عيدنا مبارك وايامكم سعيدة

عيدكم مبارك

وكل عام وانتم بخير

ما راح اطول

كلها اسطر اسطرها واروح

بداية يومي

طبعا حدي مو نايم امس

قعدت ورحت عايدت على يدتي

اول ما دخلت عليها جان اقولها مساج الله بالخير يمه

حدي مسطل

وتجابلنا اليده مع سوالفها الي ما تنمل

وانطلق بعدها إلى ديوان عبيدو

ونقعد ونشوف الشباب ونسلم عليهم

بعدها انطلاقا إلى بيت عمي العود حيث استقبال الناس

وطبعا صبيت قهوه لما قلت بس

بالإضافة إلى اني شربت قهوه لما قلت بس بحكم ان الدلة كانت بإيدي

نسبة الكافيين مرتفعه بالعلالي

بعدها بيت العمه

وبعدها بس الجده مره اخرى

بعدها بيت خالي

كل هذا صار وانا اعاني من حساسية حاده

الخشم شلخني وعنوني والجيوب والصداع

احس اني مرهق الحين

----------------------------------

هههههههه اليوم صار موقف ما ادري ليش احس ودي اكتبه

ولد خالي الصغير فضحنا اليوم بالبيت

يبجي وايد وايد وايد

حسيت ان طاقينا او مخرعينا ما ادري شنو فيه

المهم خالي قال الحل ان نطلع بالسيارة علشان يسكت

والله و صج طلعنا بالسيارة ندور قطاوه

لإن ولدنا يحب القطاوه وصايرين ربعه وما راح يسكت الا جذي

والله نفتر بالسيارة نبي قطو مو محصلين

لووووووووول ما ادري ليش حسيت شي غريب ان طالعين ندور قطو

هههههه

ولقينا قطوا وانبسط الولد ورجعنا البيت سالمين

-------------------------------------------

غدا جدول مزحوم جدا

اقوم الساعه 10 صباحا

اول شي القيام ببعض الأعمال المنزلية الخفيفة

ثانيا زيارة احد الأقارب

ثالثا مسرح نقابة العمال

احلى شي

هههههه

طبعا العرض الساعه 2 الظهر

ونخلص يمكن 5 او 6

رابعا التوجه إلى مجمع 360

راح ادش فلم

THE EXPENDABLES

وبعدها عشاء فاخر بس ما ادري وين بالضبط

اخيييييييييييه الجدول عجيب

بس انشالله يمشي كل شي حسب الأصول

ما ابي شي يخرب يومي الحلو

ومن اللانهائية وما بعدها

ديكاتي يطير في فراشه العجيب