صبااح الخير
اشلونكم شخباركم
وعيدكم مبارك متأخره
ولكن شنسوي بعد الدنيا تلاهي
هاليومين مهيص بروحي بالبيت لإن الاهل مسافرين
والله يا جماعه ما ادري شو بدي اقول
ممممم
تذكرون قبل من زمان طلعوا بسالفة على طريقة كتابة الكولا على علبهم
مممممممم ما ادري هل تعتقدون السالفه متعمده ولا بس جذي
بصراحه انا ما بحثت عن الموضوع وايد
ولكن ما ادري قمت احسها غلط
يعني الي يبين على الكتابه لما نقلبها عبارة
لا محمد لا مكه
اوكي لو اخذنا الموضوع على ان صدفه يعني شنو هالصدفه الي توصل إلى هالمرحله
اوكي انزين لو قلنا أيضا انها صدفه شمعنى محمد ومكه انذكروا بالموضوع
والله انا صارلي جم يوم قاعد افكر بالسالفه
والمشكله ماني لاقي شي غير اني احس انها متعمده
واحنا نشربه وعادي وجنه العيد
انزين هل صار نقاش على هالمشكله او ماكو شي غير انهم طبطبوا على السالفه
اعتقد ان هذي مو ظاهر سلبيه كثر ما اهي قضيه سلبيه
اهي ترا مو سب ولا قذف يمكن ولكن المعنى بالباطن طبعا
بصراحه قمت احسها اهانه
وليش ما قطعتها الدول العربيه والمسلمه
يعني الرسوم من الصحف الدنماركية الي كانت تسيئ حق الرسول عليه الصلاة والسلام ما اعتقد انها اهون من هذي
انزين ليش ما تنقطع هالعلامه التجاريه عن السوق
اهانه صريحه يا جماعه ماهي لعب ولا ان نقول مو واضحه
ومازلنا نشرب منه ونشوفه بالجمعيات وكل مكان
والله فيي كلام كبير في بالي بس ما ابي اقوله
لوووووووووول اخاف حزتها ديكاتي يصيرر في خبر كان
الله يحفظنا ويعز الإسلام والمسلمين
وجان زين احد يتحرك بالموضوع
لإن ما اعتقد ان هذا شي يرضيكم
----------------------------------------
اليوم مواضيعي تضيق الخلق
بس هذا الي صاير
المهم بوست يديد عن الأفنيوز ليلة العيد
فغتووه.كوم
14 comments:
بيييييه شطاري عليك؟
انا ما اتوقع انه صدفه شنو هلاصدفه الي تصير محمد ومكه؟!!! ليش مو اسم ثاني او منطقه ثانيه غير مكه
يعني الحركه مقصوده بس مادري ليش محد تكلم عنها او سوه سالفه
ومشكور وعيدك مبارك :))
السلام..
عيل انا اتوقع وحد فاضي حرف الكلمه العاديه :)
نفترض حسن النيه واساسا اهما مالقوا الا يسبونا بشعارهم !!
واهما وينهم وين العربي..
عموما انا ماشرب هالسوالف انتوا اذا مصدقين قاطعهم..
اتوقع اللي مطلع هالحجي واحد يشتغل بالشركة المنافسه بيبسي..
وعيدك مبارك..
wowww .. that came from no where :P
ur saying that coca-cola .. actually used that name to show in arabic that it says no mohamad and no mecca ..
