انا صاحي لكم

مساكم الله بالخير

وعيدكم مبارك وعساكم من العايدين الفايزين انشالله

انا صاحي لكم وعيني عنكم مش غافله

اي والله صح لسانك يا من قالها

صارلي فتره طويله غاااط عن المدونه

صار مزاج الكتابه صعب وسط الظروف الي عايشها

ما ادري احس هالكورس غير بكل المقاييس

ما علينا

انشالله مستانسين بالعيد وانشالله المطر ونسكم

الحمدلله على هالنعمه والله صج صج غسلت ارضنا وقلبونا بعد

احلى شي بالمطر انك تقعد جددام شي مثل هذا اخيييه

طبعا احتفالا بالعيد وتمشايا مع رغبتي الداخلية

قررت اتفعته واشرب كاديه

والله بالبدايه اللون عجبني

بعدين قلت يبيله ثلج علشان اعيش الجو يعني

جان اطقلي جم صوره

عموما العرض القادم خالي من اي كحول او مشروبات روحيه وعقلية

ولكنه متروووس وبنسبه عاليه من المواد الديكاتيه والنسبة 5%من المواد الفعتوهيه
لوووووول

عاد تصدقون انا اول مره اجربه والله ظريف بس مزاج احسن ش

لونه مساعد على التصوير والله

نشوفكم على خير

2012 movie-sowalef

صباح الخير

اي اليوم مواصل شعلي

هي هي هي مبسوط ياخويا

ايام الدوام يطلع هالسهر من عيني

ما عليه سهالات انشالله

اشلونكم شخباركم اعزائي المدونين والربع والمتابعين

ممم اليوم شعندك يا ديكاتي

اها اي صح

اليوم رحت فلم 2012

انا من شفت التريلر ماله وانا شادني هالفلم

والله و على بركت الله اليوم رحتله مع صديقي العجيب

ما راح احرقه عليكم

يعني بس شويه راح احرق مو وايد

لوووووووووول

الفلم يتكلم عن نهاية العالم وشنو الدمار الي راح يصير

وان اشلون الديانات تتقبل هذا الامر

بصراحه الفلم قوي والإخراج احلى بعد

الي شد انتباهي حق الفلم ان ولد البطل اسمه نوح

وبالقصه ان ياخذون الناس الي قدروا ينجون وجذي ويحطونهم بسفينه حق مكان امن

بالسفينه كانوا ماخذين معاهم حيوانات يعزكم الله والعلماء واصحاب النفوذ والي عندهم فلوس

اهني تذكرت قصة سيدنا نوح عليه السلام لما صار الطوفان واخذ من الحيوانات الذكر والأنثى وجذي

احس انهم مقتبسين هذا المقطع من هالقصه

ولكن بالنهايه ينجون من الي صار بفضل التكنو والحكمه

استغفر الله انا قاعد افكر يعني ممكن لما يصير يوم القيامه راح يصير شي جذي

استغفر الله يا ربي بس اتأثرت بالفلم وايد

وبصراحه الي يحب سوالف جذي خل يروح لإن الفلم وايد حلو وما حسيت بالملل او تشتت انتباهي كلش

