الآثار الإنسحابية للإمتحانات

والله جو الإمتحانات كان لاعب بالحسبة

لووول الواحد يحس انه خارج اطار الحياة لمدة اسبوعين

لووووول والي ضحكني اليوم

اول ما دشيت المطبخ

حسيت اني صج من زمان مو داخل المطبخ لهدف واضح

اللهم ثبتنا على ما هديتنا

من المواقف الي خلتني اهستر من الضحك

بعد ما خلصت اخر امتحان

كنت رايح احدى الجهات المصرفية

المهم

استلمت شغلي

جان تقولي الموظفة اكتب اسمك الثلاثي وتوقيعك تحته على هالفاتورة

لما الحين ماكو مشاكل

ديكاتي قوم اكتب اسمك الثلاثي

وتحته كتبت رقمي الجامعي

لووووول متعود على اوراق امتحانات اسم ورقم جامعي وخلص

عطيتها الفاتورة

جان تقول توقيعك رقم؟

جان اقولها رقم شنو

شفت الفاتورة

جان اقولها

اوووووووووووووو هذا رقمي الجامعي

سوري توني طالع من امتحان وحدي مو مركز

والبنية الي يمي ماتت ضحك

تقولي انا بعد توني مخلصة ما الومك

والله جننتنا هالجامعة

وايضا من الآثار الأخرى

صارلي يومين بس اروح اتسوق واشتري ملابس

شريت كل الي بخاطري

اهوه صج الميزانية تكحكحت

بس يالله ما عليه

كل هذا ابي ازيد شعور ارضاء النفس

لوووول لا وانا اشوف احدى نتايجي

عندي مادة ماخذ فيها
c+

لوول هالمادة كنت اسميها
twitter time class

لووول مملة وبايخة

علشان جذي اكون مجابل فيها تويتر

اما الحين قلعتي

ولكن الحياة حلوه

اتوقع اليوم راح يكون في طلعة مخيم

في حال العزيز معاذ ما وهقنا

بيني وبينكم مو مشتهي اكل

وبخاطري اروح 360 بس عيزان حدي

اراكم لاحقا