اليوم في محاضرة في كلية العلوميعني شي طبيعي دام احنا بكلية العلوم راح ندرس شي علمي
هالفتره قاعدين ناخذ عن جسم الإنسان
عاد وصلنا حق الجهاز الهضمي و توابعه وشنو فيه ما فيه
المهم واحنا بنص الشرح ذكرت الدكتورة الحليب واشلون نستفيد منه وشنو الأنزيمات الي تنفرز حقه
اكتشفت لأول مره ان احنا ما نستفيد من الحليب نهائيا على حسب كلامها
تقول الدكتوره على روايتها انا مالي شغل اي
تقول ان اليهال الصغار لما 5 سنين يقدرون يستفيدون من الحليب بشكل كامل
يعني لما اي واحد من الكبار لما يشرب الحليب يكون لمجرد الإستمتاع بالطعم وبس ماكو شي اكثر من جذي
وقالت ان الصغار يستفيدون من الحليب لإن عندهم انزيم اسمه الرنين
والله انا بحثت عنه و اهوه موجود بس اسمه غريب
ولكن صج انصدمت
بس ما ادري يعني لازم في فايده حقه ما يصير جذي لا فايده ولا عايده
ولا انا ماكو شغل اشرب حليب علشان استمتع بالطعم
عاد في وايد ناس ما يحبون الحليب لووول
مع ان الحليب ما في شي حلو بس انا احبه مع سكر
لإن في ناس يشربون خلط زلط بدون شي
والحين اذا فرضنا كلامها صح
ليش هالدعايات الي تارسه الديره والحليب والحليب
ولكن معلومه اضافيه تقول الدكتوره ان اللبن والجبن
نقدر نستفيد منه لإن تخمر وناخذ منه العناصر الي نستفيد منها
والله اول مره احس اني فاهم شي بالعلوم
يعني زين طلعت بفايده
الله يثبتنا على هالشي قولوا آمين خل نخلص الكورس على خير
7 comments:
لووووووووووووووووووول
لا يتراوالي انك راح تخلص الكورس وتصير نفس هذا اللي يكلم نفسه ;D
مادري بس كلام دكتورتكم مايدش المخ
وين راح الكالسيوم والبروتين والحديد غير الفيتامينات اللي في الحليب عيل
واضح انها ماخذه موقف عدائي من الحليب وقاعده تشوه سمعته
او انها قاعده تشن حملات ضد كي دي دي وربعه خاصة بعد ارتفاع اسعار الحليب
كشخخخه دكتوور ديكاتي لوول
انزين انا مااقدر اشرب حليب لانه يسويلي حساسيه يعني الحمدالله مو فاقده شي
لوول دكاتي خارج منظقة التغطية انا شفت كومنت شطووولة اخترعت
اثاري بعدين استوعبت عن هذا الي قلت عنه جان اضحكك
شووف هذا ارهابي شكله بيفجر بلووقك دربالك و انا وخيتك لووول
:p
احم لا يفجرني انا بعد
salamz dear....
لوووول إذا ماكان الحليب بمطعم هندي الفير ولا لاتشرب
لا شكلك معديها هالكورس ان شالله دام لخبطت معلوماتك الدكتوره يعني فاهم :p
أحسه حاك الرصيفAnonymous
الريال قاعد يتكلم عن الحليب شكو إلحادك بالموضوع لوووووول
يمكن عجبه موضوع العلم والتطور وقال يلا عليهم عليهم
دايخه الدكتوره:)
طعم السكر
لووول الله لا يقول اصير مثله بعيد الشر انشالله
والله يجوز انها ماخذه موقف منه بس كلامها يمكن صح انا ما ادري
اهم شي ان اهي بروحها تبي تسوي حمله ضد كي دي دي
5ROOFA
لوول زين عيل ما عندج احد يحن عليج شربي حليب
لوول والله شكله اهوه ناوي على بلوقي بس لا يمعوده الله لا يقول بسم الله توني فات البلوق ما صارلي
mo3ath
لووول والله الله يستر من هالكورس شكلي بييب خلايا نباتيه علشان ارشي الدكاتره
اي هذا الي حاك الرصيف داش عرض حتى قمت امسح سوالفه المريضه
anonymous
والله يمكن دايخه ويمكن كلامها صح اذا عندك شي تفيدنا فيه لا تبخل علينا طال عمرك:)
همممم مو معقولة اكبر دليل لما تشرب حليب اليوم الثاني اضافيرك طالت هذا دليل انه الكالسيوم يلعب دور و الدكتور مو اثول لما الله لا يقول تنكسر ايدك شي يقولك اشرب حليب لانه يبني العظام بقض النظر عن العمر :)
عندي لك خلطة قوية اشرب حليب مع عسل مع حبة سوده مطحونه اهو الطعم يصدع المخ اشوي بس يفيد :P
3BADY
لوول عبود الدكتور ما يطلع كلام من الهوا اكيد عند شي يستند عليه
والله اعلم
Post a Comment