.. do u think they even care about u sitting in kuwait driniking their cola?
coca-cola was peviously called coke .. so i really dont think it has anything to do with mohamad or mecca dude .. it must be as u said the head of anti-marketing at pepsi :P
and Eid Mubarak :D
صباح الخير بالليل :)
وعيد مبارك
في فترة من الفترات تم رفع قضية في امريكا لشكهم بنفس الموضوع اللي تقوله ولكن القضية خسرت لأسباب ذكرت وقتها بس ما اذكرها صراحة
على فكرة ترى كوكاكولا كان ممنوع بالكويت الى فترة قريبة اعتقد بعد الازمة رجعوه الكويت لأن صاحبه يهودي ( على مااعتقد )
بس السالفة صارت سبهلله
واليهود سيطروا على اغلبية الماركات العالمية ، واذا منعت وحدة لازم تمنع كل شئ
واحنا مو كفوا مقاطعة ربعنا مافيهم حيل لوووووول
كل هالسوالف خرابيط، فئةماعندها شغل تطلع اشاعات والناس تصدقها. هذيل اهم نفسهم اللي يطلعون اشاعات ويقولون فلوس ماك حق اسرائيل واللي كل شوي يطلعون اشاعات على دلاغ او تي شيرت أو كاب مو ناقص الا يقولون لا تاكلون ولا تشربون ولا تلبسون شي يامعود طاف
ولو كانت حرام جان محد شافها تنشرب في مكة وهي أكثر أرض مقدسة بالعالم وفيها بيت الله
كوكاكولا مو ظاهرة ولا قضية
كوكاكولا مشروب غازي
(.)
نقطة
:)
رورو الشخبوطه
مثل ما قيل اعرف لغة عدوك
واحنا لو اخذنا الموضوع وحطينا احتمالات ليش ما نقول ان رأس المال يهودي يمكن
والشركه امريكيه
شي عادي حده وممكن يصير
واليهود اعداء الإسلام
ويعتبر هذا نصر لهم بأنهم يهينون الرموز الإسلاميه واحنا يا غافلين لكم الله
طماااشه
اشلون اشاعه والدليل جدام عيونك واضح
هل الإهانه للرموز الإسلاميه شي عادي يعني ؟
shoosh
يعني ما عندج اي مشكله بان تحطين شك ولو حتى بسيط بأن اهما متعمدين يغلطون على المسلمين
ممم والله انا اشوفها قضيه تهمنا
يا اخي الفاضل
العقل نعمة
شكو كوكاكولا بالاسلام والمسلمين ؟؟
بعدين وينكم عنها من اكثر من 100 سنة من لما طلعت !!
واحد فاضي قاعد يدور الزلة على الشركات اللي ما تعجبه ويقعد يشهر ويقول الاسلام والمسلمين
انزين انت تقول انه راعيها يهودي ويبي يهين الاسلام ....طيب اليهود ما يحبون المسيحيين بعد ليش ما سووا ماركة يهينون فيها المسيحية ؟؟!!
تدري ليش ؟ لا المسيحين ناس مخهم نظيف وما يعدون يفسرون البيضة منو باضها والدياية من جابها وتاركين الناس تعيش مو مثلنا ايمانا ضعيف وكلمة تجرحه ....بعدين منو عطاكم صك وتوكيل تتكلمون باسم الاسلام والدفاع عنه ؟ مو فيه علماء ومفتيين ؟؟؟ وينهم ما قالو شي ولا السالفة شطارة منو يفتح سالفة ويسويها دندرة !
