صباح الخير
اي اليوم مواصل شعلي
هي هي هي مبسوط ياخويا
ايام الدوام يطلع هالسهر من عيني
ما عليه سهالات انشالله
اشلونكم شخباركم اعزائي المدونين والربع والمتابعين
ممم اليوم شعندك يا ديكاتي
اها اي صح
اليوم رحت فلم 2012
انا من شفت التريلر ماله وانا شادني هالفلم
والله و على بركت الله اليوم رحتله مع صديقي العجيب
ما راح احرقه عليكم
يعني بس شويه راح احرق مو وايد
لوووووووووول
الفلم يتكلم عن نهاية العالم وشنو الدمار الي راح يصير
وان اشلون الديانات تتقبل هذا الامر
بصراحه الفلم قوي والإخراج احلى بعد
الي شد انتباهي حق الفلم ان ولد البطل اسمه نوح
وبالقصه ان ياخذون الناس الي قدروا ينجون وجذي ويحطونهم بسفينه حق مكان امن
بالسفينه كانوا ماخذين معاهم حيوانات يعزكم الله والعلماء واصحاب النفوذ والي عندهم فلوس
اهني تذكرت قصة سيدنا نوح عليه السلام لما صار الطوفان واخذ من الحيوانات الذكر والأنثى وجذي
احس انهم مقتبسين هذا المقطع من هالقصه
ولكن بالنهايه ينجون من الي صار بفضل التكنو والحكمه
استغفر الله انا قاعد افكر يعني ممكن لما يصير يوم القيامه راح يصير شي جذي
استغفر الله يا ربي بس اتأثرت بالفلم وايد
وبصراحه الي يحب سوالف جذي خل يروح لإن الفلم وايد حلو وما حسيت بالملل او تشتت انتباهي كلش
واهوه بعد طويل مو قصير والله
دخلنا 12 وربع وطلعنا 2 ونص اعتقد
عاد الجو كان بارد شغل عدل
الله يتمم علينا هالجو الجميل
------------------------------------
من جم يوم رحت مكتبة خرير
اقصد جرير
والله لقيت اختراع بسيط بس شي حلو
مثل ليت صغير يشتغل على البطاريات
مدة التشغيل 8 ساعات
واللمبه زينون زقرت
والله شي حلو عجبتني على كثر ما اهي بسيطه
وسعرها 1.800
لا بأس عليها ولكنها يازتلي وهذي بعض الصور لها
-------------------------
انا من شفت هالفلم عرفت ليش مايكل كانوا الناس يحبونه وايددخلت الفلم مرتين
طبعا ماكو قصه خير شر
بس قاعد يوريكم الإستعدادات ملوت الحفله الي كان راح يسويها
والله يا جمااعه هالحفله لو صايره جان كسرت السوق كله
صج صج قويه
وحتى الفلم ما تكلم عن وفاته ولا عن اي شي غير الحفله
يعني تدش الفلم تسمع الأغاني ملوته وتشوف السوالف الي كان يزهبونها
بس والله يستاهل
حتى تعامله مع الناس الي يشتغل معاهم وايد يبين ان محترم واسلوبه حلو
ما ادري هل كان يتصنع هالشي او لا
بس عجبني وايد
استغفر الله من مات وانا كله اسمع اغانيه
بدال ما ننسى موضوعه علشان ما نزيد ذنوبه قاعد اسمعه وايد
بس خوش اغاني عليه انا ما ادري ويني عنه من زمان
10 comments:
فيلم 2012 فعلاً روعة أحس إنه من جانب معين يخلينا احنا بالمسلمين نفكر بدنيانا ونقول يالله حسن الخاتمة. من طلعت منه وأنا مأيس إن فعلاً بيصير جذي؟ استغفرالله ومهما قالوا العلماء وأكدوا بالنهاية كل هالامور بإيد الله ومحد يقدر يغير بالكون شي غيره.وسلملنا على صديقك العجيب..
--------
عجبني وايد الليت وأحلى شي فيه إن إضاءته قوية وحجمه صغير وخفيف وينور عدل بالظلمة عليك بالعافية
---------
فيلم مايكل حيل عجيب وبالنسبة لي شفت جانبه الانساني من خلال هالفلم صح ما ارتحت من جم شخص كانوا بالفلم لأنهم أذونا عبالهم قصة حياته وقعدوا يتمسخرون لين ملوا وطلعوا لكن مع ذها استانسنا بالفلم
ثانكس على البوست
ليمون حامض
يبيله روحه
شكله يستاهل ندشه
ما قريت الي انت كاتبه عن فلم
2012
عشان ما تحرقه علي
آنا شفت دعايته بالسينما لما رحت حق فلم مايكل جاكسون
شكله عجيب ويخرع خصوصا إن وايد نظريات من سنين تقول ان نهاية العالم راح تكون في سنة
2012 !!!
بالنسبة لفم مايكل جاكسون آنا بعد أثر فيني وايد
ذكريات الطفولة!
استغربت إن بالنهاية ما تكلموا عن وفاته
وصج شخصيته حلوة وتعامله وايد مؤدب مع الي يشتغل معاهم وحده متواضع
:(
-----
صور الليت إلي بالظلمة شنو هذا
لوووول رعب
توني حجزت حق الفلم مشوقني احب هالسوالف وافلام الكوارث هههههههه
عندي نفس الليت بس على فيل والخرطوم اهوا الليت :D
وامس اختي شرت نفسه من ايكيا
فلم مايكل مو مشوقني لاني ما احبه
شكرا :)
يااااي شكله حلوو
ان شاءالله اقدر اروح عااد
الليت كيوت حلو صغير
:)
يعطيك العافيه
حرقت علينا القصه :p
بالنسبه حق الفلم انا اقول انه بالاول والاخير فلم والغرض تجاري ، ثاني شغله هذي نبؤه مثل مايقولون وتصلح تصير قصه بالافلام بس لو كان هذا الواقع اكيد كل شي راح يتغير واذا حاب تعرف روح اقرى عن الموضوع واكيد انت عارف :)
اهم شي ليتك ، يعني بدال ماتبطل الليت وتريح عينك تييب شي صغير ويبطك بط لووول عفيه عليك :P
بالنسبه لي الفلم مليق
بالبدايه يشد وبعدين من نص الفلم توقف الاحداث
D
الفلم نبوءه قديمه من شعب الملايا
وعادي سوالف هوليوود
مو صج
بس حريييييتني محب احد يقول سبويلر وقريت شنو كاتب عن الفلم
ودي احذفك بالليت اللي حاطه لوووووول
الليت عجيب خوش شي للي يخاف من الظلمه =))
فلم 2010 حدي متشوقه اروحله ان شاءالله
و
بخصوص مايكل جاكسون
وين الادب والتواضع والاحترام بالموضوع ؟؟
لا تنسى الأشياء الي سواها وايد
اذا تحب اذكرك
ابسط شي سواه
الحادثه الي صارت بـ2003 .. يوم اغتصب ولد ما تجاوز عمره الـ14 سنه
مستوعب شلون اهو انسان عظيم ومؤدب ؟
Post a Comment