مكالمة انتخابية

اليوم وانا بالجامعة طلعت من المحاضرة الأولى ورايح صوب المحاضرة الثانيه ولا يتصل ابوي

وانا قاعد اكلمة ولا يدش خط ثاني عرض المهم ما رديت عليه

خلصت من الوالد قلت دام ماكو شي خل ادق على هالرقم خنشوف منو

المهم اتصلت

ديكاتي: الوو السلام عليكم داقين تلفون

الإخت: الو هلا والله معاك اللجنة النسائية حق العضو فلان الفلاني

(طبعا الله لا يوريكم الصوت كان حجري يعني صوت وحده عمرها 60)

ديكاتي:اي اهلا وسهلا خير آمري

(طبعا مو من قلبي )

الإخت:اي اخوي والله نبيك تصوت حق فلان الفلاني شرايك

(عبالها السالفة سهالات ولا كلها شخطة قلم)

ديكاتي:اي الا تعالي بسألج فلان الفلاني وين نازل اي دائرة

(قلت خل اطول الموضوع معاها خل اضيع الوكت )

الإخت: والله نازل بالدائرة الأولى

ديكاتي:اها انزين يعني اهوه ما سوا شي المجلس الي طاف ما طلع الا على الأيام الأخيرة،واذا طلع تصريح بالجريده تلقينه يطالب بملعب ولا مطبه بمنطقتهم ولا الفرع ليته محترق

(يعني انا فاهم بالسالفة)

الإخت: لا حرام عليك انت الظاهر ما كنت متابع اخبارة عدل تعال ندوتنا اليوم وشوف التقرير ماله

ديكاتي: اها اوكي وين صاير المقر

الإخت: بالمنطقة الفلانية وترا في عشى اليوم

(يعني تبي تقنعني)

ديكاتي: ااي نسيت اقولج ترا انا ما كملت 20 سنه

(لووول لما قتلها حسيت انها انصدمت قاعده تقول كل هالكلام واخر شي انتي مو مكمل 20(

الإخت: اها مو مكمل العمر المطلوب ،انزين الوالد او الوالده ما يعطون؟

(اسلوبها مو شي شنو يعطون ما يعطون)

ديكاتي: ما ادري دقي على ابوي وامي سإليهم

الإخت: اها اي انت تعتقد راح يعطونه يعني

ديكاتي:والله ما ادري عنهم انا شايل ايدي من الإنتخابات ولا لي شغل

الإخت:انزين اخوي يعطيك العافيه بس عطني رقم الوالدة خل ادق عليها

ديكاتي: اوكي مو مشكله سجلي عندج

(عطيتها رقم ابوي لووووووول)

الإخت: مشكور ما قصرت واسفه على الإزعاج

ديكاتي: حياج الله لا عادي انا الي اسف على الإزعاج:)

خلصت منها جان ادق على ابوي

ها الوالد قبل شوي وحده دقت علي مالت اللجنة النسائية حق النائب الفلاني

لوول انا طفرتها كمل الفلم عليها انت اوكي

ابوي : ليش يا يبه تأذي عيال الناس خو قولها ما لي شغل وخلاص

المهم رجعت البيت قتله ها دقت عليك هذي

لووول جان يقول اي دقت قتلها انا للحين ما كملت 20

لوووووووووووول اهم شي ابوي مو مكمل 20

بالله لجنة نسائية شعندكم داقين علي شنو ماكو شغل يعني

ولا يعني عبالكم اذا كلمتني وحده خلاص راح اصوت حق النائب

انا ما اقول الا الله يطوف هالإنتخابات على خير