مرحبا بكم في المدونتكم

صباح الخير

يا رايئ يا انت

اي اي توني طالع من امتحان و طلعت اول واحد

هههه اول واحد من الشباب طبعا

لوووول البنات من صيد امس مخلصين تؤ تؤ ياكلون الكتب

شخباركم بعد

لا وانا يعني قاعد بالسارة على مود اراجع قبل لا انزل

ولكن ابليس وزني

جان اطييحلة لعب

والله وصلت 3 مراحل بعدين تعوذت من ابليس وقريتلي كلمتين

ههههههه

بعرفكم على صديقي الجديد

مستر كراوان

هااااااااي يا شباب و يا بنات

تدرون شنو احلى شي بالكراوان هذا

لما تصفرله يرد عليك حتى لو نص الليل

واحلى شي قصة الشعر مو صج

يبيله اسوي مثله ولكن فلافيلي ما تسمحلي

والحلو ان يتحرك مع حركة ايدي

غرد يبه غرد

بس بذمتكم ما يشبه الطير الأحمر الي باللعبة

الظاهر يقربله

امس اكلت من باسكن روبنز

هالمكان في شي غريب

الآيس كريم عندهم له نكهة خاصة ما احصلها بأي مكان

وامس جربت الكاراميل اليديد مالهم

يخرب بيته يرفع السكر عدل قمت اطق روس منه

يعني 3 سكوبات اب 1,800

يتراوالي لا بأس

انا جني ما حطيت لكم صور الغيوم

تؤتؤ اختربت يا ديكاتي

والله من امتع المناظر الي اتيينا بالسنه مره


طبعا اليوم العموم انشاء الله متابع معانا مباراة الكلاسيكو

ريال مدريد و برشلونه

اعتقد هي مباراة القمة

حسب اخر خبر قريته يقولكم

هناك 891 اعلامي وصحفي حاضر هالمباراة

انشاء الله ما خانتني الذاكرة

و بالمره ابارك حق منتخبنا الوطني

والله ورجعت حق امجادك يالموج الأزرق

ولكن هل المستوى نقيسه مع منتخب اليمن مع احترامي لهم

مممم ما ادري انا مو متابع الكره المحلية وايد وانتوا ابخص يا أهل الكره والشباب والرياضة

لحظه خل نشوف احنا اليوم برعاية منو

(قاعد يدور شنو يمه) احم احم

لووول

اليوم البوست برعاية جاي اعشاب

يدفي وينعش وينشط

وهوووبا اشووفكم على خير

لووول ليش احس فيني عناد اليوم

الله يستر بس

بباي اصدقائي