مساكم الله بالخير
لوول ديكاتي صاير مواطن طموح والله
اي اليوم رحت سجلت في برنامج تدريب الطلبة التابع لإعادة الهيكلة
طبعا التقديم لازم يكون عن طريق اخذ موعد من السايت الخاص فيهم
هذا اللنك
طبعا كل شي موجود بالصوره الي فوق الشروط والأوراق المطلوبة
والله كنت بالبداية باخذ جهة تناسب تخصصي
ولكن فكرت فيها شوي
قلت يعني بصراحه انا بستانس ما ابي اغث نفسي
رحت شركة السينما الكويتية
لوووول يعني لما اتيون السينما وتشوفون واحد رشيق ويضحك وايد
ترا هذا انا وراح اوديكم حق الكراسي
لوووووول مو متخيل نفسي
عاد على الله يطلع القبول
والله يا جماعه الي يحس نفسه متفرغ خل يدش
وترا فيها مكافأة مالية
لووووووووووول انا داش على طمع ترا
انا احتمال كبير اني ما راح اقدم على الكورس الصيفي
علشان جذي لازم اشغل وقتي ما ابي اقعد بطالي بدون هدف بالحياة
لووول واذا ما طلع القبول ههههههه
اشهد يا وزني انك راح تصير دبل الدبلات انشالله
اكل ونوم هذا شعاري طول اليوم
حلوة الجملة السابقة فيها رنه موسيقية
يعيش ديكاتي
يعيش يعيش يعييش
7 comments:
مبررووووک !
بس متی أخر یوم تسجیل >؟
aninymous
حسب ما مكتوب
يوم 13/5
بس لازم تحط موعد بالسايت مالهم
انا من سنتين سجلت واشتغلت مده شهرين كانت تجربه ممتعه واستاانست واستفدت
ومن 2008 وانا متاابعه بلووقكك ماامل من سوالفك :p
ممكن تحط طريقه تسجيل بالموقع لاني ماعرفت :$
anonymous
والله انا سجلت وانشالله عاد يقبلوني
اكشر متابعتج ولي الشرف والله :)
الطريقة ودي اشرحها بالضبط بس الموقع مالهم مو راضي يشتغل ما ادري شسالفته
يش ما يبيله شي
اذا فتح الموقع راح تشوفين على اليسار مربع مكتوب فيه تدريب الطلبة
طقي عليه و راح تدخلين الرقم المدني وتختارين قسم تدريب الطلبة
وراح يحطلج موعد
جني قبست على الموقع :"(
مشكووور ويعطيك العافيه
iltasjeel lee May 13, 2010.
bss ma yaqbelon ela ily eb 3 wala 4 (thanawy + jam3a).
Thanks Ducati!!
بالتوفيق حجي
=D
Post a Comment