واهوه بعد طويل مو قصير والله

دخلنا 12 وربع وطلعنا 2 ونص اعتقد

عاد الجو كان بارد شغل عدل

الله يتمم علينا هالجو الجميل

------------------------------------

من جم يوم رحت مكتبة خرير

اقصد جرير

والله لقيت اختراع بسيط بس شي حلو

مثل ليت صغير يشتغل على البطاريات

مدة التشغيل 8 ساعات

واللمبه زينون زقرت

والله شي حلو عجبتني على كثر ما اهي بسيطه

وسعرها 1.800

لا بأس عليها ولكنها يازتلي وهذي بعض الصور لها
-------------------------

انا من شفت هالفلم عرفت ليش مايكل كانوا الناس يحبونه وايد

دخلت الفلم مرتين

طبعا ماكو قصه خير شر

بس قاعد يوريكم الإستعدادات ملوت الحفله الي كان راح يسويها

والله يا جمااعه هالحفله لو صايره جان كسرت السوق كله

صج صج قويه

وحتى الفلم ما تكلم عن وفاته ولا عن اي شي غير الحفله

يعني تدش الفلم تسمع الأغاني ملوته وتشوف السوالف الي كان يزهبونها

بس والله يستاهل

حتى تعامله مع الناس الي يشتغل معاهم وايد يبين ان محترم واسلوبه حلو

ما ادري هل كان يتصنع هالشي او لا

بس عجبني وايد

استغفر الله من مات وانا كله اسمع اغانيه

بدال ما ننسى موضوعه علشان ما نزيد ذنوبه قاعد اسمعه وايد

بس خوش اغاني عليه انا ما ادري ويني عنه من زمان

critical thinking

مساكم الله بالخير

ترا الموضوع الي طاف توني اليوم استوعب انا شنو كاتب

الظاهر ما كنت بوعيي وانا اكتبه امس

المهم حصل خير

لووووووول

بس ترا جيد الموضوع ولكن في نوع من الفعتهه

المهم

اليوم في احدى المحاضرات الجميله والي لما الحين ما استمتعت فيها عدل

كان موضوعنا اليوم عن التفكير النقدي

لا لا مو يعني التفكير بالفلوس

النقدي من ينتقد انتقادا فهو ناقد

عاد احب هالسوالف واشلون تنتقد الشي حتى لو كان كامل

اشلون تحول الشي الزين إلى شي سلبي بالكلام طبعا

يعني الموضوع يدفع الواحد علشان يفكر

بطبيعة الحال الدكتور لازم يستفزنا علشان يعطينا دفعه ونبتدي نفكر

مهما يكون هالموضوع احنا ناخذ الشي بعيد عن التعصب وعن الطائفيه وحتى عن الدين

يعني لما يذكر الدكتور مسأله في وجود الله هذا شي يخلينا نفكر

ولكن بطبيعة حالنا ما راح ننكر وجود الله

ولكن هو دافع قوي يخليك تفكر شوي بطريقة نقديه

ولكن وين مربط الفرس يا ديكاتي

لما يكون معاك طالب مخه داخله قراطيس لا اكثر

مخه غير قابل للتحريك والتفكير

انسان يعتقد بشي واحد ولا يمكن ان يغير هالشي حتى لأجل الوصول لهدف وهمي

يعني هالطالب اليوم خرب جو المحاضره كله

صار الموضوع من تفكير نقدي إلى محاضره شريعه

الدكتور يتكلم عن نظرية دارون والتطور الإنساني والحبيب هذاك مزنجر ومو راضي يسمع

والا يبي يقول ان دارون مخرف ونظريته غلط

انزين غلط ولا صح انا مو هذا موضوعي

الهدف من المحاضره نشغل تفكيرنا

ليش عندنا ناس اشبه بالطاولات ما يتقبلون الفكر الأخر ولا حتى يسمعونه ويضلون على فكر واحد عمره ما يتغير

وطبعا اداتهم النقاش بالصراخ ورفع الأصوات

والله كثرة هالأشكال اهي الي قاعد تخلي مجتمعنا يرجع ورا

والمشكله ان الدكتور يقوله اخر الدلائل والأبحاث الأخيره في مجلة ساينتيفيك اميركا تثبت شي من صحة النظريه

وهذا الحبيب مصمم ان لا النظريه كلها غلط ولا يمكن ومايصير

الله يفكنا منك ومن الي يفكرون مثلك والكويت راح تمشي لجدام
---------------------------------

موضوع حش وحسد و مرضت ودرب وحاله
فعتوووه.كوم

اسطورة ديكاتيه

ما عندي سالفة بس توني متعشي وقلت اكتب بوست

الكل راح معرض الكتاب وشاف الي اكو والي ماكو

ولكن ما اعتقد احد انتبه إلى ان كان في كتاب موجود عند اغلب المكتبات ولكن محد كان مقدر قيمته المعرفية الكبيره

هالكتاب هذا يا جماعه هز الكثير من الجبال والمشاعر والإرادات القويه

المؤلفة من اكثر الناس حكمة وشطاره للوصول إلى عقول الناس والسيطره عليهم عبر الفكره الإقناعيه والدليل القاطع


