مسا الخير
ما ادري ليش من قعدت من النوم و مزاجي متعكر
ما رحت بيت يدتي اليوم ولا سويت شي
بس قلت اجابل بلوقي و قرائي الحبايب احسن
أمس طلعت مع الشباب
خصوصا إن حمود حبيبنا رجع من الإمارات صارلة جم يوم وصارت الطلعه احلى
أول شي رحنا لعبنا بلياردو
طبعا شخباري هالسوالف
اخر مره رحت لعبت بصالة بلياردو كان منذ زمن بعييد والله
والله اذا ما كان المكان محترم وراقي ولا لا تروحون لأن الكافيهات الي فيها بلياردو كلش مو شي
احس المكان مشبوه وايد وكله مصبنة داخل و تدخين وحالة يرثى لها
لوول الطاولة اي شي والكور اي شي والعصاية اي شي
لووووول بس والله في مستوى لما لعبت
تذكرت ايام الخوالي والله
استمتعنا باللعب
بعدين رحنا تعشينا بجوني كارينوز
والله ما ادري اذا كنت كاتب موضوع عنه من قبل او لا
ولكن ما يمنع ان اكتب مره ثانية عن الأصناف اليديدة الي جربتها
من الأشياء الي يقدمها المطعم بشكل دائم بدون ما نطلبها
الخبزة هذي
الطعم وايد حلو خصوصا مع الخلطة الي يحطونها معاها
يعني صارت شي اساسي لما نروح المطعم نبلش بالصمونة اللطيفة
بعدين طبق السلطة
كان عادي والله و انا ما احب الخل وايد بس يومها كنت مشتهي سلطة
واهني طبق المقبلات
خثاق وانا ما احبه ولا اكلة
وفي رول نقانق و اصابع الجبن حدها حدها حلوة
صج صج هذي الي اسميها اصابع جبن لإن متروسة وحلوة
بعدين طبق حمود
سباغيتي و مشروم ودياي و بيكون مع شوية صلصة طماط +صلصة بيضة نسيت اسمها هههههههه
طبق معاذ لازانيا بالصلصة البيضا مع دياي
واما طبقي انا
هههههه لازم ديكاتي يتفلسف
لازانيا وايد حلوه وطبعا لا يغركم حجمها ترا تشبع
ولازم اكسترا صووص
وبعدين رحنا شفنا فلم امير فارس
prince of Persia
الفلم خيالي طبعا
بس حلو لا بأس فيه
ما اقدر اقول وايد عجبني لإن في شغلات ما عجبتني
لووول الجملة السابقة لها وقع ظريف
البطل كان حلو اوكي بس في بعض المشاهد ما ابدع الله يسلمة
في كلمة حطيتها حق الفلم ما اقدر اشرحها او اعنيها
بس اقدر اقول الفلم مو مقنع
و للإقناع عدة جوانب
لووووووول بصراحة الممثلة كانت خوش
هذا والسلام عليكم ورحمة الله وبركاته
جدول اليوم
نادي
اروح احلق
ارجع البيت واقعد اسويلي شي ابرك
ما زال المزاج مظطرب ولا اعلم ما السبب
مع تحيات الخطوط الأرضية من المدونة المذكور اسمها آنفا
