تفلسف بعض المرشحين

يعني انتو يا مرشحين يا حلوين يا طيبين وين عقولكم وين تفكيركم

اشلون تبون تدشون مجلس الأمه وتطاليون بمطالب الشعب وانتوا من البدايه مو عارفين شتسوون

انا بس ابي احد يقولي شنو الهدف أو الغايه من ان مرشح اييب بالندوه أو الحفل على قولتها فنان أو مقدم برامج

يعني لو يايبين واحد يقدم برامج سياسيه جان قلت اوكي على الاقل فاهم بالشغله بالله نواف القطان مع احترامي حقه وينه وين السياسه

المفروض والصحيح الناس اتييب واحد فاهم واحد يقدر يدير الحفل بشكل موضوعي

يعرف يتصرف لو تدخل احد الحضور بطريقه مو حلوه

والله الي يشوف الإعلان وصورة نواف القطان عبالة دعايه حق مسرحيه اوشي جذي

الا عندي سؤال يا جماعة وابيكم تفيدوني

حليمة بولند في اي مقر انتخابي هالسنه

انا خابر الإنتخابات الي طافت كانت حليمة موجوده بأحد المقرات وافتتحت الندوه وصارت ضجه اعلاميه

الي عنده خبر هالمره وين راح تكون قولولي علشان اروح ويمكن يعجبني ادائها واصوت حق المرشح الي يايبها

لإن اكيد هالمرشح فاهم الشعب عدل ويعرف الصح من الغلط

ما اقول الا الله يستر من اخر هالإنتخابات واخر فناتك هالمرشحين