Fat Burger - kuwait

مساؤوووش

ههههه فاجأتكم بالبوست ها

لووول مو خبركم الشباب قاعد يلعبون سوني

فقلت على ما يصير دوري اقعد اتواصل مع اصدقائي الحبايب

وبعد شالخبار؟؟

بس خلص البوست

ههههههههههههههههههه

عاد اقولكم تونا واحنا قاعدين بالدوانية صدر قرار من اكثر واحد يوعان بالدوانية

ان نتعشي فات برجر

طبعا انا مسوي عنه بوست من زمان هنا

ولكن اليوم البوست هو تأكيد ما كان موجود في البوست الي طاف

المهم

ما زالت الطلبات انك تروح تطلب وتصبلك وتحط كل شي حق نفسك

اهوه الي عليه بس اييبلك اكلك لما طاولتك

طبعا المره الي طافت لما رحت ما كان كل شي متوفر

ولكن اليوم لما رحت المنيو كامل ومرتب وشغل عدل

عاد دام المنيو نازل قلت خل اطلب تشيلي فرايز

والله كان عادي إلى حد ما

الجبنه مالتهم اشبه بجبنة الناتشوز

ولكن لا بأس

طبعا البطاط قبل كانوا حاطينه بجياس مرتبه

ولكن اليوم كانوا حاطينه في بوادي القصدير

لووول يمكن الكمية كانت اكثر ولكن الشكل بالجياس كان ارتب

ومازال طعم البرجر اهوه نفسه مثل ما اكلتها اول مره

ما زال المطعم حائز على اعجابي علشان جذي ما اتردد اروحلة مره ثانيه

وكعادتنا لازم يكون واحد بالقروب مسوي رجيم

طبعا مو انا لأن انا رجيمي من زمان ولكن هيهات

المهم اليوم معاذ اهوه الي مسوي رجيم

ولكن بعد ما خلصنا من البرجر قلنا نروح جوكلت بار

ههههههههههههههههه اي رجيم اي بطيخ يا عمي

وقعدنا بره الجو حلو وايد

وطلبنا هالمره بيج ديج

وقتله يغير آيس كريم الكاكاو ويخليه فانيلا احسن

واييننا هالطبق الزين

وحياتكم لقمه من البرد مع مارشملو

احلى احساس بالدنيا

عندما تأكلها وتذوب الفانيلا و تختلط مع المارشملو و تبدأ المارشملو بالذوبان وانت مغمض عينك تعيش هذا الشعور

اييك بو وليد الي قاعد يمك وينفخ زقارته بويهك

لووووووووووول خربت تأملاتي واحلام اليقظه الي كنت اعيشها اثناء تناولي لهذه القضمة العظيمة

بصراحة شبعنا

الحين قاعد افكر اشرب جاي ولا بس خلاص

جنه بس خلاص ها؟

هههههههههههههه

اشوفكم على خير صار دوري

ادعولي انشاء الله افوز

هههههههههه