الله يهداك بس ويهدى الاخوة المعلقين اللي ماعتدهم شغل
بعدين خل نفترض انه كلامك صح
اشرايك اذا غيرو طريقة الكتابة وصارت
COCA COLA
تعتقد انهم خلاص ما يهاجمون احد ؟؟؟
راح يطلعلك واحد ويقول انه اذا قلبتها فوق تحت وفريتها مرتين راح تبين مثل اسم مسجد مادري وين واخذ عاد
الله المستعان
أكيد الاهانة للرموز الاسلامية مو شي عادي بس مو كل احط يحط بذمته هالاشياء ويقعد يفكر فيها على أقل شي، مرة على مشروب غازي مرة على دلاغ مرة على تيشرت ومرة على مطاعم ومنظفات غسيل، لو بتقعد تحصي ما راح تخلص والسبه شوية متخلفين يأثرون على عقولكم. وإذا بتشوف حياتنا كلها من صنع اليهود والمسيحيين، انا مو قاعد أشجعهم ولا صاف معاهم بس هذي الحقيقة، الكويت تستورد من امريكا وايد اشياء من البيبسي والكوكا والمنظفات وهالمنتجات مليون بالـ 100 فيها
يهود، دام تشوف إن السالفة
فيها تهجم على الاديان روح تخلص من اي منتج تعتقد انه فيه ايادي مخربين
وأبرز مثال البلوق مالك تابع لشركة غوغل وهالشركة مو كلهم مسيحيين في منهم يهود وهاليهود اكيد لهم يد في اشياء وايد في تعاسة الوطن العربي. انت قاعد تحكم على ظهارة وحدة وهالشي ماينفع لأنك بتنتقد شنو ولا شنو، ما الوطن العربي معتمد ع الاجانب في منتاجه وهذا واقع الحال
طماشة
anonymous
العقل نعمه
انزين ليش ما نشغل هالنعمه لصالحنا
انا ليش ادور زلة على شركه ما تعجبني وعلىى فكره ترا الكولا انااشربه مو معناته اني مقاطعه
انا خذيت جزئيه من الموضوع وقلت الإهانه صريحه و موجوده والشي جدامك ما فيه نقاش
يعني اذا على قولتك الشي مو مقصود واهمه مو حاطين هالشي في بالهم عيل ليش انذكر هالإسمين
وعلىى المفتين والعلماء يبه على عيني وراسي وانا ذكرتلك اني ما بحثت بشكل كافي
ولكن بشكل عام ماكو شي يقول ان المسلمين عارضوا هذا الشي
وبالنسبه حق ردك الثاني
اي نعم خل يغيرونها بحيث ان ما يصير فيها اساءه
يا اخي امش بالسليم ومحد يكلمك ولكن لما تحط نفسك محل شك اهني تحمل الي اييك من الناس
وعلى قولتك اذا المعلقين ما عندهم شغل عيل شنو الشي الي استفدناه منك انت
ترا والله ولاشي
تبي تخلي الموضوع مستمر مثل ما اهوه كيفك ولكن بالنهايه الغلط موجود
طماشه
:)
يا اخي ردك حلو وعلى عيني وراسي
ولكن الشغله مو محتاجه تفكير والصوره موضحه كل شي
صح كلامك اليهود والمسيحيين قاعد ناخذ منهم وايد اشياء ولو نبي نفكر بذات الشي ممكن نشوف ضرر لنا
ولكن لما نشوف واحد مسويله علامه تجاريه في باطنها اهانه هذا ما يرضي احد
وثاني شي الحين احنا بحياة مدنيه وصار اعتمادنا على الغرب ولكن هل هذا يعني اني اخذ كل شي منهم؟
طبعا لازم في حدود
لما اشوف احد متهجم علي لازم ما اسكت عنه
وعلى البلوق ادري ان هالشي من صنعهم
ولكن انا مستثمره بالشي المفيد والصحيح الي يرجعلي بالفايده اذا اهني انا ما سويت شي غلط ولا حرام ولا مكروه
:)
هلا ديكاتي دام ردك جذي معناها وصلنا مربط الفرس ومعناها انك توافقني القول، ودام انك تستعمل البلوق في شي مفيد حط الكولا مكانه لأن لماالناس المسلمين تشربه مو معناته قاعدة تستهزئ في رسولنا أو نساهم معاهم، عن نفسي المشروبات الغازية قاطعها كلها يعني لابيبسي ولا كوكاكولا ولا ربعهم أشربها لانها مضرة للصحة
بالاخير اللي يصدق هالأمور خله يقطعه واللي يحس انها جذب وافتراء خله يشربها وكل واحد حر باللي يسويه
:)
طماشة
طماشه
لووووووووووول
اوكي يبيلنا قعده ترا
انا صادفتك بالكليه جم مره بس ماشالله عليك كله دايس
بس المره اليايه انا وراك انشالله
:D
تامر
Post a Comment