اليوم الخبر المتصدر بالجرايد الكويتيهوالي يهم الطلبه على وجه الخصوص
طبعا اخص طلبة المدارس
الخبر يقول ان الحكومة رفضت اقتراح مجلس الأمة بتأجيل العام الدراسي الاول إلى بعد شهر رمضان
وهذا ما يشمل طلبة الجامعات والمعاهد :) هذا اهم ما في الموضوع بالنسبه لي
بس خل نآزر طلبة المدارس
طبعا و كالعاده استنكر نواب مجلس الأمة هذا القرار
وبدأو بالتحلطم واصدار التصريحات الصحفيه
ولكن يقولون اذا ما قدروا على تأجيل الدوام راح يحاولون انهم ياخذون اجازه بالعشر الأواخر
والحكومة أرجعت سبب عدم الموافقه على تأجيل الدراسه
بأن العطلة الصيفيه القادمه راح يتأخر موعدها أو تتقلص مدتها
وراح تأثر على التحصيل الدراسي للطلبه
وأيضا إمتحانات الطلبة راح يتجدم موعدها
وفوق هذا راح تأثر على الجدول او التقويم الدراسي للعام كله
------------------------------------------------
خلصنا من كلام الجرايد الحين وصل دور التحلطم
اول شي ناخذ السالفه من الناحيه الإيجابية
يعني اذا تأجلت الدراسه إلى بعد رمضان راح يكون تخفيف على الطلبه بشكل كبير لإن لا ننسى أن احنا راح ندش رمضان بشهر 9
وطبعا درجة الحراره راح تضل بغليانها وحرارتها
والدوام متعب
وخصوصا النظام الموحد الله يعينهم صج كاسرين خاطري يعني اهمه بالدوام العادي كل اسبوع امتحان
هالمره مع رمضان شنو راح يسوون
وطبعا في حال انت أجلت الدراسه إلى بعد رمضان بشكل اوتوماتيكي وطبيعي راح تتأخر العطله الصيفيه
الناحيه السالبية
طبعا راح يخترب نظام العطل والدوامات طول الكورس وراح تصير تعديلات وايد حسب كلام وزارة التربيه متمثلة بوزيرة التربيه
انزين يعني لازم احد يضحي بالنهايه
انتوا شنو رايكم بالموضوع شنو تفضلون
هل انتوا مع تأجيل الدراسه ولا مو فارقه معاكم ؟
-----------------------------
اليوم يايبلكم تحلطم اخوي بعد علشان اعطيه مجال يعبر
من قعد من النوم الساعه 2 الظهر
كله نوم وسهر بعد شسوي مو انا مالت علي مجابل هالدوام
المهم قعد من النوم وراح خذا الجرايد وجابلني
اول ما قرا الجريده قاعد ويتحسب على الوزاره
حسبي الله عليهم وحسبي الله عليهم صاير جنه شايب
لا بس بعدين لما مل جان يغيرها حسبي الله عليهم سبع التحاسيب لوووووول
يقول شنو هذا ما يصير نداوم برمضان
قتله ليش يبه ما يصير خو دوام عادي انت كنت تداوم قبل برمضان وين المشكله الحين
جان يقول انت قبل كنت تداوم معانا يعني عادي كلنا ندوام
بس برمضان هذا انت تنام وتسهر وتطالع تلفزيون واحنا نداوم ما يصير
يعني اهوه كل القهر ان ما يصير انا انام واهوه يداوم
لووول
خو انا طول الصيف مدوام يعني ما ارتاح بالله
7 comments:
هممم والله صراحة اهي مشكلة مخربطة معقدة .. لا تنسى مثلاً الحامل تقعد تحسب متى تولد علشان تضبط اجازتها و هالسوالف :P
صراحة انا من وجهة نظري احسن لهم انهم يداومون رمضان على الاقل ما يداومون بشهر 7 لما يكون الجو يغلي
بيني وبينك انا اشوف السالفه من منظور سياسي شوي
الحكومه شفطت على ام المجلس لوووووووووول
وبصراحه خل يعطلون ابرك ، يستاهلون جيل المستقبل
اشفيه الشايب
وبالنسبه حق اخوك انا اقول تآزر معاه ولاتسهر ووده وين مايبي ولا اخو بس بالحجي
من واقع عملي بالوزارة أقول لك ، ان كل دول العالم بما فيها العالم الاسلامي وكذلك دول الخليج كلها راح تداوم أول سبتمبر ، وترى عيب تطلعون جدام خلق الله متاريف ما تقدرون على رمضان .....صوموا وداوموا حالكم حال كل الدول ...... عيب فشلتونا بكسلكم
مادري بس احس انه مو مع الاجازة يعني خل تمشي الامور عادي طبيعي خو الايام قاعده تركض مشالله و تعدي الفتره انشالله و الفتره الي نداومها برمضان قصيرة مادري احس مسوين لوية على شي ينحل بثانيه لوول
احم تحدثت الوزيرة خروفه
:P
على اخووك انا قايله من قبل دمه خفيف لوووووول ياربي اهو جم عمره؟؟؟ وااي دمه عسل سمله علي لووول
عادد ديكاتي ما اوصيك انت كل يوم حره لمة تعطل قووم الصبح اشرب ماي و قوولة ايي بروح حق فراشي العزيز انام
:p
تشوفه يهون ما يروح لوول
salamz dear,...
الموضوع اكبر من دراسه وتاجيل .. الموضوع ان ميزانية دوله تنسلق سلق بيض .. وقرار تاجيل يندرس اكثر من ٣ اسابيع ..؟
بعدين ياجماعه حق الموظفين وايد اريح انهم مايدامون يعني زحمة الشوارع راح تنتهي .. بس المشكله في العطل والامتحانات ..
موفق ومشكور
انا ظد تاجيل الدراسة زين سوت الوزيرة فيهم عيل بيمشون الديره على هواهم ولا مره بتاريخ التعليم بالكويت تتاجل الدراسة عشان رمظان واحنا مرت علينا سنين يوم كنا طلبه نداوم برمظان والحر ماشكينا , مادري شعندهم مشتطين هالنواب على هالسالفه يعني خلصت مشاكلنا ومابقى الا هالمواضيع التافهه اللي تعود الطلبه على الكسل والله فشلتونا على هالبدع اللي تسوونها
3bady
ممم والله وجهة نظر حلوه لإن شهر 7 الدوام يصير ثقيل
mo3ath
والله الحكومة من عمر واهمه مشفطين مو توهم
والله نت تقول يستاهلون وناس تقول بسهم دلع
لوول اخوي هذا عنده سوابق ما ينفع لوول
anonymous
اوكي حلو كلامك كله عدل بس لو اخذنا السعوديه كمثالحسب ما سمعت انهم ياخذون اجازه برمضان
مم ولكن محد قال عنهم متاريف
اهوه صح ان المفروض ما نعود الطلبه ان يعطلون برمضان علشان لا تصير ظاهر سلبيه بعدين
5roofa
والله قوليلهم اهمه هالكلام يا سعادة الوزيره ما يصير جذي والله ما يصير
اخوي مو صغير ولكن المخ متأخر احس اهوه عمره 13 ولكن الي يشوف تصرفاته وسالفه ما يقول 13
molok
اهوه اصيح اريح حق الموظفين ولكن الزحمه موجوده سواء الحين ولا بعدين يعني ما راح نغير من الموضوع شي
anonymous
النواب مع الخيل يا شقرا كل شي يحسون غريب يهبون فيه والحكومه تسكتهم بعدين يطخون
لوول ياخوي لغة الضاد عندك يبيلها شغل
:)
Post a Comment