كيف نضرب الهريس واليريش؟

ْ
هذا البوست منقول لكم من مطبخ بيتنا

يعني اذا شميتوا ريحت بصل ولا ثوم

ولا تخطف عليكم ريحت طباخ

ولا تشمون ريحت مقالي وهالسوالف

ارجوكم رجاء الرجاء لا تقولون وين نقصتنا

ههههههههههههههههه

مساكم الله بالخير

اشلونكم ربعي الي يحبون الاكل مثلي وشرواي

ههههههههههه

تحبون الاكل ولا لأ؟

اييييييييييييييييييييييه

اليوم انا طايح على اختراع عظيم

اول مره اشوفه

بس شغل عدل

اتذكر ايام قبل لما كانت يدتي تسوي الهريس او اليريش تضربه

الضرب: اتييبون ملاس كبير وتخلطون الهريس او اليريش لما يصير خاثر

واتذكر والله كانت شغله متعبه وايد

خصوصا لما نكون مسوين وايد

يبيبلها عضلات بالعربي

ولكن مؤخرا بالبيت كنا مسوين يريش

عاد قتلهم خلاص وخروا انا بشمر عن عن جمومي واضربه

لووووول جان يقولونلي شخباري تضرب

قتلهم ليش شنو هريس او يريش هاليومين صار ايينا مضروب خالص وبس نطبخه

جان يقولون لا شوف هالإختراع

اول شي عندنا الدريل

عرفتوا الدريل الي نحفر او نقظ فيه الطوفه

انييبه

والوالد الله يسلمه ما ادري من وين محصل خلاطه جذي تركب على راس الدريل

يهب والله الوالد حق بطنه يفكر

و انا اقول طالع على منو!! لووووووووووول


وشي طبيبعي الدريل في سرعات

عاد وانا واقف والضربه والله الشغله بسيطه وحلوه


خوش شي مو

لووووووول مالكم شغل بالدثرة الي صايره

هذي العفسة لزوم الإبداع

والله ما يندرا باجر شنو يطلعلنا

---------------------------------------

بالنسبه حق خدامتنا الي المفروض اليوم توصل

ولكن اتصلت تقول طارت عنها الطياره

اشلون يعني بالله

اخاطب الجهات المسئولة

انا الموقع اعلاه

ديكاتي ولد ام ديكاتي

الرجاء التكرم بإرجاع الشغالة لإن محتاجينها قبل المدارس

وسأكون شاكر لكم جدا

ومن هذا المنطلق ايضا احيي اهل الجهرا الي شاركوا بالبوست الي طاف

والسموحه يا جمااعه ورايتكم بيضه

وانشالله الزيارات الياية احسن وافضل