يمعة الشباب

للمرة الثانية بالدوانية وبدون تلفزيون

اليمعه ناجحة والقعدة ظريفة

قمت احس ان حلات القعده جذي بدون شي يلهينا

تصير القعده بس سوالف

لووول بس ربع البلاك بيري ما ايوززون والكلام لج يا جارة

اضججججججججججججججججك

بعد جلسة التداول مع الرواد كان بالبداية يبون يتعشون عيوش

بس بعدين تحول الرأي العام بالدوانية إلى المشويات

جان نطلب 3 كيلو مشويات

واتعب على العشى

لوووول وانا اكل الحمص واغمص فيه

حسيت اني تعودت على حمص من فئة معينه

الي يكون حامض و فيه ثوم شوية

الي كليته اليوم ما كان ذاك الزود بس لازم اغمص ما اعرف اكل شي خالي

وعبيدو الله يعطيه العافية هم طلب كنافة

انا شبعت كنافة

لما رحت حق يدتي شريت كنافة من الطيباوي وكليت

وبليل عبيد طلب كنافة وهم اديتها
لووول اشكره ما حطيت شكر بالجاي لإني الكنافة شيرتها موو صج

السكر بالعلالي يا غالي وانت ما تدراشي

وبعدها نريح شوية وندوره سلطة الفواكه البارده


شي كبيييييييييييييير

والله مشكله يمعة الدوانية صج مره بالإسبوع بس تخليني اكل كثر الي اكله بإسبوعين

يا انت يا رشاقة يا انا ما اكل اويييييييلاه

ولما مشوا الشباب وانا قاعد اقفض الدوانية واسكر كل شي

شفت القطوه الي تحوس بالحوش ولا الحجية ولدت وصار عندها عيال

يحليلها قطيوت الفريج كبرتي وصرتي ام والله

قاعدة بروحها وعيالها بالحديقة

جان اقرب يمها كان ودي امسح عليها بس ادري وصخه وايد

جان اقرب يمها واصور عيونها

لووول بيني وبينكم خفت اقرب اكثر من جذي

جان اييبلها شيش طاووق وتكا وصيخ كباب

ودتهم حق عيالها وكلوه

بالعافية عليج مسسز قطوه بس مو تقزرينها معاي على بو ان عطيتج ويه

وتصبحون على خير جميعا في هذه الساعة المتأخرة

حاليا يمي سطل من الماء لمواجهة آثار المشويات بعد 4 ساعات من النوم

باجر الغدا بيت خالي

ممممممممم ممتاز ممتاز

انشالله اقوم بالوقت واروحلهم ولو اني احس ودي اقعد بالبيت

بس مو مشكلة من اظهر افلح لأني ادري راح اقوم الظهر