لوول النت اليوم بطيئ
الأبلود مو ذاك الزود
نص ساعه على ما عدلت الصور و رفعتهن
رفعتهم كلهن حطيتهم زلط
لوووول
من وين نبدي
وايد صور
خو اليوم طلعه من صباح الله خير
زين ردينا الفندق بس
حتى مالي خلق ابدل
اليوم رحنا
universal city
هذي مدينه فيها استديوهات
ومدينة العاب
ومحلات وسوق
التذكره 75 دولار
وتدخل الألعاب على كيفك
vip 125$
احنا قلنا ماكو زحمة علشان جذي خذينا العادية
والله بصراحة من زمان ما لعبت جذي
وفي شي لازم اقوله
عزيزتي المدينه الترفيهية والشعب
استريحوا
والله شي عجيب
العابهم فيها ابداع يا جماعه
اول شي دخلنا بيت الرعب هذا
عاد كلش كلش مو سوالفي
بالمره مو سوالفي
بس العموم دخل فضطريت ادخل معاهم
دشينا ومن بدايتها صراخ ووتخرغ
واحنا نمشي في وحده تعرفنا عليها باللعبه اهي ارجنتينية
ياية بروحها
فدشت اللعبة مع قروبنا
المهم واحنا نمشي وتخرع وحالة
شبصت فيني عدل
الحين انا بروحي مخترع
ماسكها واسحب فيها وهذول يطلعونلنا من كل مكان
ملعون في واحد عنده منشار هذا صج صج خرعني
وهذي الي معانا تعلقت برقبتي
انا بروحي مخترع
والله طلعت من اللعبة قاعد اقول والله ما ادري انا لميتها من الخرعه ولا اهي مسكتني
لووول بس ضحكنا شكثر
بعدين رحنا ترمنيتور
يكون فيها تمثيل شويه و شاشة ينعرض فيها احداث من الفلم
وكلها
3D
والكراسي الي قاعدين عليها تتحرك و يطشرون مااي
وهوا
و بخار وايد وجذي
والله عجيبه وناسه
و لعبة شريك نقس الي قبلها بس بدون تمثيل
بس قزروها بالماي
كل شوي يرشون علينا
يعني مثلا شريك يعطس
مع العطسة يرشون علينا ماي يعني صج
ولا لما ينفخ
يحطون علينا هوا
حلوه فكرة الألعاب هذي
خصوصا انها
3D
بعدين خذينا جولة بالقطار حول الستديوهات
ورونا اماكن تصوير الأفلام
اهني يعني مشهد تحطم طيارةوكل شي مطشر والدنيا معفوسة
كل شي مبني ويصورون فيه
ما يحتاج يطلعون بره المنطقة الي اهمه فيها
والله وايد حركات فيه عجبتني
اهني صور متنوعة
بعدين تغدينا في جوني روكتس
المنيو تقريبا نفسة
كلبت نمبر 12
ظريفة
نفس طعم الكويت ماكو فرق وايد
والبطاط اوكي
بس حلقات البصل فشل كبير بصراحة
لا و لما تبي تعبي بيبسي مره ثانية
اييب دولكه ويصبلك
والبار كلش ورا ظهرنا
اكل برجرتك وروح لكه ههههههه
احنا 8 اشخاص
طلع هذا حسابنا
سامحونيوايد صور عندي بس التعب
والوقت الي محتاجينا مو مخليني انزل كل شي
باجر رحلة استديو
بس الصبح راح نرجع حق مدينة الألعاب هذي
نكملها كلها
كبيرة ما تتخلص بيوم واحد
والآن ما اعتقد اكو عشا
اكو نوم
اكو خوووخيييش
من كثر ما رشوا علينا ماي شكلي انتشلت
الله يستر بس
تصبحون على خير يا مدونين ومغردين و متابعين
3 comments:
ونااااااااااااااسة يونيفيرسال استوديوز حد امهم وناسة في كل مكان ..
اهم شي قضيتوا وقت حلو
LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL AHAHAHAHAHAHA AAAAAAAAAAKKKKHHH BU6NIIIIIIIIII Aham shay gazroha bil maaay wy mawatni min ilthi7iiik:P eee yuba shino tarfehya o 7adeqat ilshi3ib! wela teyey sh3ara min al3abhum:P
عليك ابألف عافيه
وزين ماتسوي لاتخلي مكان لأن اصراحه امريكا الحلو فيها انك تستقل اليوم كله
Post a Comment