صباح الخير
توني قاعد من النوم
والراس مصدع والموود لكم عليه شويه
عاد تصدقون انا ملاحظ ان اذا انعفس موودي يصير بخاطري اكتب بوست
والله ومااخليها بخاطري على طول اكتب
وبعد ما اخلص البوست وانزله احس براحه
لووووول محد يلومني فيك يا ديكاتي
اي ربعي شخباركم بعد
اليوم بحطلكم صور فترة الشهر الي في اشتغلتها قي السينما
لعل البعض يتسائل شنو اكون داخل السينما وشنو اكو هالصوب واشلون يسوون جذي
والي عنده اسئله يقولي وانشالله بجاوب عليه
لوووووووول والله ترا انا ما راح اطب بشي ولكن بقول الي شفته
المهم
وايد صور والله
جاري تحميل الصور (هذي الكلمه منقوله من البوست الي طاف ) احمم
مممم نبلش من المطبخ ولا الأفلام
لوووووول انا اقول خل نخلص من المطبخ احسن
اوكي اول شي فاجئني والي ما توقعت يكون جذي
الي اهي مكينة البيبسي
ما كنت حاط في بالي انهم يخلطون كل شي بنفس الوقت ويدش على المكينه الي نشوفها احنا جدامنا
الحين بالصور راح تشوفون
اهني عندنا النكهات الي اهي البيبسي والميرندا والديو
طبعا نشوف لون الهوز على لون النكههطبعا البيبسي حده يخرع لونه اسود حده
وطبعا ينخلط مع الغاز والماي والسكر اعتقد ويدش بالمكينه وتصب على طول
انا من شفت لون البيبسي جذي
صرت اشرب سبرابت او سفن اب اكثر
احس عقدني لونه
وبعدين عندنا الناتشوز
طبعا الناتشوز من شركة كتكو بس ما يسوونه الا حق السينما فقط
واهني اهم شي بالسينما الي اهوه
البوب كورن ( النفيش) طبعا مثل ما تشوفون يتعاملون بالخياش
ادري الكل يسأل الكراميل من وين اييبونه
والله طول الشهرو انا احاول اوصل حق هالشي ولكن ما قدرت
بس لما كنت ادش اراقب كنت اشوفهم اشلون يسوونه
الكراميل يكون بودره ويحطون على زيت شويه ويحطون داخل مكان خاص بالجدر
ويخلونه يطبخ و ينخلط مع النفيش
لووول طبعا منو يقول قزرتها على النفيش ههههه
بعدين نوصل حق المجسمات واللوحات ملوت الأفلام
هاللوحات توصل لنا مفككه والعمال يركبونها
اهي كلها مصنوعه من كراتين
وعلى ما تركبها جنك قاعد تحل لغز علشان تكملها كلها
وبالأخير الأفلام
طبعا الجدول مال السينما ينزل كل اربعاء بليل
يعني الخميس تكون الأفلام يديده
وبشهر رمضان يحطون افلام القديمه والي ما نزلوها بنفس وقتها
لإن رمضان فترة ميته بالنسبه للسينما
الأفلام توصل على شكل بكرة
طبعا قفل ومسكره عدلواهني نحطهم في غرفة العرض
لوووول وايد احيان كان عبالي الفلم يكون دي في دي
لووووول بس الحين تأكدت ان شغل بكرات
واهني المكينه الي تشغل الفلم
تشوفون ان العرض يكون عن طريقه عدسه تكبر الصوره علشان تناسب شاشة العرض الي بالقاعه
وهذي صوره ثانيه
ومكينه ال
3d
تختلف شوي عن المكينه العاديه
في اوبشن وسوالف جذي يعني
والله كانت فتره حلوه لما داومت اهناك
تعلمت وايد اشياء وسوالف
والبوست الياي ما يندرا شنو اهوه بس نطروه ههههههههههه
نشوفكم على خير
5 comments:
وناااسة حلو انك تشوف اشياء جديدة وتتعلم
يلا اهم شي تكون استفدت من وقتك
أهم الشي المشروبات الغازية تكون عن طريق الانابيب ألف ألف الحمدلله اني قطعتهم من فترة طويلة، بس حيل انصدمت من الطريقة لأن امس كنت باحد المطاعم وكنت قاعد اشوف ماكينة البيبسي شلون تنحط كل هالمشروبات فيها واهي صغيرة!!وبوستك جاوب على تساؤلي.. حلو عرفت وايد أشياء من ورا كواليس السينما ماكنت عارفها.. بس صج لاعت بجدي من انابيب البيبسي
ثانكس ع البوست
وناسه شوقتني اشتغل عندهم الصيف الياي
يعطيك العافية على المعلومات و البوست :)
ما توقعت البيبسي و عرض
الأفلام جذي!
Post a Comment