ديكاتي في رحلة جديدة

مساكم الله بالخير

13 ساعة

كانت الساعه 10 ونص صباحا

ولكن

وصلنا مطار نيويورك الساعه 3 ونص العصر

اي بتوقيت الكويت 11 بليل

تدرون شنو معانات 13 ساعة بالطيارة

والمشكله ان الهنود شكثرهم

وامسك يالريحة

يزاه الله خير عبودي مرنا الصبح

وصلت بالوقت المناسب امام البوابة

طبعا وا اسفا اني كنت على الدرجة السياحية

وحياتكم ضيج وخنقة

والحالة مزرية

بس تمتعت بالمشروبات رايح وراد عليهم

قهوتي العجيبه

بعدها وجبة الغداء


بعدها استراحة ما بين الشوطين


قزرة على الآيبود والمسلسلات

ولا كنت انام نص ساعه واقوم اكمل اشوف شويه

بعدين ارجع انام بعد

يوم معفوس والله

بعدها وجبة العشاء


لوووول علشان تعرفون شكثر طويلة الرحلة

وصلنا الحمدلله

الثلوج تغطي نيو يورك


ثلج لما الركب

الجو حده كان بارد

لبست كل شي ويدوب اتدفى


لووول اقص عليكم اذا قتلكم ما لعبت بالثلج

وصار محاذف وشطانة

حده وناسه والله

كل شي مثلج


بعدين رحنا الفندق نزلنا امتعتنا

وانطلقنا إلى التايم سكوير

هناك عالم ثاني والله

شاشات كل مكان والناس رايحة راده

والله جو جو ثاني بالمره

طبعا رحنا بالقطار الأرضي

والله يونس ظريف








هذي كلها شاشات متحركة

اعلانات ودعايات

والحلو انها مبدعة ترا حتى بحركتها

والله بس تمشي وانت رافع راسك تشوف الدنيا حواليك

عاد كان تعب جدا اليوم

13 ساعة طيران

واصلا قبلها انا مو نايم

وصار فرق الوقت

الساعه البيولوجية عندي خرفت الله وكيلكم

الحين عندكم الساعه 8 و 45 الصبح

بس عندنا الساعه 12 و 44

الحين لازم انام لإن باجر وراي رحلة أخرى

انشاء الله اول بأول راح اخليكم معاي

حاليا بس ادور الفراش

مشغل الدفاية

ولابس عدل

حتى الدس مابي افصخه وانا نايم

الدنيا برد موت اهني

بس لما الحين فيني لعب

اي ما قتلكم

تعشينا من ماك

طلبت صمونة دياي

طبعا بعد مشاورة مع صديقي قلنا نطلبها لإن ما فيها بيكون وهالسوالف

واحنا تونا قايلين بسم الله

ولا بيكونتين شكبرهم

لوووووووووووول

من اول يوم بيكون يا ديكاتي

ما يندرا باجر شنو بتسوي


بس بيبسي الدايت عندهم عنيييف

في دايت وايد والله و طعم الدابت قوي

تصبحون على خير