هي شاعرة الكلمة

هي صاحبة الرأي

هي كما يسمونها صابحة القلم المفتلت

هي بروفيسورة العلم

هي من حول الكيمياء إلى فيزياء والعكس

هي من سخرت عقلها في سبيل العلم والتعلم

جاهدت وكافحت وتعبت وياما احترقت اييدها ولكنها ثابرة

حتى اصبحت هي الرقم 1

منذ زمن ونحن نعرفها ولكن لم نعرف قيمتها

اصدرت كتبها ومؤلفاتها التي كانت تزخر بالكثير والكثير من العلوم والمعارف

هي من ينطبق عليها "كاد المعلم أن يكون رسولا"اي نعم

معلمة ونعم المعلمات

معلمة اجيال وافيال

هي من جعلت الجدور والصحون والصواني ترقص على انغامها

هي من جعلت ديكاتي متبحلقا امام شاشة التلفاز ايام رمضان ناطرا برنامجها

هي وهي وهي من جعلت الكرش لا يصغر ابدا

بل جعلت الإكسات ملوت الفنايل تزيد

انها الأستاذه الكبيره

لوووووووول جنه المقدمه قويه ها

هي هي هي والله من الفراغه قعدت اكتب ماكو شي السوق ميت

grandma bk from france

صباح الخييييييير

هههههههاي من زمان ما كتبت بوست

يا ربي هالبلوق هذا ماللي غنى عنه

قط كل الي بقلبك وامش

لوووول خصوصا البوست الي توني كتبته حق بلوق فعتوووه

والله احس بردت جبدي

المهم عاد اشلونكم شخبارك اصدقائي الصدوقين

مشتاق لك موت ياللي طول غيابك

اي عاد اقولكم امي حبيبتي الي اهي يدتي سافرت فرنسا من فتره

ومن جم يوم رجعت اخييييراااااا

واي ما بغت ترجع

هالإنسانه انا ما اقدر اعيش بدونها

رحتلها المطار والله ما همني العموم لميتها طلعت كل الحنان الي كان نقصني

الله يطولي بعمرها

عاد الحجي ان يدتي بعد راسي رايحه ومبدعه بالسوالف الي يايبتها من اهناك

صج سوالف حريم كبار والله مت ضحك عليها

وما خليت صورت كل شي

اول شي طبعا واحنا بالمطار ولا اشوف بالعربانه مالت يدتي جيس في زرعه

والله قاعد اطالع شنو هذا جنه طماط

قلت والله تسويها يدتي ما استبعد يايبه شجرة طماط معاها على بو ان فرنسي وحلو

بس طلعت ورده عاديه ما ادري شنو موضوعها



لوووووووول لا الي ضحكني اكثر انها رايحه مزرعه يم المكان الي ساكنين فيه ومطيحه مع العيايز الفرنسيات

عاد ماشالله اهل فرنسا اهل كرم جان يعطونها كستنه كل وحده شكبرها
طبعا اشكره راح نخشه حق الشتا علشان نحطه عالفحم ونجابله انا معاها بس

ما نبي احد يضايقنا لوووووول


حياتي يدتي حايشها نقص من البيئه الي عندنا فالحجيه يايبه بذووور حق بعض الفواكه علشان تزرعهم بالحديقه

لووووول المشكله بالجو يا يمه مو بالزراعه بس يالله خل نشوف شنو يطلع معانا


تبون الفلم الي صج حبيبتي شاريه مقله

تقول شكلها يغري خنشوف فرنسا واهل فرنسا اشلون عدت المطبخ مالتهم كواليتي ولا لأ


والله حسستني انها رايحه ايران ويايبه معاها جدور هذي سوالفها بعد

واهني يايبتلنا صمون فرنسي بس تدرون شنو عظيم يالربع

لوووول خو ما نطرت على طول بطلتها وكليت

حتى ريحتها عجيبه


لوووول على قولت يدتي هاك يمه هذا عنب يايبته مغسلته بماي فرنسا جرب جرب

بعد عمري حاطته معاها بالطياره تقول اخاف السكر يوهقني او شي الا معاي عنب

واحنا مالت على الباميه لما نخاف السكر ينزل ناكل ككاو

واهني اخر شي طلعته من الجنطه بطوووووول

لوووول اقول حق يدتي شنو هذا واين

كااااااااااااك

لا هذا زيت الجوز وزيت زيتون

طبعا هم جربتهم ما خليتهم

حطيتلي بطاسه وقعدت اغمس فيه الصمون

منو يقول ما تعشيت عندها ذاك اليوم

لووووول وطبعا حق البنات مو مخليه كريمات وسوالف مو يايبه

انا اهم شي طلعت بالبلوفر مالي ويايبتلي عطر

طبعا اول ما وصلت قتلها عطيني جوازج ماكو سفر بعد

تعبت نفسيا ما اقدر افارقج

:)

