يا معيريس عين الله تراك والقمر والنجوم تمشي وراك
دم دم كح دم دم كح (يعني طبل)لووول
أمس كان يوم مليئ بالسوالف
ابتدي معاكم من اول ما قمت الصبح
اليمعه نمت الساعه5 وقعدت 9 فتقدرون تقولون اني ما شبعت نوم وكنت تعبان بس قعدت
ورحت بيت يدتي تغدينا وقعدنا نسولف و جذي ولا ابوي يتصل يقولي اليوم عرس ولد عمك لازم اتيي
اقوله انزين دام ان اليوم في عرس ليش ما قتلي من اول علشان اجهز نفسي وملابسي
يقولي ما ادري نسيت اقولك(اهوه ينسى عادي بس انا اذا نسيت تقوم القيامة) لوول
المهم طلعت الساعه3 رحت قصيت شعري الفلفولي وعدلنا الشغل
رجعت البيت طلعت غتره كنت موديها من شهرين المصبغه ولكن كانت جيده
وبعد صلاة المغرب توجهت إلى صالة الأفراح بالشعب
طبعا العايلة الكريمه أغلبهم كانوا موجودين ما يمديك تسولف او تشرب شي الا يايلك واحد مسلم عليك
احلى شي بالعرس لما وصلت فرقة الهبان لووول يا سلام شنو رقصوا رقص الربع
لووول الي حتى المعرس يابوه من مكانه وخلوه يرقص وصار ضحك والله
طبعا انا بالبدايه كنت خوش ولد لإن ابوي قاعد يشوف بس من ابوي اختفى جان يدش ديكاتي
بين الحضور ويفره فر الي ورجي قام يعورني من كثر الرقص تكسرت
لا ولما كنا بناخذ صورة جماعية مع المعرس لوول الشباب الي ورا المعرس ما خلوه بحاله
يسوون اشياء مو زينه لوول حتى المعرس عصب عليهم قالوهم بس ترا شقيتوني لوووووول
شطانة شباب والله
وبعدها طلعنا رحنا زفينا المعرس لما صالة الحريم والله وناسه
كانت المسيرة فيها نوع من الذرابه مو مثل ناس يطقون رشاشات وصواريخ ومدافع
خو ترا هذا عرس مو حرب وما ادري شنو الوناسه لما تطق بالرشاش ترا مليقه السالفة
وصلنا صالة الحريم ويينا نبي ندخل المعرس
طبعا لازم يرقصون مره ثانيه بصالة الحريم لووول عمي واقف يمي يقولي يبيله رقصه
جان اقوله عمي ترا الثقل زين احنا شباب مومشكله انت شايب خلاص راحت عليك
والله خلصنا وسلمنا على المعرس وتوكلنا على الله و رحنا الدوانيه انا مع جم واحد
انشالله عؤبال ما نشوفكم معاريس حق الي مو متزوجين والي متزوج اقوله عؤبال الثانية
تحديث:لازم البوست اقراه الف مره ويطلع فيه بدليه سوري يا جماعة
5 comments:
:>
ياحلو سوالفك وطيشك يا ديكاتى
يعنى محد كان قاضبك بالبداية عن الرقص الا الوالد
:>
المهم
الفال لك ان شاءالله
وعؤبال ما نقرا بوستك فيه خبر اعلان زواجك
يعني شنو يسون اشياء موزينة؟
:)
aldenya
لوول تسلمين اختي
والله شسوي استحيت ارقص جدام ابوي بس لما اختفى دشيت عاد ما ادري شافني ولا لأ
لوول الله يسمع منج
بس هم للحين صغير خل نستانس بشبابنا
جابر المرعي
اشياء مو زينة ما ادري شنو اهي بالضبط بس مو زينه:)
يالله عقبالك يا ديكاتي
ان شاء الله انشوفك معرسسس
و انزفك زفه لا صارت ولا استوت
خخخخخخخ
الا يا انها راح اتصير شغلات مو زينة
لووووووووول
:p
باي باي
face of death
الله يسمع منك يا رب
لوول واهم شي الأشياء الي مو زينه
Post a Comment