يا صباح المساء والصداع
لوول اشلونكم شمسوين
تدرون شنو الشي البايخ لما تكون صايم
انك مخربط بالأكل امس
واليوم ماسكك الحارج عدل
وما تقدر تشرب ماي ولا دوا ولا شي
ولازم ننطر لما الفطور
وانا الحين قاعد احرب بعمري مع هالحارج
فقلت ما يطفي هالنار الا بوست سريع وخفيف
ايييييييييييه
اول شي لكل وقت ظروفه
فعندما يحل رمضان علينا
يصير وقت يالله يا ديكاتي ود هالنقصه حق ام فلان
وام فلان
وام فلان
وام فلان
طبعا لما يكونون كلهم في منطقة وحده يصير خوش شي
ترسم خريطتك انك تدش ابعد قطعه وبعدين تمر حق الأقرب والأقرب وانت الي راجع البيت
ولكن لما يكونون ام فلان وام فلان وام فلان في مناطق مختلفة
ترسمها على الشوارع الرئيسية والخطوط السريعه
وتدش هالمنطقه وبعدين من هالشارع على المنطقة الثانيه وهكذا
يعني مسويلي خطه متكامله اسم الله علي
واحلى وقت تروح تودي هالسوالف قبل الفطور بنص ساعه
الشوارع فاضية
والي فيها عادة مشاخيط
يعني الحياة حلوه
ولكن انصحكم اذا عندكم جدور ومواعين بالسياره لا تشاخطون
لووول لإن شاخطت مره وانكت شوية مرق ما ادري شوربه
وريحة السيارة ما تعدلت الا من يومين يمكن
طبعا بمان ان كل وقت له ظروفة اذا لكل وقت له صوره عند ديكاتي
واهني اتييكم صور النقصات الي صرت جني سايق مال مطعم من بيت لما بيت
بس تصدقون احلى شي اني ارجع على الفطور دايركت
معناته بالعشر دايركت معناته الكرشه تنتفخ دايركت
معناته الوزن يزيد دايركت معناته تنشكح بالصالة دايركت
وإلى اخر الدايركتات
ههههههههههههههه
واهني صور الحدث
لووول عاد الصورة الثانيه صج حسيت نفسي موصل طلبات من شارع المطاعم على هالفلين
على كثر ما هالشي متعب شوي
ولكن احس حلو ان الناس تتنقص حق بعضها والجيران وجذي
احس صج وناسه و يعطي جو حق رمضان
---------------------------------------------
عندما تنتهي من الإفطار
وما يكون في احد بالبيت
ومشتهي تشرب جاي سنع
ولقيمات كلها عجين بس تنوكل
مالك الا القهوه الشعبيه يا ولد الحجيه
جاي و اللومي الزين اخيييييييييه
صج صج كان جو والله
-----------------------------------اييييييييييييييه
لكل وقت ظروفه
مؤخرا يمكن تلاحظون اعزائي الي متابعيني اني قمت اروح عروس وايد
والله والربع قاموا يتزوجون ولكني صامد
ولكن عندما يتزوج اقرانك من الأهل اهني المشكله
عيال خالي تزوجوا
ولد خالتي الي كبري تزوج
فالحين انا الأول باللسته
كانوا اهمه قبلي بحكم العمر
ولكن الحين انا المطلوب تزويجه
لووووووووووووول لحظه لحظه
منو يتخيل ديكاتي متزوج
كااااااااااااااااااااااااااااااااااك لا لا صعبه يا جماعه
انا اتزوج احس مو راكب
انا شيطان واحب اكل واطلع وايي واسهر مع الربع
انا ساعات حتى لو ماكو ربع تشوفون اطلع تالي الليل
لما اتزوج ما راح يصير هذا كله
والحين الأهل قاعدينلي
شرايك بفلانه وشرايك بفلانه
هههههههههه وانا لا املك سوى الإبتسامه
اذا تزوجت لازم اسوي نقل مباشر من عرسي إلى البلوق العزيز
هههههههههههههه
بس لا لا مو في بالي وما زلت اقاوم
مع ان ساعات ما ادري اشلون
يعني لما الي كنت اطلع معاهم عيال خالي وعيال خالتي
نقعد مع بعض وبالعيد كلنا متيمعين بمكان واحد وسوالف وضحك
العيد هذا ما ادري اشلون
كل واحد راح يكون ياي مع زوجته
هل راح يقعدون معاي مثل قبل
اي هين لوووووووووووول
معاهم حريمهم شنو يبون فيني
بس بيني وبينكم مو حاب الوضع يوم العيد
شكله بقعد شويات بس واطلع
لا تسمونها غيره مني او حسد
بس انا احب استمر على العادات الي نسويها كل مره
طبعا المتزوجون
كنت اودي اغراضهم وشغلهم واشتريلهم غترهم وسوالفهم
ههههههه وناسه والله
اهني اغراض ولد خالي مع ولد خالتيالي شاريه توني والي موديه المصبغه والي يايبه من المصبغه
ويبقى السؤال
هل يتزوج ديكاتي أم يستمر كما عهدناه ديكاتي النشيط الونيس ذو الدم اللخفيف والكرش النحيف
قويه قويه قويه
ههههههههه يالله اصدقائي اشوفكم على خير
5 comments:
لول عادي تزوج واستمر على نشاطك الونيس على قولتك، وبالعافية الجاي واللقيمات، وأحلى شي برمضان النقصة من بيت لي بيت وان شالله ما تنقطع هالعادة أبدًا
لوووول
صج احلى شي لما الاهل يتنقصون حق بعض شعور حلو
وبالعافية اللقيمات :)
لوووول ديكاتي مردك حق الزواج لو تقولهم لا مابي اخرتها انت بتروح و تقولهم بتزوج هذي سوالفكم يالشباب ;p
ايه قواك الله الوالده بعد لازم تكون في الخدمة عشان اذا اشتهيت مرقة بامية تضبطلك اياها :-)
بس جني أشوف طاري أم فلان ترا مانرضى على حريمنا :-p
لايقصون عليك وتتزوج ، ترى راح تتذكر كلامي ماورى الزواج الا الحنه والرنه وبالحسره عليك هـ الابتسامه ، واذا انقص عليك لاحول ولاقوه دور لك بنت حلال تفرفشك وترجع 20 سنه قري ولا بتشوف الشيب ماله والي ، تزوج وتشهد
Post a Comment