بوست ظريف سريع والياي اعظم

اي اي تعالوا ترا طبيت بالبنات الي عندنا بالكليه بالفعتوووه.كوم

الإسبوع الجامعي البارد

بسم الله الرحمن الرحيم

اخواني الطلبه والطالبات

ارحب بكم في بداية الفصل الدراسي الأول 2009/2010

واتمنى لكم دوام التوفيق والنجاح

يا ربييييييييييييييي

يا وييييييييييييييلي

ليش احس اني قاعد اقول مقدمة طابور الصباح بأول يوم دراسي

هي هي هي

اول شي صباح الخير اشلونكم شخبارك اعزائي الحضور الكريم

ماكو فايده فيني

اشلون الدوامات معاكم

ادري ادري والله حاس فيكم زحمه وأذية بس ما عليه هذي الكويت صلوا على النبي

وادري ادري بعد حاس بمعانات البعض منكم مع ربعنا المستجدين خصوصا بالمواقف

ولكن للأمام يا شباب

طبعا لازم تغطيه من ديكاتي على الأمور الي صايره

اهني اول يوم دوام وكانت محاضرتي الاولى والوحيده بكيفان واشوه الباجي كلهم بالإدرايه

اييييييييييه كفان يا كيفان

الله يسلمكم اليكم سالفتي مع كيفان

بأحد ايام اول اسبوع دراسي وصلت كيفان وانا متدلع اتمشى عالبحر لإني طالع مبجر

وصلت كيفان ولا الدنيا معفوسه

الله اكبر شصاير

ولا الدوريات مهزئين الطلبه عدل

الله وكيلكم مخالفات على افا من يشيل

يا سااااااتر

والله صج كان حوسه وحالة يومها

المهم انا كعادتي اطق فوق تحت نهاية مواقف الآداب اهوه ما يصير ادخل منه ولكن متعودين احنا عليه

المهم دخلت اللفه ولا اشووووف شرطي يأشرلي تعال تعال

وانا ومعاي يمكن 7 ولا 8 سيايير وقفنا

واخذ اجازاتنا وجذي

وانا لما الحين ماسك اعصابي

جان ايي مره ثانيه

عمي الشرطي: خالي خالي طلع دفترك وانزلي يالله خالي الله يطولي بعمرك

لووول وانا خذيت دفتري ونزلت وكلي تفائل

جان اقوله ترا احنا بجامعه اهني

واهوه يقولي انت داخل لفه ممنوع تدش فيها

عاد اهني ديكاتي استنفر

جان يطلع صوتي والله

وانت يا عمي الشرطي احنا اهني نعتبر بحرم جامعي

وان هذي مواقف جامعه وانت شايف الحال اشلون صاير والطلبه مو لاقين مكان

جاان يقولي يعني حتى لو بالجامعه هل تخالف القانون

قتله روح اقرا الائحه الجامعيه وشوفها شنو تقول

مو من حقك تخالفني وانا داخل الحرم الجامعي وثاني شغله احنا مو معطلين السير او مسوين ازعاج لما ناخذ الفوق تحت هذي

كليته كليته وبصراحه انا ترا ما ادري اذا في لائحه تقول هل احنا نتخالف بالجامعه او لا

عاد المهم شاف اسمي جان يقول شصيرلك فلان وفلان وفلان وفلان

لوووووووول كلهم عيال عمي

جان يقول توكل على الله

والله حتى في وحده واقفه يمنا

تقول حق الشرطي ما يصير جذي انا عندي اجتماع مع الوزير

جان الف ويهي عليها واقول وزيره الله يسلمج

لووووووووووول ترا كلش ما احرجتها ولا قامت تقط الوان

والله يهديهم بس على سالفتهم اخوانا الشرطه

لازم كل كورس يسوون لنا نفس هالموضوع

وطبعا دخلت المحاضره متأخر

اما بالنسبه حق استعدادات الجامعه حق الإنفلونزا الخنازير وانتوا بكرامه والله يحفظكم من كل شي

