صبحكم الله بالخير
يستيقظ ديكاتي من النوم
يذهب إلى الحمام
ويدندن
"الله كريم الله كريم يا مهون الجرح الأليم هالله هالله" مزااج
غسلت
والجو مغيم شحلاته
نزلت تريقت
ما قصرت الويتر
سوتلي وافل
وترست صحني الا شوي
والله ريوق امريكي بس شغل عدل
نزلت بالشارع مالنا تمشيت مع الشباب
لوول واييني واحد يقولي
am 5angry
لووول اي خنقري
يعني هنقري
لوول بيدي خرده عطيته ومشيت
قاعد اكتب واشرب كولا
ترا والله بيبسيهم وهالسوالف في شي غريب حلو حده
المهم
اليوم طق مطر بعد
بس الحمدلله الوضع امان
رحنا مجمع
glendale galleria
مجمعاتهم نفس نظام الي عندنا
بس طبعا محلاتهم غير حده
اليوم دخلت هولستر
كان عادي ما يازلي وايد
مقاسات ماكو
بعدين
apple store
والله وناسه اول مره ادخله
بعدها شريت جم شغله من
abrocrombie
محلهم حد عجيب
عندهم عطر خبلني والله
اي طافكم الغدا اليوم
شفت مطعم عجيب
هههههههههههههه
اي نعم جيلو كباب
وحياتكم وادييها بالخمس
خوش شي
عندهم هذا الي انا طالبه جلو كباب
وهم في الكباب الإيراني الي احنا نعرفة
لووول اخيرا كليت عيش
واحنا طالعين اخذتلي برد
عووع ما كان حلو ما كملته
بعدين رحنا احلى مكان
شارع النجوم
والله هالمكان شي خيال
وناسه حده
صورنا شكثر
وهم اهني صالة السينما الي يعرض فيها الفلم لأول مره
ويحطون السجاد الأحمر وجذي
واهني صور من هالشارع
بعدين عاد رحنا مجمع بفرلي
واحنا بالطريج
بشارع فيرمونت كنا نسمع رويشد
بشارع بفرلي كنا نسمع الحب اسرار
بشارع هوليوود كنا نسمع ابو بكر سالم
لووووووول لا ومطولين عليه ومنزلين الدرايش
والله حالة
لا والشباب كانوا يشربكون
فصلنا الا شوي
لما الحين ما تعشينا
يبين بعد شوي شنو راح ناكل
جنه ما يبيلة عشا
دخت ودي اريح
يبين يبين الحين
بس من الحين اقولكم تصبحون على خير ربعي
7 comments:
البوست حلو و عجييييييب و حده يونس
شكله اليوم كان زحمه لوول
اييييييييييه جان حطيت الحلو حلو :P
ديكاتيو يييبيلييي ايفون وياك :P
انتي بشر لا موقمر :P
wanaaaaaasaaaaaaaaa!!! eee hay9aaw hay9aaaw!!! yalaaaaaaa bil3afyaaaa:P
لازلت اصر على الشقق الفندقيه اذا انتوا امطولين
اذا تبي ريوق محترم ويسدنفسك على طول اليوم انصحك بمطعم
ihop
مطعم مخصص بس حق الريوق
انصحك ماتمشي بروحك بالداون تاون لأن ممكن احد من الخوال او السكاره يتعرضون لك
مجمعاتهم عجيبه ماشفت شي وملابسهم روعه
انا بخصوص الاكل والمطاعم فلاتستغرب اجوف مطاعم عربيه او هندي او ارانيه ترا امريكا تغيرت وصارت احسن لو تتمشون بالسياره وتدخلون دواعيس والله راح تكتشفون مطاعم وايد
عليكم بالعافيه
msh3erha
اي ويك اند
انتي الي عجيبه والله
اشكر مرورج
3beedo
لووول حطيت لهم يكوسر يكوسر
bint ilkuwait
لوول مهيصين ومخربينها على الآخر
q8-borgy
اي قايلين نبي نروح نتريق فيه على يوم
الكل يمدح ريوقة
عليكم بالعافية ديكاتي
صور اكثر استانس على بوستاتك ابي اشوف امريكا ترى ليلحين ماشفتها :)
الله شنو اسم العطر الي تقوول عنه حلو
خوووش تقارير متابعتك
:)
Post a Comment