حبنا للكويت وأميرنا الغالي

لووول ديكاتي يعني نزلت المنحة

جان تزيد عندك الروح الوطنية

لوول والله الفلوس تغير النفوس ها يالربع

صرنا كلنا للكويت والكويت لنا

عاشوا والله

احيي هالروح فيكم

لوووووول اتغشمر

كلنا نحب ديرتنا وشيخنا وابونا بو ناصر

طويل العمر من هذه المدونة المتواضعه نرسل لك الف باقة ورد وشكر

ونقول ما هي غريبة عليك يا بوناصر

بس تعالوا بالنسبه حق الي مو شايفين خير شموضوعهم

البنوك امس واليوم طوابير

انا وقفت عند بنكين اليوم

صدت الحركه ماكو احد

ههههه قلت خل اسحبلي 20 حق هاليومين

المكينه الاولى واقفة

والثانية ما فيها فلوس

لووووووووووول من صجكم ايها الشعب

ذكروا الله يبه

لا يقولون ما نبي التجار يرفعون الأسعار

شوفوا انتوا شمسوين

ماشاء الله عليكم

يبه الله يبارك لكم بالفلوس هذي

وانشاء الله اقولكم شنو بسوي بالمنحه لاحقا

المهم

طبعا الي يحب يسال عن غداي اليوم

غداي كان سمج مشوي ما يخورش الميه

الحمدلله الذي انعم علينا وعافانا

طبعا انا اليوم محاضرتي 2 الظهر وانا صاحي من الساعه 7 ونص الصبح

عيارة الدوام هذي

والله لو عندي شغل الصبح جان تكيسلت

طلعت تريقت ورحت قعدت بقهوه على البحر

شربت شاهي

لوول اليوم عند الإشاره في وحده خزتني خزة مو صج

كتبت هالشي بالبتويتر

التعليق الأول: تبي كلنكس

الثاني: معحبه

الثالث:حاطه عنيها على الألف مالتك

الرابع:مشبهه عليك

الخامس: تتطمش

لوووول وانا اقول يا ربعي المغردين انتوا احلى شي بالدنيا

طبعا مو ناسيكم قرائي الحلووين انتوا ملح هالمدونة

من زمان بالديره ما شفنا هالليتات والتزيين وهالشي الزين

طبعا قصر بيان على قولت الشباب هالليتات جنهم ملوت باتمان

بس ترا مسوين جو والله

حرككتهم بالليل وايد حلوه

وانا ذاك اليوم بالشارع ماشي ولا اشوف هالمرسيدس



خوش شي

المشكله ان هل الي داخل قاعد يشوف شي بره او لا ما ادري

علما بأن حتى الجامه الي جدام ترا جذي على صوره كبيرة وبنفس الألوان

بس خوش حركه

نشوفكم على خير

بشوف مسلسل وايد خوش على ابو ظبي الأولى

جنه اسمه انين

مع اني مو راعي مسلسلات

بس بشوف

بباي