مساء الخير
حاليا بالمكتبة
مو نايم الا 3 ساعات
وهذا أدى إلى نتائج واتخاذ بعض الخطط والقرارت من منطلق ديكاتي بحت
أولا : تكون (تكون ظرف عائد على ديكاتي)متجها إلى الجامعه وبالغلط تشوف نفسك داش الأفنيوز
ثانيا:تقرر انك تشرب قهوه الصبح ولكن تطلع وبإيدك تفاحة لا ومو حلوه بعد
ثالثا:الدكتور يشرح إعلام دولي وانت قاعد تفكر شكثر راح انام لما ارجع
رابعا:اييك الحبيب الي عنده مانشستر احسن فريق بالعالم ويقعد يتحلطم وانا من كثر التسطيل قاعد اناجره
خامسا: تروح المحاضرة الثانية و تدخل القاعه وماكو الا انت والدكتورة وطالب وتقعد تفكر هل سلمت عليهم لما دخلت او لا
سادسا:الدكتورة قالت لا اتيون يوم الخميس وباجر اووف معناته الويك اند من اليوم
سابعا:عندك بحث لازم تخلصه هاليومين
ثامنا:قاعد اطلع صور من التلفون من كثر ما انا دايخ قمت أقرا الارقام بالمقلوب
تاسعا : من أملق الأشياء الي اعيشها هالأيام لما يكون درسنا عن مسرحية تتكون من ادوار ووشخصيات
وكل طالب ياخذ شخصية ونقرا الحوار كله
مسرحية سعد الفرج (عشت وشفت)المسرحية حلوهبس طريقة دراستها مو شي
والدكتورة تبي الإنفعال يطلع مع نبرة الصوت
يعني لما الشخصية مستانسه او زعلانه أو معصبة
انا لما وصل دوري كان دوري اكون أم فلاح
من كثر ما الدكتورة تبيك تعيش الدور سألتها تبين اسوي صوت أم فلاح بعد ولا اتكلم عادي
عاشرا:متى يخلص الكورس يا جماعه؟؟؟
6 comments:
looooool@دورك ام فلاح
ياني رقاد من الموضوع :)
مشكله الارقام عندي دائمه في حاله التسطيل وغيرها
اخيييييه يا حلات العطلة لما تكون متخرج الكورس اللي طاف وليومك هذا انا نااااايمة
تصدق اني ما اشتقت حق الكلية كلش ولا افكر اسير على رفيجاتي اللي هناك
الدكتوره قالت لا تيون يوم الخميس وباجر اوف
شهالحظ
( ما راح اقول ماشاء الله )
لووول
مع اني متخرجة بس احتريت
البارت مال الافنيوز ايصير معاي وايد
يا ديكاتي انت يبيلك تنام يوم عشان تتنرن نفسيا وعاطفيا وعقليا:>
ديااكتي ماشاء الله مدونتك حلووه وتونس الصدر
بس ملاحظه الكومنتاات قلييل
تعرف ليش
لان ماترد عالي يردون فما تحمسهم
<< نصيحه فقط
:)
anonymous
والله الوقت لو موجود جان ماكو مشكله
بس يدوب اكتب البوست واشوه الردود توصلني على التلفون دايركت علشان اقراها
ادري مقصر بحق الي يردون واشكرهم بصراحه بس مو ضابطه معاي
الفترة الي طافت اول ايام كنت اكتب كنت ارد اول بأول بس بعدين صارت تاخذ مني وقت
اهم شي انت مستانسين ويعجبكم الي اكتبة والي يحب يوصل معلومه أو فكرة يقولها بالردود هذا احسن شي
Post a Comment