عيال المدارس وفلم قعدة الصبح

لووول اليوم انا قاعد من الفير على بو ان ابي ادرس بس هذا ثاني بوست انزله من قعدت

ترا انا مو مستانس اني بكتب شي بس لإني مالي خلق ادرس لوول عيارة ادري

المهم اخوي الصغير قعد من النوم والويه متفخ كالعاده ماله خلق يروح المدرسه بس لو في خير خل يقول ما ابي اروح

لإنه ما يقدر يقولها في واحد اسمه ابوي فوقه لوول

المهم قعد 6 وربع تقريبا شافني قاعد بالصاله جان يقولي

ديكاتي عفيه اذا شفت ابوي لبس الغترة قعدني لإني بنسدح شوية

وانا اطالع مستغرب قتله اوكي

شوي ولا ابوي لبس الغتره وانا ما شفته

جان ينادي اخوي قاله ها خلصت ما اشوف الا اخوي يقوم ومخترع ولا تشوفونه اشلون نقز

لووول يا جماعة ب5 دقايق عدل شعره وعدل جنطته خذا اكله وراح السيارة سبحان مغير الأحوال شنو هالسرعه

والله ما توقعت ابوي يخرع هالكثر

اي قبل انسى اخوي اول فتح الباب يبي يطلع ولا يشوف قطو جدامه لووول اشوفه صرخ بس بصوت خفيف

جان اطالعه لوول جان يضحك يقولي في قطو قتله اسم الله عليك خفت جان يقول لا بس خرعني

يهش القطو والقطو مو راضي يتحرك يقولي ديكاتي هذا مو راضي يتحرك لوول جان اقوله رفسه

هذا ما صدق خبر ما اشوف الا القطو يقحص لووول وينحاش

اقول حق اخوي انشالله سمعت كلامي ورفسته يقولي بعد شسوي

قتله روح روح الله يوفقك اليوم

وتلوموني يا جماعة

:)