نتائج الغبرة

هووبا مسا الخير عليكون

كيفكون

ديكاتي مو لايق عليك لبناني الله يعافيك

شالخبار

صاير هذا موعدي اليديد حق كتابة المواضيع

اي تدرون الواحد يكون راجع من الدوام

وداخل بيته

مجفس جمومه

ماعطيها بالخمسه

قايل الحمدلله

رايح غرفته

منشكح على فراشه

مجابل لابتوبه

كلها عوامل تساعد على كتابة بوست

عاد اقولكم

ليلة الغبرة انا ومعاذ طالعين نصور يعني

وصلنا بيتهم بالسلامه

وقعدنا لما تالي الليل

لووول جنه من الخرعه الواحد ايوع والله


خوش وجبة

خلصنا من الغبار والحمدلله

الوضع من يوم السبت مستقر

السبت الصبح ييت بطلع

ركبت السيارة ولا الجامه الي جدامي عليها طبقات من التراب

لا وانا امش دخل علي غبار جان اسكر التهوية الخارجية

يعني بس بسرعه تغلبت على المشكله

كفوا ياالبطل المغوار المهيب الجبار ذو السيف البتار

واهني عندنا احدى فصول بمدرسة

شكرا يا مصدر الصوره ياللي ماكو منك 2

طبعا لو مو مخلين اليهال يداومون احسن

ما درسوا ولا شي و مقعدينهم بالمسرح

جان قعدتوهم بالبيوت وخليتوا شركة التنظيف اتيي تسنع الوضع

ما علينا

طبعا اشرت من يومين عن الملتقى الي مسوينه بجامعة الخليج

يالربع الحضور مجاني ترا ماكو رسوم خلاص

واليوم احلى محور راح يتكلمون عنه

الضوابط القانونية في استخدام الإعلام الإجتماعي

مع المحامي محمد الدلال

الموقع

خلونا نشوفكم اهناك الساعه 5

الأجواء وايد حلوه تره

انا رحت يوم الإفتتاح وحدي استانست

كان هناك مدونين و توتريه

ما احب مصطلح مغردين

الله يعطيهم العافية مركز الحرير على هالشي المرتب بصراحة