والله العيادات الطبيه متواجده بشكل ملفت ومنظم

والمعقمات وكل شي ماشي على حسب الأصوول

وحتى التوعيه الإعلاميه داخل الجامعه موجوده من بروشرات وارشاداات وحتى على التلفزيونات بالممرات

والله يعطيهم العافيه


اما اخوكم ديكاتي صاير يتذكر ايام الطفوله من اول ما يركب هالباص

والله احس بوناسه وشعور غريب

احلى شي موقف سيارتي بالظل والأمان والباص اييبني ويردني شنو احلى من جذي

لوووووول طبعا ما ننسى ربعنا الي كلامهم يبدأ ب(سلام علييييييكم)و ينتهي ب(موفقين موفقين)ههههه

الإنتخابات والقوائم

لوووووول حضور جبار ماشالله عليهم

والمشكله ما يداومون المحاضرات علشان خاطر هالإنتخابات

الله يهديكم بس
------------------------------------------------

بوست على سالفة اغلاق القهاوي الساعه 12

تحليل فعتوهي جدا على فعتووه.كوم

ندوة المدونين+هزهزني

صباح الخير جميعا

اتمنى انكم بخير وعساكم بصحه وعافيه

يا سلام علي وانا اتكلم جذي

قعدت من النوم والمود بالمره مو اوكي

قلت خل اكتب بوست يمكن اغير المزاج البايخ هذا

امس مثل ما اغلب المدونين وصلهم خبر ان اقيمت ندوة التدوين الكويتي

و الي يسميها ورشة عمل

ولكن اتفقت مع الأخ خالد الزنكي اذا ما خانتني الذاكره لما قال ان هذي ما تسمى ورشه كثر ما اهي ندوة

والله كنت حريص جدا اني احضر لإن احب هالمواضيع و ابضا تفيدني بمجال دراستي

بالبدايه كان وقت وصولي موفق جدا

يعني لا مبجر ولا متأخر

واهني صوره عامه حق مكان الندوه
واهني الخطه الزمنيه للندوه والمواضيع الي راح يتناولها المحاضرين وانا استمتع بعصيري


نشوف الأخ مطقوق (محمد اليوسفي) واهوه الي يقدم او عريف الندوه بشكل اصح


واهني (اكزومبي)عبدالعزيز العتيقي يلقي كلمته بعد ان القى احد اعضاء ايركس مينا كلمته

ملخص سريع جدا عن الي صار

بصراحه ليس تقليلا من جهود المحاضرين ولكن الصج اني استمتعت بحذيث شخصين

الإخت ريم الشمري والأخ حسن رمضان

كلامكم كان جدا حلو وانا حسيت بالإنطلاقه معاكم

واهني تلخيص لأبرز الجمل الي شدت انتباهي وزادت الحصيله المعرفيه للتدوين

المدونه هي وسيلة اعلام غير تقليدية وبالإمكان أن نعتبرها السلطه الخامسه عما قريب

التويتر هو
micro blog or mini blog

كلما كانت المعلومه التي يذكرها المدون ذات طابع شخصي أي تتعلق بحياته الشخصيه اصبحت هذه المعلومه اكثر جذبا للقراء

بصراحه كلام كثير دار واستفدت وايد

وطبعا دار نقاش مفتوح بعد الوقت المخصص للمحاضرين ولكن انا مشيت لإرتباطي بعرس أحد الأقارب

لوول ما ادري احس مو راكب لما اتكلم جذي بس يالله تحملوني بس اليوم

---------------------------------------------

هزهزني

بعد ما خلصت الندوه والشباب شلخوني كل شوي واحد متصل يالله تعال العرس تأخرت

عاد طلعت وبسرعه بسرعه على الصاله واشوه مو بعيده

المهم دخلت وسلمت قعدت مع الشباب

العدد ما كان وايد العموم بعد البوفيه مشى

لووول حسسوني انهم يايين ييترسون بطونهم ويمشون

المهم

طلعنا حق زفة المعرس ولازم طبعا نسوي دربكه بالشارع

ولكن قاعد احاول اخلي الشباب يمسكون سايدين بس والثالث حق الاوادم خو ما يصير نسكر الشارع

