MAKI+CHOCOLATE BAR

اويلااااااااااه عنيف ها

هههههههههه

مخربها ديكاتي

مكانين الكل يحبهم وانا ماكي اول مره اجربه

ولكن كوكو بار رايحله كذا مره

واليكم النشرة البطينية برعاية

DEAR ROME

لووووول ليش احس الإسم جنا

DEAN & DELUCA

هههههههه

طبعا هذا البوست برعاية وخيتي

لإنها عطتني التشجيع علشان اكتب

المهم

ويوم اليمعه الي طاف

وانا قاعد ودي اطلع بس ماكو احد

الشباب الي نايم والي هايت

جان اقول حق العائلة شرايكم نسوي طلعه شبابية خفيفة وحلوه

والله ونقول ان نروح برج جاسم الي بالديره

ماكي الي عندهم ما عليه زحمه والوضع امن و امان

والله وننطلق إلى اهناك والمكان وايد هادي

انا بيني وبينكم اول مره اروحله على كثر ما سمعت عنه

طبعا ماا قدرت اصور المطعم من داخل لإن كله عوايل قاعدين

ولكن الديكورات اليابانية طاغية على الشكل العام

لووول والله ترا اليابانيين يونسون

وبعدين عندنا المنيو


والله بيني وبينكم احسن شي تطلبون الأشياء الي تعرفونها

الله يخلي الخالة طلبتلنا كل شي حلو عندهم

هههههههه حتى انا فتحت المنيو ضعت جان اسكره

طبعا البلشة وين

لوووووووول لما تبي تمسك العصايتين ملوتهم


والله وقعدوا يعلموني ساعة

ولما تعلمت قلت خلاص صرت فلته انا

بس لما وصل الأكل صارت صعبة مع اني عرفت امسك الأكل

جان اييبونلي الإختراع الثاني


ااي هذا شوي اهون

لووووووول صج ان على ما اخذ الشي يمكن بنص الطريج يطيح

بس والله بسرعه خذيت عليه وكملت كل اكلي فيه

الحياة حلوه عندما تغير طريقة تناولك للطعام

ما الومهم اليابانيين ليش ضعاف

احنا نستخدم ايدنا او القفشة علشان تشيل معاك اكبر كمية ممكنه من الأكل

ولكن اهمه ياكلون الشي حبه حبه

اعزائي اليابانيين الله يعينكم والله

بعدين الحبيب يابلنا شاهي اخضر


لووووول ما ادري ليش


يمكن لإني بمطعم ياباني حسيت ان طعمه طحالب لوووووووووووووووووووول

بس اهوه جاي اخضر يريح المعده ويفتح الشهية

هالربيان والسلطات الشغل عدل

ههههه الله يخليكم ترا ما ادري شنو اساميهم

بس الي يبي يطلب

افتح المدونه من تلفونك وخل الويتر يشوف الصور وقولوله نبي مثل هذا

ههههههههههههههه

واهني طبق السلمون الي يقدم مع السلطه

بس السلمون نيئ مو مطبوخ


اكلت وحده جان تدور فيني الدنياو وما عدت جربته

وهذا طبق


وهذا طبق اخر



لوووووووول ادري مو فاهمين شي من الي شفتوه بس حتى انا الي كليته ما ادري شنو اهوه

بس ترا حلو

واحد منهم اسمه عيسى ماكي

واهني من اجمل الأصناف الي جربتها


لحم لافينه على مجموعة خضار

بس بصراحه وايد وايد حلو

واهني لحم مع خضار بعد

وهذا اعتقد تيرياكي

والله كان خفيف على المعده وشي حلو بصراحه

الحين عرفت ليش الناس ميته عليه

اهوه يستاهل

لوووووول بس يبيله توسع البوك شويه



الحساب طلع 46 وشي

والله اهوه وايد على هالخفايف بس هم يستاهل والله

يينج يانج سونج ديكاتي تونج لونج

الحمدلله على النعمه

وترسنا بطونا

بس عرفتوا الأكل الياباني خفيف

يعني اوكي انت شبعت بس فيك مجال حلو وتخربط

جان اييهم الإقتراح الناري من ديكاتي

ها يا جماعة شرايكم نحلي بجوكلت باار

لووووووووووول

وهووووبا شلنا عمرنا من الديره إلى المرينا مول

صج الشارع زحمه بس اول ما وصلنا البار جان نحصل مكان داخل

ونقعد وهووبا يا سوالف وضحك وناسه ووالله الجو اهناك

والآن نحمل صور الجوكلت بار

اقول اخ بلوقر انشالله تسوون لنا طرقة نحمل عشر صور مع بعض

هههههههههه

المهم


وانت قاعد ومن فوقك حبات الكاكاو

وعلى قولت ابوي كوكاو


واهني المنيو الظريف

واهني اول طبقين


البراوني عجيييب والله

واهني طبقي انا وخالتي


واهني لما تفجر الكيكة


شوفوا اهوه الكاكاو الي داخلها حلو حده وصج كاكاو


بس الكيك فاشل

يعني المولتن مالت تشيليز احلى

بس هم حلو

اكلنا خفيف وحلينا بأحلى كاكاو

مع ان العموم لما يروح يطلب كلاسيك فوندو بس احنا غيرنا شوي

والله الحياة حلوه

هاليومين ديكاتي لاهي مع الدوام

وانشالله اقولكم اخر مغامراتي اهناك

ومن هذا المنطلق اعزائي

انصحكم نصيحة اخ

الأكل ثم الشرب ثم الحلو

لا تنسون

الأكل ثم الشرب ثم الحلو

ونراكم لاحقا