صباح المساء
ههههههههههههه
ناس بالدوام وناس الجامعه وناس بالمدارس
بس انا بفراشي قاعد مجابل النت
ولكن الله ما يطق بعصا
على كثر ما عيبت الكورس الي طاف
هالكورس عندي مادة تبلش الساعه 6 ونص المغرب
واخلص 8 الا ربع
يعني مو اشكره يحترق اليوم عليك
بس شو بدنا نعمل
اليوم موضوعي اول مره اجربه
والتجربه خير برهااان
شكوووو!!
المهم
ذاك اليوم رحت انا و معاذوو نتريق
وكان احسن مكان يكون يم الجامعه هو الأفنيوز
ويقع اختياري على جوني روكتس
جوني انا طول عمري اكل عنده برجر والسوالف هذي
بس هالمره الصبح وريوق يعني اخ ديكاتي لا يكون تطلعلي فيها وتتريق دبل برجر
فالمنيو ماال الريوق يختلف تماما عن منيو ما بعد الظهيرة
اخيييييييييه حلوه بعد الظهيرة
والله المنيو عامر لا بأس فيه
والحلو انك تقدر تسوي الخلطه الي تبيها انت ماكو اي مشكله
انا طلبت اومليت وطلبت التوست الأسمر
بيضة داخلها فلفل اخضر وجبن ومشروم
وعلى جنب بطاط مقلي و قطعتين البيكون المقرمش
معاذ طلب سكرامبلد بيض
وطلبنا بان كيك
و كعادتنا على هالصبح القهوه شي اساسي
بس هالمره القهوه السوداء القاتمة مع الحليب الأبيض المتناصع
ما هذا ما هذا يا ديكاتي
هههههههههههه
والله بصراحه الاكل حلو حده
ويشبع اكثر من الازم
لدرجه اني رحت المحاضرة الي بعدها وكنت نصف طافي
والسعر حلو ايضا
والله مشروع ناجح
ولكن البان كيك مو ذاك القوه المطلوبه
جربت شي احسن منه
ولكن كلو يمشي
واهداءك على رمشي يمشي
وفي رواية اخرى اهداءك على يمشي يمشي
------------------------------------------
مو شي لما الواحد يكون مخه مشوش
ولكن التشويش عند ديكاتي يكون على مستوى عالي من الدقة والفعالية
لووووووول اخر كلمتين بايقهم من محاضرة إدارة الأفراد في المنظمات العامة
امس وانا رايح محاضرتي الي وقتها المغرب
نزلت من السيارة
هوووووووووووبااااااااااااااا جان يطيح ايبودي
لااااااااااااااااااااااااااااااا
رقع رقعتين على الأرض وصار تحت السيارة بالنص
وليييييييه اشلون اييبه الحين
وراي زحمة وموقف وجذي
وولا اخليه بعدين لما اطلع اوخر السيارة واخذه
قلت لا لا اخاف يبوقونه
والله صرت ميكانيكي ونزلت قدر المستطاع وسحبته
لما الحين ماكو اي اصابات والآيبود شغال زي الورد
رحت محاضرتي وتم كل شي على خير
وانا راجع متجه إلى السيارة ابي اطلع المفتاح
ولكن ما من مفتاح
دورت بالمخابي كلهم ماكو مفتاح
قلت رحنا فيها خلاص
وانا امشي قاعد احاول اشوف بس اذا السيارة موجود ولا لا
اشوه كانت موجوده
ولما وصلت ولا الأخ ديكاتي حاط المفتاح فوق السيارة وماشي
حلو حلو
والله هالتشويش مو شي
الحمدلله الله ستر ورجعنا البيت سالمين غانمين
هههههه
اخيرا شريت نوت حق الجامعه
ما بغينا نخلص ونلقى شي مثل الناس
الله يعافي مكاتب التربية
ونراكم على خير
8 comments:
الريوووووووق شكله يشووق
احب هالسوالف
بالعافية
حسافة لو ادري انك ناسي السويتج جان بقت السيارة < مشروع حرامية هههه
بالعافيه انت لوتسمع الكلام نضبطك اكثر :P
لووول صج هالحالة غريبة لما تكون لاهي بشي مخك ما يحفظ اسويت بالشي الثاني
و على طاري المحاضرات تعيش و تشوف صار عادي الوضع كذا مادة لي ال٨
مادري ليش انقثيت من هالبوست !! يمكن لأني تخيلت جيز برجر الساعه سبع و نص الصبح و الشارع واقف و البي بي سي شغالة اوووف صج انقثيت ... فديت ماي ماغ رفيق الكفاح كوفي الصبح و كل شي يصير اوكي =)
بالعافية
عليكم بالعافية
التشويش مصيبه .. انا مرة نسيت كامرتي الاحترافية داخل عرض في لاس فيغاس صرت مينونه ادورها بكل مكان بس الحمدلله كان عرضنا اهو الاخير والحمدلله اني كنت حاطتها تحت الكرسي والا جان عليها السلام :)
بالعافية إن شاءالله
:)
الحمدلله على سلامة الايبود :)
هديل
اي حده جميل بس في بالي شي اقوى ولكن بالبوستات الياية انشالله
ههههههههااااااااي يمه منج مسرع
mo3ath
الله يعافيك
احم انا اسمع بس انت ما تطيع
ناندوز
3bady
لووول انت متعود على هالسوالف
muffin
لوووول خلاص سوي رجيم عن بلوقي مدة شهر وانشالله ما تنغثين مره ثانية
slashy
الله يعافيج
engineer a
لااااااا حدا مو شي تنسين شي انتي تحبينه ومتعلقة فييه
الحمدلله انها ما راحت عليج
hanan
الله يعافيج ويسلمج
:)
Post a Comment