المهم وصلنا صالة الحريم ودخلنا معرسنا

طبعا انا حياوي جدا

ااول ما وصلت باب الصاله جان اطق فوق تحت ما اشوف الا ساد سمايل صاحبي ساحبني

لووووول ودخلنا سلمنا على المعرس واغلب الشباب طلعوا

ما بقى الا احنا 7 واقفين ناطرين يحطون اغاني

للامانه انا كنت مستحي وما ابي اخربها

المهم دشوا مجموعه وانا وساد لما الحين واقفين جان واحد يسحبني معاهم وانا ارقص ادور ساد

ولا الحبيب للحين واقف جان اروح اسحبه

الله وكيلكم ياني هزيت هز ياني كسرتها تكسير

افففففففففففف

طلعت كبت مال سنين

والشباب خو من حطوا الهبان افصلوا

الكشخه والثقل كلهم راحوا حزتها

وانا ما ادري دعمت بمنو الي طاح عقالي وحاله يعني شي مو طبيعي

ما ضل مفصل ما طق امس

الظاهر علشان جذي اليوم تعبان شوي

وانشالله الله يبارك بولدنا ويعطيه الذريه الصالحه والله يستاهل

-------------------------------------

يا جمااااااعه

ترا سواها ديكاتي اي نعم

سواها ولا يهزني رريح

خطوة الألف ميل تبدأ بجدر

casper & gambini's breakfast

صباح الخير يا شباب

اشلونكم شالخبار

اليوم موضوعي ترا مو دسم كلش

لووووووول

طبعا وكما تعودتم لازم البلعه لها دور في حياة اي كائن حي

فالكائن الحي لا ينمو ولا يكبر الا بوجود الغذاء

اقول ديكاتي اشلونك انت زين؟

لووووووووول قلبها حصة علوووم

عاد اقولكم

انا من النووع الي ما اتريق وايد

ادري الريوق مهم جدا

بس شسوي اذا كليت لازم اكثر لإني لازم اشبع واذا شبعت لازم ادوخ واثقل

ولكن شنسوي بعد هذا الي قاعد يصير ومالي حكم عليه

فالحكم كله للمعده الله يهداها

عاد اقولكم

امس رحنا انا ومعاذ حق كاسبر و غمبينيز

طبعا رحنا الي بالأفنيوز

وبصراحه امس كان شي عجيب

والي شاف صور الي حطيتها بالبوست الي بفعتووه.كوم راح يلاحظ الفرق

واهني صور مختلفه من المجمع وناسه والله التصوير بالجو هذا

المهم نرجع حق بلعتنا

هي هي هي

بصراحه من زمان مو متريق ولما تريقنا بدعنا

اول شي البان كيك

من زمان ما اكلت بان كيك مثل هذا وايد حلو وخفيف

لوووول خالتي كانت تسوي لنا قبل كل وحده شمتنها يعني تاكل وحده وبس ما فيك حيل على الثانيه

ولكن الي اكلته اهني كان وايد حلو

و غرقها بالعسل الزين وعيش احلى ريوووق

وبعدين اييك الطبق الرئيسي

لوووووول الناس تتريق بان كيك ويقولون الحمدلله اما احنا نعتبره مقبلات الريوق وبعدين ينزل الطبق الرئيسي

