فيني طبع ما اقدر اغيره كلش
السالفه يا جماعة الخير
الكل يدري ان ديكاتي مسكين ما يحب الأكل
اي هيين اخ ديكاتي
اليوم كان يوم شاق وطويل جدا
ما تغديت وبعدها رحت الندوه
ورجعت سويت مشاوير كثيره
على اخر مشوار اتصلت على البيت اشوف شنو العشى
قالولي كل خير بس تعال
قلت يالله حلو الكلام
وانا بالطريج افكر شنو الاكل والأفكار اتيي وتروح
وفجأة لقيت نفسي وصلت البيت
دخلت ولا الوالده طالعه وقالولي انهم طالبين بيتزا
قلت يالله حلو بيتزا بيتزا شورانا
وتوصل االبيتزا واتييني المفاجأه
ان طالبين 2 صغار كلش
1 كبيره
و2 بطاط ودجز صغير
اوكي انا كل الي كليته 3 قطع بس انا طول اليوم مو ماكل عدل كله خرابيط الي قاعد تصبرني
معناته ال3 قطع ما تكفي
انزين في قطعتين باقين ولكن الطبع الي فيني ما يخليني اخذهم
اقول يمكن احد يبي وحتى لو محد يبيهم ما اخذهم
ما ادري احس ما اتقبل السالفه
انا متعود اقولهم وقت الي تشترون شي واقولكم اني يوعان ييبوا شي راهي مو حده حده
انا لما يقولون لي اشترلنا عشى فيني طبع اييب زياده
يستانسون والكل ياكل عدل
وبيتنا ماكو شي يقطونه اذا زاد
لووووووووول يدرون ساعات ايوع بليل وابطل الثلاجه
فالحين باقي قطعتين قلت الحمدلله وقمت وانا بهدوئي خذيت مفاتيحي وطلعت
كنت متوجه إلى ماك ولكن الزحمه الي عنده قتلتني فقلت ماكو غير الهندي وامشي حالي
لووووووووووول وهم ارخص بيني وبينكم
والله واروح واطقلي صمونتين و سمبوسه
وعنده شي من هالإختراع العظيم
يكون داخله اما لحم او بطاط او جبن
عاد انت اختار الي تبيه
خذيتلي وحده جبن
والحين المزاج مرتاح عكس قبل لا اكل عدل
ومنبطح بفراشي اقول الحمدلله على النعمه
هههههههههه واليوم ما رحت النادي وهذي بداية الخراب يا ديكاتي
2 comments:
هاهاهاها بالعافية
أنا اليوم حاشتني حالة يوع مو طبيعي
كليت من ماكدونالدز وبعدها ابـ2 كليت فطاير
مو آفة لأ ههههه بس كان هذا أكلي طول اليوم
بالعااافيه ان شاء
ترى عادي يعني حاله اليوع اللي مو طبيعي اللي تخلي الواحد ياكل و ما يوقف وايد تيي خصوصا اذا كنت مضغوطه او معصبه
Post a Comment