من ضقت الخلق

اشلون جذي

انا مخطط حق هالمطعم من زمان ولما قررت اروحله تصير فيني هالدقه هذي

ولكن ما نطرته يفتح والله

هههههههه تلعبها على مين ياخويا

انا ديكاتي والأجر على الله

اسرع سريع تغيير جذري بالخطه

ولما اقول جذري

حطوا تحتها عشر خطوط لإن صج تغيير جذري

والله يسلمكم نطلع انا ومعاذ وعبيدو من الفنطاس السعيد متجهين إلى حولي

و كان اختياري الثاني من بعد فات برغر

لوووووووووووووول شرايكم بس

طبعا اول شي خدمه متكامله وقعدة ارضية

وابيتايزر (مقبلات) تمر لكم عليه شوي

وبعدها اتييكم الصينية العظيمه وتوابعها

وشدوا حيلكم يالربع

ههههههههههههههه

تاكل لما تقول بس وتشرب لبن وتنشكح بعد الاكل وما يطلع عليك الا 7 ونص

واهني اثار الدمار الشامل

والله تمام

من بعد البرغر والبوست المرتب

انتقلنا إلى العيوش وتكبير الكروش

لا وعاد ديكاتي يعني طالع فيها يبي يهظم

واحلى عصير ليمون نعناع وصلاااااحوووووووووووووووه

والجو في قمة الروعه والرطوبه في جمهورية الرميثية

لا ما خلصنا بعد

هههههههههه عبالكم بس خلاص

لا الحين انا قاعد يعني المفروض ما ابي اكثر

بس ابي اطقطق

هالكلام قبل لا اكتب البوست هذا ب 10 دقايق

رحت بطلت الثلاجه قلت بس باكل تفاحه وحده يعني

ولكن النتيجه جائت على غير المتوقع

وهوووووووووووووووباااااااااااااااااااااااااا

لووول لا تسألوني السلطه وينها

الظاهر بالطريج كليتها علشان جذي ما صورتها

وبعدها نحلي برطب شوي

ولما الحين ما خلص يومي لإني يمكن اطلع مع الشباب بعد شوي والله يستر شنو راح اكل

والله ما تسوى علي بصير رمضان باجر

تعبت وانا اكل

طول اليوم وانا اطحن

هههههههههههههه صحه صحه يا ديكاتي

ودمتم على المحبه والخير

ومبارك عليكم الشهر

------------------------------------

تنبيه

يرجى عدم مشاهدة البوست باجر الساعه 4 او 5 العصر

وذلك لأسباب امنيه وصحيه

لإنكم اول يوم صيام والبوست راح يكون خطر على الصحه العامه

لوووووووووول حاط التنبيه اخر شي ما ادري ليش

باااااايز

-------------------------------

update 1:36 am

y3ny elmafrooth a9eer 5oshwalad

w laken el throof ma 5edmatny




ana mo 5oooooosh!!

رسالة لمراقبة البلاك بيري من وزارة الداخلية

اليوم وانا بقص مهر ولد خالتي

وصلني مسج مكتوب من وزارة الداخلية

ما ادري اذا صج او لا

ولكن غريب ان وصل باللون الاحمر