paramount picture tour

مساكم الله بالخير

سكتوا عني توني طالع من جلسة مساج بعد عناء يوم طويل

الله يعافيه مستر كريج

ولك هذا واحد متعافي

يخرب بيته مسكني حبه حبه

بس شغل عدل والله

والحين طلبت من دومينوز ناطره يوصل

وعلى ما يوصل اقولكم شنو الأكشنات مالت اليوم

هووووب لحظة وصلت البيتزا

اكل وارجع اكمل

اي والله حكاية حب مخفية

قاعد الكه بطل دايت كولا

ههههههههه

عوافي على قلبي

المهم اقولكم

اليوم رحنا كملنا جولتنا باليونيفرسال

من احلى الألعاب الي دخلناها اليوم


كانت قطار يمشي والسوالف تطلع بالطريج

تخريعه الا شوي

بعدين رحنا هاللعبة



والله ونيسة واهي جولة اشبه بالجندول

تسبحنا عدل

وعلشان تسبحنا عدل

انا الحين منشول والخشم يصبصب على قولة امي

بس الحمدلله على كل حال

اهني الأدوية وحدة بوحدة

المهم ما طولنا لإن عندنا عرض بإستديو
paramount picture

ما كانت الرحلة شيقة وايد

ولكن في اشياء حلوه

يمكن هالشركة اعمالها محددة

مو مثل الباجي منطلقين بكل المجالات

بس طبعا هالشركة عندهم الافلام الي يفتخرون فيها

طبعا اول ما دخلنا عطانا المرشد سماعات علشان نسمع كل شي يقوله
واهوه يعطينا المقدمة

ورانا صورة الشخصية الصجية مالت بيتي بوب

طبعا بالستديوهات دخلنا بجولة سريعه حق استديو دكتور فيل

هالنوعية من البرامج يكون فوق الستيج اكثر من 70 ليت متحرك وثابت

السقف كله لايتات

شكلهم مرعب

واهني الستديو هذا وشنو الأعمال الي تمت فيه


واهني صورة خوش


طبعا هالمكان اهوه مكتب المخرج مال مسلسل
glee

وهم غرفة توم كروز بعد

وهم مرينا على الستاف مال المسلسل وشفناهم قاعد يصورون حلقة


و مسلسل

NCSI

هم كانوا موجودين ويصورون

طبعا الستديو هذا مقسم

جزء تمثيل نيورك

وجزء حق فيغاس

وبجذي يصورون سوالفهم كلها داخل ما يحتاج يسافرون ويطلعون بره

اهني مواقف سيارات


هالمواقف هذي كانوا يترسونها ماي ويستخدمونها حق تصوير مشاهد البحر وجذي

ويعبونها من هالخزان
انتهت الرحلة على خير

لا بأس فيها

بعدين رحنا مجمع او بالأحرا اهوه شارع


الحلو ان مجمع مفتوح

شارع طويل والمحلات على اليمين ويسار

جوهم يساعد على هالسوالف

اول ما وصلنا تغدينا

رحت هالمطعم وطلبت جلو كباب مع دجاج

لوول الي بالصينية اكثر من الي قلته لكم بس ما عليه

كنت حدي يوعان

طبعا شفهمهم يسوون ورق عنب

واهني حبيبكم بنك بيري

يقولون الشباب ارخص من الكويت بوايد

بس انا ما اكلت منه لا اهني ولا بالكويت

لووول حتى اهني ما عليه زحمة كلش

المنظر بليل عجيب

قبل لا نرجع رحت ستاربكس

طلب وايت موكا فرباياشينو

اكبر حجم مع اكسترا كراميل

وبطل ماي بعد

طبعا السعر صدمني


انا بالكويت اطلب الصغير يطلع دينارين وشي

واهني الكبير واكسترا كراميل وبطل ماي طلع ب6 دولارات

والله بلاش

عاد حدي استمتعت فيه

خلصنا والحمدلله

الحين بنرجع السيارة

مشكله

ضيعنا المواقف مالتنا

ولكن الأمريكان يفكرون

دخلت رقم لوحة السيارة

ولا يصيدها الحبيب وقالي وينها بالضبط

طلعت العلامات ملوت المواقف الي تصير حمرا وخضرا

هم بالوقت نفسه تصور السيارة

بس حطينا رقم اللوحة جان تطلع لنا

والله يفكرون

جنه يبيلة وحدة بالأفنيوز ههههه

عموما الحين بنام وارتاح

بعد هالمساج الطيب

باجر من ال8 راح اقوم

يوم طويل اعتقد

وجنه جنه يبيلة بعد مساج مع مستر كريج

وتصبحون على خير