المواعدون بالسينما

لووول تحبون هالسوالف هااا

ههههههههههههههههههااااااااااااااي ياهو فضايح بتطلع اليوم

ايييه الشغل يعلم يا جماعه

طبعا انا كنت مداوم في سينما المرينا

راح احطلكم السيناريوهات الي تصير حق المواعد

اولا

البنت مع الولد يايين مع بعض ويدخلون ويحجزون ورا ولا على الطرف

طبعا حبايبي انتوا

والله والله والله الي مواعد بسرعه يبين عليه

يعني لما واحد مع اهله او زوجته يبين عليه ولما يكون طالع مع صاحبته هم يبين بسرعه

يعني من اول ما تدشون باب السينما احنا ندري ان وراكم بلاوي

ثانيا

البنت اتيي تحجز تذكرتين حق اي فلم مو مهم شنو اهوه ولكن المهم الحين

وما يهم حتى لو طايف على الفلم نص ساعه المهم انها تدش الحين

لا في وحده قالتلي رفيجتي بتيي بعد شوي

قتلها كتبي اسمها على التذكره وخليها عند الهندي الي يم الباب

راحت عاد اهني

جان اروح حق الهندي واشووف التذكره ولا طلع اسم رفيجها ههههههههههه

وطبعا دخلوا الفلم وقزروها سوالف لما اشتكى عليهم واحد

ثالثا

الولد يقول حق البنت نطريني جدام السينما

واهوه ايي ويعني كاشخ جدامها يطلع التذاكر من المكاين الي بره ويدخل دايركت

رابعا

البنت مع رفيجتها يحجزون ويدشون

بعدين ايي صاحبهم ويكون عارف المكان الي اهمه حاجزين فيه ويحجز يمهم

وجان اصيده

خامسا

اياك واياك واياك تسوي شطانه داخل السينما

لوووووووووول بسرعه تنصاد وفشيلتك مو حلوه بصراحه

ووخلال فترتي صدت 2

يعني خلصت الاماكن تسوون شطانتكم بالسينما

سادسا

المنقبات الله يخليكم

يعني تدشين السينما بنقابج

وداخل القاعه بس يوصل رفيجها تفصخ النقاب والحجاب وتقعد معاه

ولما يخلص الفلم تروح الحمامات الي ورا وتلبس بسرعه وتطلع

سابعا

نص الي يواعدون يحجزون اول عرض لووول علشان تكون الصالة فاضيه

ما يدرون جذي انهم ينصادون بسرعه

لووووووول

مره من المرات

واحد مع صاحبته حجز اخر شي على الطرف مع ان الصالة كانت فاضية وعرفت انهم بسوون شي

المهم

حجزتلهم وخلاص كل شي اوكي

بعدها بشوي جان اييون 3 شباب

قالولي شنو احسن مكان قتلهم تبون بالنص ولا على الطرف

جانو يقولون على الطرف

قتلهم حلو

جان احجزلهم الكراسي الي جدام هذاك مع صاحبته

كلش يصيرون ورا بعض

شوي جان هذا ورفجيته يغيرون مكانهم

جان يناديني المراقب الي داخل ويقولي تر غيروا اماكنهم

جان اروحلهم

هههههههه ديكاتي ما يدور النجره كلش

جان اخذ تذاكرهم وقتلهم اذا غيرتوا اماكنكم مره ثانيه راح اضطر اطلعك من الفلم

قالي اوكي

شويات جذي جان اتيي عايله وتحجر 5 كراسي يم الحبيب وصاحبته

الله وكيلكم فقدت عليه من الضحك

كااااااااااااااك والله شكله تحسف ان دخل سينما وما قدر يسوي شي

وايضا في موقف اخر

السينما كلها فاضيه ما عدا شخص وايضا مواعد

الحبيب من اول ما دخل واهوه حاط اييده داخل ظهرها ويمكن اماكن ثانيه انا ما ادري

المهم عاد جان نكلمه ونقوله ان مو معناته السينما فاضيه تاخذ راحتك وجذي

ديكاتي شيطان

جان اكلم 3 مرشدين الهنود يوقفون مجابل الشخصين ويطالعونهم طول مدة الفلم

واذا صار اي شي على طول يقولون واحنا نتصرف معاهم

والله لما كنا نشوف ناس مسوين جذي يقزر الدوام عليهم

مثل احد الأشخاص مسوي النون وما يعلمون تحت الكراسي

لووول احنا دخلنا القاعه استغربنا ان ما فيها احد

ولما صعدنا عند مكانهم ولا الحبيب بوضع مخل بالآداب

طبعا منو يقول ان تهزأ

منو يقول شخطوا فيه

القاعده تقول بالسينما العميل ليس دائما على حق

وادخل بإحترامك واطلع بإحترامك

وهذا غير الي تشتري تذكره وتنزل تحت باللوبي مكان الإستراحه وتقعد اهي وصاحبها

لووول يعني شارين التذكره بس علشان يقعدون تحت بعيد عن زحمة المجمع

وياما حنشووف ونشووف

هذا البوست تضمن حقائق صجيه

اعتذر اذا صار في ذكر لأشياء تجرح الأخلاق والآداب العامة

بس حبيت اذكر شنو الي يصير بالأماكن هذي وماكو شي اكثر من جذي