مساكم الله بالخير
من السوالف الي تسويها امي عادة
انها بالعطل تدش غرفتي وتقعدني حق الغدا
حتى لو صارلي بس ساعتين نايم
ولكن اليوم استغربت انها ما قعدتني شسالفة
انا قلت اكيد السالفة فيها مؤامرة
وبطني ما يجذبني وانا اثق فيه
طلعت من غرفتي والهدوء يعم المكان
هااااااااااااااا
دوكي قام يشم ريحة مؤامرة
هناك أحد متؤامر علي انا شخصيا
اول شي قبل لا اغسل واسوي اي شي
رحت المطبخ
لإن المطبخ هو منبع المؤامرات
على الأقل بالنسبة لديكاتي
المهم
وصلت المطبخ بالسلامة
ولا هذيج السمجه المشوية
شكبرها وشطولها
حق فريج كامل
ولكن الطمع غطى على اعينهم وما قعدوني اشاركهم الأفراح
لووول بس هين هين
لوووول والله لو مسوين دياي ولا لحم جان اول وحده مقعدتني ومخربة نومتي
بس لما صار فيها سمج خذاهم الطمع
ولا هذي حالتي الحين انا مجابل هالطاسة الحلوه
واهمه ماكلين سمج
ما عليه اني ورائكم والزمن طويلو
المهم دام ان بداية اليوم بلشنا بيوع و اكل و مؤامرات
وجان يوصل مسج لحظه اشوفه
اي عاد اقولكم
زين دازين مسج نزل اغنية وما ادري شنو
المهم
مطعم ناندوز
يقع في الجهة الخلفية من مجمع الأفنيوز
بالقرب من تشليز
يمكن قبل لا ادش هالمطعم كنت اتداول مع شقيقي بو وليد هالإسم تعبيرا عن الدهشة
فكنت اقول نااااااااااااااندوووووز بصوت مرتفع
ههههههههه
احدى تعبيرات ديكاتي العجيبه
ودار الزمن رحنا انا وبو وليد المطعم المذكور
المكان مرتب جدا والديكور حلو
الديكور مستوحى من بيئة الإسم
نااااااااااااااااندووووووووووووووووووووز
طبعا المنيو غريب عجيب
ولكن طلبنا الي حسيناه مألوف عندنا
الشي الي حلو وغريب علي
ان اييبون السيخ بكبره ويحطه جدامك وانت تنزل اللحم وتاكل
و المطعم يتمتيز بالأكل الحار
فلفل هوت سبايسي
وحاطلك صوصات تختلف حرارتها من و إلى
بالإضافة إلى صلصة الثوم الي عجبتني وايد
وانصحكم تخلطونها مع احدى الصلصات الحاره وتغمسون اللحم
وهممممممممممممم
وبالعافية عليكم
المطعم اكله وايد حلو
بالأحرا اللحم مستوي عدل ونكهته وايد عجيبه
بالإضافة إلى ان اجنحة الدياي عندهم مسوية رجيم
مو مثل المتفخه الي متعودين ناكلها في باقي المطاعم
المطعم وايد حلو
حتى بالبداية لما يابلنا السيخ توهقت فيه
جان انادي الويتر قتله اشلون ينوكل هذا
علمني الطريقة
استخدم الأداة هذي بمساعدة السكين
وانزل اللحمه على الصحن بشويش
طريقة الاكل حلوه بعد
شنو بالأكل مو حلو يا ديكاتي
والسعر مناسب
بعد تواجدي بالمطعم لفترة قصيرة
عرفت ليش وايد هنود موجودين
لووول حق هالفلفل الحار
بس هنود الكشيخه عاد
خل اكمل سلطتي انا اقول
علشان لازم اتعشى عدل اليوم
نظرا للنقص الغذائي والحرة الغذائية الي سووها فيني البيت اليوم
قلبة متروسه
3 comments:
قبل كنا نشتري الصلصات من بره
لذيذيين لان احنا نحب السبايسي
على فكره ميت كومبني عندهم نفس طريقه ناندوز
تطلب لحم اييك بصيخ
بس بصراحه ماجربته
انا الايدام ما احبه كل يوم
يبيله والله
عاد انا احب اي شي حار
ان ششاء الله راح اروح له قريباً
Dnda
" ولكن الطمع غطى على اعينهم وما قعدوني اشاركهم الأفراح"
ههههههههههههههه حلوة حلللللوة
xD
هني و عافية
Post a Comment