ليش بلاكبيري مو آيفون؟

مساكم الله بالخير

هههههه ادري عبالكم بتكلم عن الاكل

لا لا الحمدلله من الغدا شبعان

اليوم كان غدانا شعوم

ولكن كان شي خيالي

شي يفوق الوصف

تلذذت فيه حتى اخر شوكه

وبعدها نمت شوية العصاري

واليوم قايل اني ماعطي نفسي اووف من كل شي

قعدت رتب غرفتي وسنعت شغلي والحين مجابل بلوقي حبيبي و اصدقائي احبائي

بالفترة الأخيرة زاد الكلام حولي ان ليش ما تاخذ ايفون

مممممم في احد ما يبي ايفون هالجهاز العجيب

انا على قناعة تامه ان افضل جهاز
touch
هو الآيفون

هالشي خالص منه

طبعا الألعاب والبرامج الي فيه شي خيالي والله

علشان جذي اقتنيت الأيبود حتى اقدر استخدم جزء من هذه البرامج والألعاب

غير المواصفات الأخرى الي فيه

جهاز كبير والله ومحد يتحسف اذا خذاه

وانا اشوف ناس وايد الحين لما خذوا ايفون من بعد البلاك بيري

قالوا اشلون كنا مستانسين على البلاك بيري؟؟ الآيفون وايد احلى

اوكي خل اقولكم شغله

الي قال هالكلام عن البلاك بيري كانت علاقته مع البي بي ام ضعيفة

همسة ( البلاك بري ، بري منك ومن أفعالك)

يعني اقلد مدونات هاليومين لوووووووووووول

بصراحة البلاك بيري مسنجر اهوه اكثر شي مخليني متعلق بالجهاز

انا حريتي كلها مطلعها بالبي بي ام

المسنجر مال الهوتميل ما استخدمة الا نادرا وما اقدر اخذ راحتي فيه

ولكن البي بي ام هو مساحتي وحريتي

ثاني شي انا انسان احب الدقم ما احس اني راح استمتع بالشاشة الي تعمل باللمس

وهم البلاك بيري احس تصليحة بكل مكان ومتوفر وبسعر معقول

وهم سعر الجهاز مناسب جدا

وانا هالفترة صاير اتكلم بالتويتر وايد

ما ادري احس الآيفون له جماعته والبلاك بيري له جماعته

علشان جذي الحين قاعد اخطط اخذ البلاك بيري اليديد

وربما الآيفون راح استعمله اذا كان هدية من احد

طبعا ادري في ناس يقولون الآيفون في
what's app

يا جماعة صلوا على النبي

انا قاعد استخدمة بالبلاك بيري اوكي صج يختلف شوي عن اصدار الآيفون

ولكن اول شي يعلق وايد ويصير بطيئ

ثاني شي الخيارات الي فيه محدوده جدا

مع اني سمعت ان التحديث الياي راح تقدر تحط صورتك فيه

لوووول والشي الي يضحك

ان المسجات الي توصلني منه كلها مسجات قديمة واصلتني على البلاك بيري مسنجر

يعني بصراحة البلاك بيري مسنجر وايد ارتب واحسن وشي بروفشنال متعوب عليه

اعتقد ان المفروض ابل تحط لها خدمة مثل هذي وتكون بشكل متفوق و ممتاز

لما ذيج الحزة يمكن افكر اخذ ايفون

هذا البوست يأتيكم برعاية


هههههههه ترا طعمه عجيب شفيكم

نشوفكم على خير