امام 65 طالب يا ديكاتي

هذا هو الموقف الي انقطيت فيه اليوم

التحدث اما 65 طالب

قبلها كنت مع معاذ قعدنا بكافيه

وطبعا القهوه السوده هي اختياري المفضل في مثل هذا الوقت من النهار

ههههههههه وهذا الميني سي دي الي يحتوي على شغلي

ما يحتاج انسخ فايل حجمه تناتيف على سي دي 700 ميغا

وما احطه على فلاش لإن بعد ما اخلص العرض اعطي السي دي حق الدكتور

ادري انا اعلام ولازم اكون متعود على هالشي

بس والله الرهبه اتيييني

انا اشووف الطلبه يدشون ورا بعض شكثرهم وانا قلبي يراقع اكثر

يا سااتر

ابتسم اضحك افكر بشي ثاني ماكو فايده

وقالي الدكتور يالله يا ديكاتي هووبا

قمت

قدمت العنوان بشكل جيد

من اول نقطه قطيت بدلية شكبرها وخربطت بإسم

بس بعدين جمعت نفسي وما قمت اطالع احد

صرت اشوف جدامي على مستوى روس الطلبه ما اشوف عيونهم

لوووول حسيت ان جذي احسن

والله واشرح وابدع وكل شي تمام

بس وقوفي لمدة 40 دقيقه امام هذا العدد شي اول مره اسويه

اعتقد ان كل مره ابي اقدم لازم اتيي هالرهبه وبعد التقديم بشوي تروح

لإني قدمت من قبل اكثر من مره ونفس الشي

اتوتر بالبدايه بس بعدين عادي

خصوصا اذا كان الموضوع يحتوي على معلومات قويه وانا واثق منها

يوم جميل وطويل
وهني الرجعه إلى المواقف عبر باص المدرسه

احب الباص يا جماعه

نراكم على خير جميع جماعة