اهلا بالمخيم

مساء الخير

اخير تخلصت من
jet lag

تسنعت نومتي

مبروك مبروك كلولولش

امس العصر قلت ابي انام 3 ساعات

ولكن ال3 ساعات صارت 13 الله يسلمكم

ما وعيت الا الساعه 6 الفير

لووووول احترق علي اليوم كله

ولكن قمت بصحة ونشاط وتريقت كرواسون

يم يم بطني بطني

والله من زمان عن الأكل

والله انا صاير مطراش

روح وتعال وروح وتعال

والله راجوا سايق الجيران صار احسن مني

كل واحد يشوفني بالبيت الا ويبي مني شي

انا لو مكمل سفرتي مو احسن

المهم

ذاك اليوم عبيدو يزاه الله خير اتفقنا معاه علشان نروح مخيمهم

والله وطبعا صفيت انا بروحي باجي الشباب كل من انشغل بحالة

المهم رحت انا وعبيدو واهناك في شباب بعد

والله قعدة جميلة ونيسة

لووول طبعا حاطين قناة وناسة ونتسمع غناوي

وجابلوا الكوت بو اربع

انا ما اعرف العب علشان جذي جابلت تلفوني وقعدت اشوف التلفزيون

من الفناتك الي مسوينها الربع
عند مدخل المخيم

العشى كا ستيك

صج بارد بس ما يرده شي وانا دوكي

طبعا الي يعرف ديكاتي

يعرف ان ديكاتي حق الكشتات لازم ياي مع الآيس بوكس ماله

طبعا محافطة على ريجيمي المتبع

شغلي كان كله دايت الله يسلمكم

بعدين عاد قمنا لعبنا كرة طائرة

الله وكيلكم مو برد الا سحتني

والكره تطق بالإيد

تلسع الله يسلمها

خو بعدين انا ما قمت احس بشي من البرد

ولكن مع اللعب الأمور صارت زينه

وانا ارفع وعبيدو يجبس

وهووبا دخلنا داخل مره ثانية

مع ان ما ردحنا وايد بس بسرعه يعنا

قزرناها بسكوتات

بعدين شفنا ان عندنا فاصوليا حمره

بنسويها وطلعنا المقله

ولا ماكو مفكاكه

لوووول حمود بسرعه حل المشكله بجلابتين

فاصوليا على الفحم

والخبز يابس

تسلم ايدك حمود كانت لذيذة

هههههههه

الله يهداهم مخيمين وايد داخل

حتى الواحد يتعايز يطلع اييب شي ينوكل ويرجع

ولكن كانت امسية جميلة جدا

والله يعطيهم العافية الشباب وعبيدو شغلهم يونس

وكالعادة رجعت البيت

والتهم صحن من البرياني الخالص

مع صوص البرياني المميز

يتخلله بعض من حبات الأجار المعتق منذ آلاف السنين

وتنام نومة هنية ما بعدها قعدة الا وجدامك صينية متروسة من الفول والطعمية

والحين غدانا زفر يا سلاااااااام

من زمان عن الزفرة والله

والليلة انشاء الله بس عبيدو يرد علينا ونروح المخيم بعد

ما بقى شي على الدوام و لازم نحلل العطلة

نشوفكم على خير

ما ادري ليش النت بطيئ اليوم

ههه
بااي