السيارة بالصيف

مرحبا الساع

كيف الحال

طيبين؟

انا بخير الحمدلله

سياراتنا بالصيف

منو ما يعاني من السيارة بالجو الحار

لووول لا والي كاشخين بالجلد خو الله يعينكم

اذكر كنت اركب سيارة ولد خالي هالجلد

والسيارة واقفة بالخالدية من الصبح لما الساعه 3 ونص

ركبنا السيارة

انا رسميا كنت قاعد ارقص

لووول لا والحبيب ياخذ فوطه يحطها على السكان علشان يقدر يسوق

معلومه: المكيف ما يصير بارد الا بعد ما تبرد اجزاء السيارة الداخلية من اهني تبلش تحس بالبراد

علشان جذي حاول كثر ما تقدر تغلف سيارتك قبل لا تنزل

وهذا الي سويته انا امس

رحت شارع الزينه

فصلت باقات حق الدرايش كلها و الجامه الخلفية

ولما انزل اغطي الجامعه الامامية

ههههه الوضع اول شي عجيب

عادة وانا راجع البيت احط المكيف على 3

بس لما حطيت الباقات

حطيته على 2 وبنص الطريج حطيته 1

اليوم الجو ما كان وايد حار علشان جذي ما راح اقيس عليه

لا و ابوي شايل نص مظلة البيت

انا ماكو مظلة فوق سيارتي

يعني اركب السيارة جني داش السونا

والجامعه ماكو مظلات

ركبت الباقات اب 8 دنانير مع الخلفية

لما الحين النتائج زينه

بليل اشيلهم

بس سؤال فني

هل اتخالف عليهم ام لا؟

مالي خلق سوالف كلش

لا عاد طافكم اليوم واصل محاضرتي قبل ساعه وربع من الوقت

جان اغطي الجامه الي جدامي

مع التعتيم الي انا مسويه

طلعت الابتوب قعدت اطالع مسلسل

والله خلصت 3 حلقات

لووول وسيارة ديكاتي من تخلى

كان في بطاط عندي ههههه

لا وموصل الصوت على سماعات السيارة هههه

هاليومين انا قاعد افكر اسوي نشاط ترفيهي حق قرائي

لا تستانسون فلوس ماكو انا بروحي ادور احد يعطيني

ولكن خلوني اتوبكها

ومحتاج اعرف عدد الي مستعدين يشاركون معاي اذا ما كان عندكم شغل

انشاء الله بعدين راح اعلن بالتفصيل شنو الفكره و اقولكم اشلون اعرف جم واحد يبي يشارك