مرحبا
انا شموضوعي مع هالنومه ؟؟
الساعه 10 دخت حدي قلت الحين بسحبها نومه لما عقب باجر
نمت جان اقوم توني
بالله هذي حالة
الحمدلله على كل حال
الحين انا قمت ماكو مشاكل
بس المشكله االحين ابي افتح الليتات وعيزان اقوم من الفراش
هم هذي سالفة ثانية يا ديكاتي
لووووول اول ما قمت فتحتهم
جان اقول برد برد برد
وبسرعه إلى الفراش مره ثانيه
ودام برد برد برد
ياينا البرد والشتا
وحلوو لما تقوم الصبح وانت رايح دوامك تشربلك شي حاار
من فترة شريت
mug
من جيان سعره دينار و 200 فلس
لووووووووول كنت ادور الرخص حزتها
المهم
الله وكيلكم عفسني طلعلي قرون
تلف السيارة
لا وما يمديني اوصل الجامعة الا القهوه بردت
طبعا اذا لفيت بالسيارة حيل على طول يتكبكب الي فيه
يعني رسميا تلف السيارة وعافة الخاطر ما قمت استخدمه
عاد يوم من الأيام وانا بكاريبو قاعد شفت الي عارضينهم
قمت رحت صوب الستاند وتفحصتهم
اوكي اهمه زينين وكل شي تمام بس في مشكله
السعر غالي وايد
سألت الحبيب الي يشتغل اهناك ليش جذي
جان يقولي هذا مصنوع بالصين وبعدين يروح امريكا ومن امريكا يروح دبي ومن دبي ايينا اهني
فعملية التنقل هذي كلها نطلعها من الكوستمر
انا شفت جذي قلت خله ينفعكم عيل
جان ارجع حق طاولتي وافتح لابي وادخل امازون
كتبت
mugs
جان يطلعلي اشكال والوان
بعد بحث وتحري توصلت إلى ان هناك نوعيتين اهمه الأحسن
واخترت وحده اسمها
contigo
هالنوعية ممتازة والتعليقات عليها هم زينه والعموم يمدحه
والحلو أكثر من جذي انه في الوان متعدده
وطبعا السعر يختلف بين لون لآخر بس مو وايد
المهم معاذو وصل وقتله انا قررت اطلبلي
وفعلا والله طلبت 2 واحد حقي وحق معاذ
كله العملية مع التوصيل وكل شي طلعت ب18 دينار
لو ماخذينه من اهني جان طلع علينا ب 20 وحتى اللون مو شي
لووول طبعا تشوفون اتكلم عنم الألوان
هذا الموقع دخلوا شوفوهم اضغط
انا خذيت الاحمر و معاذ السلفر
وصلوا بظرف اسبوع يمكن
الحلو في ان لو حطيت في شي حار يتم معاك بالوضع الطبيعي 3 إلى 4 ساعات
واذا حطيت شي بارد يقعد حتى 12 ساعه
طبعا انا جربته بالمشروبات الساخنه والله صج يقعد معاي طول الدوام
من الساعه 8 لما 12 ونص
يعني بعد ال12 ونص خلاص ما تنشرب القهوه
والأحلى من هذا كله ان عملية الشرب تتم من خلال دقمه تضغطها وتشرب
وهذا الي يخليه غير قابل للتسرب او الخرير مهما كانت وضعيته
طبعا انا لعبت في ه كره ولا خر ولا شي
من الأشباء الي ما اتسحف عليها بصراحة
وهم حاطين تحذير ان لا تحط فيه شي يغلي لإنك لما اتيي تشرب ما تتصور شنو الحرارة الي داخل
وصج لما تكون القهوه حارة وايد يبيلي انطر عليه ساعه على الأقل علشان اشربها هذا اذا كنت مسكره
بس انا لما اسوي قهوتي اصبها واخليه مفتوح علشان بعد نص ساعه اقدر اشربها
وبالمناسبة هذي سويت فيديو صغيرون
وهذا اول فيديو انزله على حسابي باليوتيوب
بسيط ماكو شي بس بوريكم الشغل واشلون حده عجيب
7 comments:
اعتقد اني بوصي على واحد من اميركا
و شنو يعني عشان انا اخترت الازرق طلع اغلى واحد فيهم؟
:D
شكله حلو
بس اهوا نفسه الي شفته بكاريبو
ووين احصله بالكويت ؟
ثانكس على البوست
يعني الحين فرقت 18 عن 20 دينار؟ كلها دينارين
anonymous
لووول ترا انت سالفة والله
انت بس لو تقرا عدل راح تريح راسك وما تعور اناملك
قتلك ان هذي نوعية زينه وفي الوان ومواصفاتها عاجبتني انت شفيك معور راسك وباط جبدك وتخسر الدولة ادويه تعالج حالتك
dodoq8
والله بالكويت للامانه ما دورت على طول طلبته
عليك بالعافية .. اتذكر في احد المنتديات اتوقع الشبكة الرقمية واحد مدحة بشكل مو طبيعي يقول انة افضل ماق من ناحية حفظ الحرارة وعجبتني هم الالوان ..
قواك الله ^_^
shayshtni 3alih shkli b6lba now lina ana lazem chweha e9ib7 wala ma at7acha :p
Post a Comment