بيض وتوست وبيكون وبطاط شغل عدل حده حده حده

الطعم حلو وشي مرتب جدا

بصراحه استمتعنا انا ومعاذ بالوجبه

السعر لا بأس فيه بالنسبه حق الأكل

بس الي يعتبر سعره عالي وماله داعي العصير على بو انه فرييش وجذي

بشكل عام ترا حده يستاهلل والي يبي يجربه لا يتردد كلش

وغير هذا المنيو مالهم فيه وايد اشياء يعني مو بس خفايف او حق ريوق بس

تقدر تتعشى وتتغدا فيه

وصبااااااااااااااح الخير مره ثانيه

كوكا كولا ظاهره أم قضية؟

صبااح الخير

اشلونكم شخباركم

وعيدكم مبارك متأخره

ولكن شنسوي بعد الدنيا تلاهي

هاليومين مهيص بروحي بالبيت لإن الاهل مسافرين

والله يا جماعه ما ادري شو بدي اقول

ممممم

تذكرون قبل من زمان طلعوا بسالفة على طريقة كتابة الكولا على علبهم

مممممممم ما ادري هل تعتقدون السالفه متعمده ولا بس جذي

بصراحه انا ما بحثت عن الموضوع وايد

ولكن ما ادري قمت احسها غلط

يعني الي يبين على الكتابه لما نقلبها عبارة

لا محمد لا مكه

اوكي لو اخذنا الموضوع على ان صدفه يعني شنو هالصدفه الي توصل إلى هالمرحله

اوكي انزين لو قلنا أيضا انها صدفه شمعنى محمد ومكه انذكروا بالموضوع

والله انا صارلي جم يوم قاعد افكر بالسالفه

والمشكله ماني لاقي شي غير اني احس انها متعمده

واحنا نشربه وعادي وجنه العيد

انزين هل صار نقاش على هالمشكله او ماكو شي غير انهم طبطبوا على السالفه

اعتقد ان هذي مو ظاهر سلبيه كثر ما اهي قضيه سلبيه

اهي ترا مو سب ولا قذف يمكن ولكن المعنى بالباطن طبعا

بصراحه قمت احسها اهانه

وليش ما قطعتها الدول العربيه والمسلمه

يعني الرسوم من الصحف الدنماركية الي كانت تسيئ حق الرسول عليه الصلاة والسلام ما اعتقد انها اهون من هذي

انزين ليش ما تنقطع هالعلامه التجاريه عن السوق

اهانه صريحه يا جماعه ماهي لعب ولا ان نقول مو واضحه

ومازلنا نشرب منه ونشوفه بالجمعيات وكل مكان

والله فيي كلام كبير في بالي بس ما ابي اقوله

لوووووووووول اخاف حزتها ديكاتي يصيرر في خبر كان

الله يحفظنا ويعز الإسلام والمسلمين

وجان زين احد يتحرك بالموضوع

لإن ما اعتقد ان هذا شي يرضيكم

----------------------------------------

اليوم مواضيعي تضيق الخلق

بس هذا الي صاير

المهم بوست يديد عن الأفنيوز ليلة العيد

فغتووه.كوم

سوالف

مسا الخير

اي اي ديكاتي قاعد يكتب هالحزه

ليس طموحا (الألف عليها فتحتين) او شي

ولكن انا اشهد ان اليووع مشلخ اعصاب اعصاب مخي

لأ يعني قعدت من النوم متأخر شوي وحسيت بعطش قلت اقص على نفسي خل اسوي اي شي ولكن ماكو فايده

ماكو تركيز ماكو وعي للواقع الي قاعد اعيشه الحين

اليوع شي شرير جدا يالربع

خصوصا لما يكون ماكو احد قاعد بالبيت

وانا بروحي قاعد احوس والمشكله رايح راد عالمطبخ والثلاجات مع العلم اني ادري ما اقدر اكل

ولكن شنسوي بعد الله كريم ويصبرنا هالجم ساعه

شرايكم فيني وانا قاعد اشكي هم اليوع الي فيني لكم

فديتكم والله تفهموني وتسمعوني

:)

------------------------------------

تصدقون حايشني شعور غريب اتجاه احد المطاعم

ما ادري شالموضوع يا جماعه

تشيليز مسويلي ازمه

هالمطعم مثل غيره من المطاعم

بس استانس عليه

يا ربي شي شي شي عجيييب

لما اييك التكساس فرايز استر يا ستار
وهذي الوجبه طالع فيها طلعه هاليومين فاهيتا تيريو
او عندما يأتبك البرجر باللحم المقدد يا سلااااااااااااام

