متفرقات

مساكم الله بالخير

هذا البوست يأتيكم من الكاريبو كافيه

تناولت الشاهي الأخضر بالليمون

إضافة إلى قطعتين من الوافل

لووووووووووول

مو راكب صح

ههههه كيف الحال

يالله حيا
-----------------
يقول الشاعر

لا تحسب الرجولة سمته وغتره و رنج

الرجولة لاقال المؤذن حي على الصلاة

فز قلبك وقال الله اكبر

-----------------

صح لسانك يا من قالها

هالفتره احس قاعد استثمر يومي بنسبة 70% اي نعم

لما اسوي شي اخلصة كله

لما اقول بسوي هالشي على طول اقوم اسوي

لما افكر بشي اخذه بكل جوانبه

ما انكر ان ساعات موودي ينعفس من كثر الإرهاق وشدة التفكير

ولكني ابدعت بالشي هذا

والواحد يتعب ولكن لما يشوف النتيجة يستانس

عزيزي و عزيزتي قارئي الموضوع

ان هذا الموضوع ليس لدية سالفة

فقط للتنويه

واضيف أن الموضوع شارف على الإنتهاء

اليوم طبعا الغدا عند خالي

انا اشهد ان جابلت الدلة وقمت اشعر

ويقول الشاعر

حياتي هاليومين ما بين تبرشم ودراسه

وين ما اطق بالأله تقولي اجابتك خطأ لا محاله

الدكتور والمعيد كل من يطالع وما عندهم غير محد يحرك راسه

تغرز بالسؤال الأول والثاني واذا وصلت حق الثالث تقول حق نفسك يا ديكاتي وين الدراسه

كانت هذه الفقرة الشعرية من تأليفي

الله لا يعود ايام الإحصاء كنت اعاني وايد

ومن هنا اشقح حق موضوع اخر

يعني انا بعرف متى تصيرون خوش اوادم يا بعض الناس ولما تقومون من طاولتكم تشيلون اغراضكم؟؟

انا كل ما اقوم حتى لو كنت رايح ماك اشيل اكلي

خو صيروا مرتبين علشان انت ترتاح وغيرك ما ينزعج

هبك يا ويل حالي

والله يحرون الواحد

المهم

ما اطول عليكم

انتهت متفرقات اليوم

وننتقل معكم للفقرة المحلية

في هجوم غير متوقع طارت تشيز برجراية من جيس اهلها إثر تواجدها أمام ديكاتي ولد ام ديكاتي والذي لما يتردد لحظه في اتخاذ قراره

هذا وحذر مجلس الأمن من خطورة ما يحدث في مطبخ بيتنا

إنا لله وان اليه راجعون

فمان الله