P.F chang's

مساء الخير

المرقة الخاثرة

اييييييييييييييه خلوني بس

تحطمت توني

من احلى المرقات الي سووها بيتنا

ومعاها فاصوليا بيضا

تلذذت

والحين بفراشي قاعد اكتب هذا البوست

اتمنى اني ما انام

خروج الميلان من من دوري الأبطال غير متوقع واحزنني

لوول انا مو حسود بس اليوم لعبة انتر ميلان مع بايرن ميونخ

انشاءالله يخسرون الإنتر

المهم المهم

عن القيل والقال يا ديكاتي

اليوم موضوعي هو تأكيد على مطعم

P.F chang's

ما زال هالمطعم حائزا على اعجابي

بكل ما تحمله الكلمة من معنى

ما اتذكر اني قلت مره بروحلة وترددت

لما اقول بروح تلقون بروحي دال طريجي ومنطلق

ولكن هالمره جربت فرعهم اليديد الي على البحر

صاير مكانه مقابل الشعب البحري

ولكن هالفرع هذا وايد احسن من الي بالأفنيوز

هذاك بمجمع ولويه وحالة ومكانه مو مرتب مثل هذا

اهني تدش واستقبال

وطبعا دورين يقولونلك وين تبي تقعد

تدخل الكل يرحب

وهذا كله مخرب صوري بأصابعه

طبعا اكلهم عجيب

كالعادة المقبلات شريمب داينمايت

وطبقين محتلفين

لما الحين ما طلعنا من هالجزء من الأطباق

في وايد اشياء عندهم لما الحين ما جربتها

والحساب هالمره كان بزيادة عن المره الي طافت ولكن اتسمتعت

الحساب 16

الي خدمنا يومها اسمه
kim

سوالنا خلطته الخاصة بالصوصات الي يابهم

بصراحة كانت شي عجيب

واعتقد لو رحتله مره ثانية راح اطلبه علشان يسوويلي خلطته

وانا عند الباب بطلع قلت حق معاذو

الصراحة الواحد بعد ما ياكل من هالمطعم يطلع واهوه مستانس

بيني وبينكم انا كل ما اكلت استانس ولكن هالمطعم غير

اكله يدغدغ

ادري قاطع وايد عن الدنيا

فترة الدراسة نوعا ما ماخذه وقتي

ولكن انشاء الله يايكم بسوالف اكثر ومشاريع يديده علي انا شخصيا

يمكن اولها اني امس نايم 13 ساعه

ومن الحين اقولكم لو صار فيني شي

ترا اختي هديل اهيه الي صاكتني عين

لإن لما كتبت بالتويتر اني نايم 13 ساعه

اول شي قالته
بل بل بل

عين الحسود فيها عود

والآن اترككم مع

لازم تشوفونها مو شغلي تره

لا تقول ما عندي وقت

ما راح تاخذ منك دقيقة

يا اخي تخيل نفسك كنت معاهم بالفيديو

لا تحرم نفسك من شوفت نفسك