وهذا نسيت اسمه بس ايضا مشروع قوي من روبي تيوزداي


لوووول مو خوش موضوع قبل الفطور ها

-------------------------------------------

انا صارلي فتره منقطع عن الجرايد

ولكن اليوم ما ادري شنو الي خلاني اقعد اقرا الجريده

والله استغفر الله صارت الجريده اتييب القامت

قمت احس الجرايد يدورون الأخبار الي اتييب اليهد والغلقه والمشاكل

والمشكله يرزونها بالصفحه الأولى

انا درست اعلام وادري ان هذا وواجبهم بس هالشي ما قام يعجبني

احنا نعيش حياة مدنية يعني لما يتكرر الشي جدامنا نقوم نمل بسرعه

ولها مخارج وايد بس مالي خلق اتفلسف

بالنهايه اذا تبي تتعب نفسيتك اقرا الجريده

وانا علشان جذي احسن شي اسويه اخذ المختصر المفيده بسرعه بسرعه

علشان ما احسن بالكآبه وانا اقرا المصايب

:)

-------------
وكالعاده بوست يديد على فعتووه.كوم

صباح الخير كلكم

مرحبا شباب وصبايا شياب وعيايز

هي هي هي

توني قاعد من النوم والبيت هدوء عجيب

وبسولف فقلت ماكو الا بلوقي العزيز

عاد اقولكم اول ما قعدت طلعت من غرفتي شفت الامور مستقره

جان اخذ التلفون وادق على الأخ الوالد

ديكاتي : سلام

الوالد : هلا

ديكاتي: يبه سيارتي فيها صوت

الوالد :بعدين بعدين

(تأثير صوتي) طرباااااااااااااخ

يعني سكر التلفون بويهي احم

اوكي حلوه منك يا الوالد

جان اتمشى شويه وقلت خل ادق على امي

ديكاتي: الو صباح الخير

امي: اهلين ضباح النور ها قاعد شعندك

ديكاتي : ماكو قعدت وماكو شي فقلت خل ادق

امي : اها يعني ماكو شغل

ديكاتي: اي ،ها شتسوين

امي : بالدوام

ديكاتي: اها هيك يععني

امي: خلاص يمه بس ارجع اكلمك

اوكي وسكرنا التلفون بكل احترام لووووووووووول

الكلام لج يا جاره

بس على الأقل امي مهدت وسكرته بإحترام قالتلي لما ارجع اكلمك

ههههههههههههههه

يعني هل امي وابوي يشتغلون بضمير هالكثر الي ما يتكلمون بالتلفون

خو انا ولدكم العزيز ضايق خلقي وبسولف اشلون يعني

هههههه ودي ادق عليهم مره ثانيه بس اخاف اسمع شي ما يعجبني

احم احم عاد الا الوالد لا يعصب مو وقته

-------------------------------------------

تصدقون انا كنت افكر امس

اول ما رجعت من السفر خذيت شور وقعدت بفراشي حاشني نوع من شعور الإحباط

سألت نفسي ليش هالإحباط مع انك سافرت البحرين والإمارات واستانست وهيصت

يعني المفروض اكون حدي كوول

ما لقيت سبب حق هالإحباط

امس وانا طالع مع معاذ كنا بروبي تيوزداي شرحتله الموضوع وقال ان اهوه حاشه شي جذي بعد

مع شويه تفكير ويمه طبق ستيك الدياي يا سلااام

وصلت حق ان مقدار الحريه الي عشتها بال8 ايام الي سافرت فيهم كان شي حده عجيب

ولما رجعت البيت رجعت المسؤوليات والواجبات الإجتماعيه

يمكن هذا الي سبب لي هالإحباط

امس اول ما قعدت رحت الصاله والتلفون يرن ويطقون الجرس وامي تتكلم بالتلفون وابوي يحاجي اختي والخدامه تتهاوش مع المطبخ

يعني بيئه مزعجه جدا تعتبر من بعد ال8 ايام الي قعدتهم بهدوء وسكينه وحريه

شرايكم فيني وانا فيلسوف

dubai trip

مساكم الله بالخير

انا رجعت الخميس من البحرين واقل من 12 ساعه جان اروح الإمارات

وصلت حدي تعبان وجذي ولكن وناسه

رحت انا مع معاذ

والحمدلله كل شي كان حلو

بوست السفره موجود بموقع فعتووه.كوم