شاي الدارسين

مساكم الله بالخير

انا ديكاتي

انا الصحي

انا الرشاقة

انا الرجيم

انا كوتو موتو

انا حلوه يا بطه

هههههههههههههه

ما عليه داش مزاج انا

اولا الجدول الي حطيته امس اتغير نوعا ما لأسباب خارجة عن السيطره

وانا مو قتلكم بقعد ادرس حق امتحاني

واذا به

قبل الإمتحان ب 12 ساعه

واذا به هناك ايميل يصل على بريدي الالكتروني الخاص بي

حيث قد جعلته متزامن مع البلاك بيري خاصتي

ههههههههههه

المهم ولا الحبيب الدكتور داز ايميل يقول الإمتحان تأجل لما يوم الثلاثاء

لا والله احلف

خربت علينا عطلتنا الجميلة وما خذينا راحتنا واخر شي تكنسل

بس هم يالله ما عليه

الخيره فيما اختاره الله

علشان اشوف مباراة ميلان بعد شوي

ههههههههههههه

وانا قاعد بالكاريبو

قلت اليوم ابي اشرب شي بدون كافيين

عاد سالت الحبيب الي ياخذ طلبي

جان يقولي في قهوات في جايات شنو تبي؟(شو ابو مازن)

قتله جايات مابي قهوات

عاد عددلي جم نوع وقالي عندهم جاي دارسين

(لفته سريعه حق عبيدو: اقول عبيد دارسين ولا دارصاد، عبود دارسين ولا ساقطين) عبود رجاءا مابي اشوف تعليقك

المهم

والله عاد طلبته

وحطيته بالمج
mug
خاصتي

لووول شموضوعي مع خاصتي اليوم

عاد حطيت عليه شكر

وشربت شويه

حسيت بشعور غريب

احسه يريح الأعصاب

وهذا ما شاركه معي بني تويتر

لا جد جد الي حاس اعصابه مشدوده عليه بالدارسين

عاد انا حسيت الطعم يبيله شوي يكون قوي

جان اقوم واحط عليه رشتين من الدارسين

صار الطعم اوكييييييييييييييي

بصراحة الحين الدارسين صار ضمن قائمتي بالنسبه للجايات

وأيضا معلومه إضافية

جاي اللومي حق الي يحس ان مضغوط

ولا عنده ضغط نفسي وجذي

عليه باللومي

خصوصا لما يكون على الفحم

على قولة يدتي جاي امخمخ

يعني مستوي وخدران على راحته

والله تذكرت في احدى السنوات رحت حق أحد الأصدقاء البدو والي اعزهم وايد

كنا رايحينله المخيم

عاد هذا نظامه يقعد بالمخيم بروحه وبس

يدوب الصبي يكون موجود

وما يسوي شي غير يقعد يشعر ويتأمل

عاد يكون حاط الدوه جدامه

وهالفحم المستوي

وتقريبا حاط 8 دلات حوالين الفحم

من جاي وجاي لومي وزعفران ودارسين واعشاب وزهورات وسوالف شكثر وهم ما ننسى القهوه

ماشاء الله عليه

ويعرف ترتيبهم ما يضيع يعني

لووووووول

بس بصراحة شي جميل

ونراكم على خير