وصلنا الكلية لو بعد !!

مساكم الله بالخير

هذا البوست يحوي تفاصيل اول يوم دراسي

وطبعا كالعادة الطالب في جامعة الكويت يعتبر فرد من الطبقة الكادحة

طبعا امس امي وصتني مرتين اشتري صمون وكرواسون حق الريوق

ولكن التاجيل نساني

لوووول بس اشوه اني تذكرت الساعه 6 وربع الصبح

وحياتكم وبدون اي مقدمات انقز من الفراش طليت بره الغرفة ولا امي قاعده

يهب رحنا فيها

جان البس دشداشتي علما بأني كنت لابس المكسر مسبقا ونايم فيه

احم احم

لوووووووووووووول

وعلى طول طلعت اسرع شي وغسلت ويهي عالسريع

رحت شريت كل شي ورجعت

هههههه اشوه ان الصبح ماكو احد

رجعت البيت وخذيت شور وذكرت ربي وتريقت وطلعت

اخييييييييييييييييييييييييه

والله والله زحمة الصبح ونيسه كانت

من زمان ما عشنا هالشعور

3 اشهر وشي وانا معطل لا تلوموني

وصلنا كيفان واشوه الوضع مستتب

اتذكر الكورس الاول الي طاف اول يوم دوام وقفني شرطي كنت على شفا مخالفة

لمشاهدة بوست السنة الي طافت زغرط هنا

نزلت انطر احدى الموظفات استاذة دانة

هالإنسانة دائما اعتبرها المنقذه

والي نصيحتها اغلب الاحيان تكون في محلها

انتظرها وايد ما يت

جان اروح شويخ

(سيتم تسريع الأمور من هنا) هووبا

رديت كيفان

ورحت شويخ

وهم رجعت كيفان

تدرون شنو هلكت

كل هذا علشان اخلص اجراء اداري بنفسي

لإن لو بنطرهم يدزونه بالفاكس جان عز الله خلصنا شغلنا

فايل المستقلة

وطبعا اول شي فكرت فيه وانا راجع البيت

ان لو شنو ما انزل على الدائري الخامس

وطبعا طلعت توقعاتي صحيحة لإن الخامس مسكر من الزحمه

الله يعافيك يالسادس بس

وصلت البيت

اكتشفت اني حست وايد اليوم

ولا مجال للتركيز

واذا به

ديكاتي نائما بالجينز

واستوعبت بنص النومه ان في شي مضايقني

جان اقوم البس دشداشة النوم وارجع اكمل نومتي

3 ساعات ونص من الاكشن بالفراش

وحلمت بمكاتب وحالة يعني

وطبعا هذا انا على كرواسونه من الصبح

وتوني التهمتلي طاسة سلطه

لووووووول لا لا هذي مجرد تسخين المعده لا اكثر

والقادم اعظم

احس راح التهم خروف بعد شوي

وبالنسبة ليوم ما قبل الدوام

فلم هندي بصراحه

طبعا لازم قبل الدراسة تحلى الطلعه والسهره

ولازم العشى يكون عظيم

وهووووووبا ولا احنا بفريج صويلح

ههههههههههههه شدعوه عليكم كل هذا استعداد للدوام

انا اول مره اجرب اليريش عندهم

بصراحه شي وايد طيب مع ان مو مدقوق

يعني اليريش صاير حب مو الناعم

بس والله حلو خصوصا مع رشة من المعبوج الأحمر

واهني بو وليد قاعد ينتف الوليمه

واخرها اطيبها

واحلى غوري شاهي

وبعدين يقول ليش ما اييني نوم بليل

اي والله امس لما الساعه 4 الفير وانا احوس بالفراش مو قادر انام

كنت مستانس على متوتر للدوام

ولكن طاف اليوم

الحين في هذه اللحظه ودي اروح مركز سلطان سوق شرق اشتري خرابيط

ويبيلي نوت بو 5 و4 اقلام

ههههههه تحسون طالب عالسريع

نشوفكم على خير