مسا الخير
اي اي ديكاتي قاعد يكتب هالحزه
ليس طموحا (الألف عليها فتحتين) او شي
ولكن انا اشهد ان اليووع مشلخ اعصاب اعصاب مخي
لأ يعني قعدت من النوم متأخر شوي وحسيت بعطش قلت اقص على نفسي خل اسوي اي شي ولكن ماكو فايده
ماكو تركيز ماكو وعي للواقع الي قاعد اعيشه الحين
اليوع شي شرير جدا يالربع
خصوصا لما يكون ماكو احد قاعد بالبيت
وانا بروحي قاعد احوس والمشكله رايح راد عالمطبخ والثلاجات مع العلم اني ادري ما اقدر اكل
ولكن شنسوي بعد الله كريم ويصبرنا هالجم ساعه
شرايكم فيني وانا قاعد اشكي هم اليوع الي فيني لكم
فديتكم والله تفهموني وتسمعوني
:)
------------------------------------
تصدقون حايشني شعور غريب اتجاه احد المطاعم
ما ادري شالموضوع يا جماعه
تشيليز مسويلي ازمه
هالمطعم مثل غيره من المطاعم
بس استانس عليه
يا ربي شي شي شي عجيييب
لما اييك التكساس فرايز استر يا ستار
وهذي الوجبه طالع فيها طلعه هاليومين فاهيتا تيريو
او عندما يأتبك البرجر باللحم المقدد يا سلااااااااااااام
وهذا نسيت اسمه بس ايضا مشروع قوي من روبي تيوزداي
لوووول مو خوش موضوع قبل الفطور ها
-------------------------------------------
انا صارلي فتره منقطع عن الجرايد
ولكن اليوم ما ادري شنو الي خلاني اقعد اقرا الجريده
والله استغفر الله صارت الجريده اتييب القامت
قمت احس الجرايد يدورون الأخبار الي اتييب اليهد والغلقه والمشاكل
والمشكله يرزونها بالصفحه الأولى
انا درست اعلام وادري ان هذا وواجبهم بس هالشي ما قام يعجبني
احنا نعيش حياة مدنية يعني لما يتكرر الشي جدامنا نقوم نمل بسرعه
ولها مخارج وايد بس مالي خلق اتفلسف
بالنهايه اذا تبي تتعب نفسيتك اقرا الجريده
وانا علشان جذي احسن شي اسويه اخذ المختصر المفيده بسرعه بسرعه
علشان ما احسن بالكآبه وانا اقرا المصايب
:)
-------------
وكالعاده بوست يديد على فعتووه.كوم
11 comments:
انت مريض اكل لاتصوم وادفع كفاره وفك نفسك
شنو هذا ديكاتي ........
شوف كل اللي اللي حطيته ما هز فيني شي سوى اني حسيت بلوعة
لأنه كله لحوم ودياي
ما عدا الفاهيتا تيربو لأني من عشاقه ه سا بقا
أما الآن >>> متعوب عليها الآن ترى
ما بيدي حيلة غير اني اغني ظلموه
الجرايد مبطلتها من زمان
السلام..
عيل انا جربت تشيليز مره وماحبيته بس الفهيتا ماشاءالله تشوق..
بالعافيه يارب..
والجرايد ماساءه انا كنت صحافه وماقرا الجريده كلش خو ماحب مو غصب السالفه خخ والدكاتره يعصبون علينا انتوا اعلام واقروا جرايد والخ ..
قلت ماكو الا اقعد وافرش جريدتي بالقسم جدامه اني اقرا :)
مشكور اخوي..
يا حبك للبلع لول وعليك بالعافية
يله رمضان لازم يعلمك اليوع شوي، والله يستر منك بعد رمضان خخخخخ
بالنسبة للجرايد وأخبارها نفس الحال معاي صايرة العناوين تييب اليهد والنكد وأي خبر يسوي توتر تلقاه بالخط العريض..
الله يحفظ الكويت وشعبها كثروا من الدعاء هذي الليالي دهبية والله يستجيب لنا ان شالله..
تسلم ع البوست
لول ديكاتي صاير اسد
من اول مادشيت عبالي هذا شغل ايدك طلع مطعم يلا هاردلك
ماشاء الله انا لو اكل كل هالشغلات اصوم سبوعين
اذا وصلت جريدة الراي وسع صدرك بـ صفحة فنون لول
LOL that was hilarious!
WOW shawagtni aro7 chilies 9arly moda mo ray7a
thanks Ducati
btw ana dayman agra alaan online news wayd a7sn mn eljarayed o tyeblk el mokhta9ar el mofeed
الللللله شوقتني حده شخباري جيليز صارلي فتره طويله مو رايحه من بديت رجيم بس رمضان خرته لا رجيم ولا عمات عين وهم ما احب المطاعم وايد برمضان وعقب رمضان ناويه اكمل رجيمي يعني بحححح جيليز بحححح تكساس فرايز بححححح باستا بححححححح فاهيتا :(( اهئ اهئ اهئ
والجرايد انا كرهتها من لماا خذيت ماده لازم كل يوم اقره 3 جرايد واقصص 3 مواضيع واحطهم بفايل والخصهم
وغير البحوث والمقالات وييييع مليت منهم بس انا مو دراستي اعلام درست علوم سياسية وغصت بين الجرايد الي لما اهدها اصابعي يصيرون سوووود ويييع ماحبهم
ومانشيتات الجرايد تييب اليهد كل جريده تسوي من الحبه قبه خبر حده ما يستاهل يحطونه بالمانشيت ويتنافسون بين بعضهم البعض واحنا الي ناكله
مشكور على البوست :)))
والله انا المفروض ما افتح بلوقك بالنهار :/
بس شسوي بالدوام وماعندي شغل
بس تراك استأثمت فيني
حدي يوعانة :/
وأما الجرايد
كلش كلش ما اقرا جرايد
شارية راحتي : )
يارجل شهيتنا وحنا صايمين:)
امبيه كل شي حاطه يشهي
:D~
lolz
lol y3t al7een shena6rny llf6or :P
a about el jarayd w elly feha I agree with you 100% but even though it makes me feel bad, I can't stop reeding it :S!!
Post a Comment